2 पतरस 3:8 - गढवली नयो नियम

⁸ हे प्रियों, ईं बात तैं अनदेखो नि कैरा जु मि अब तुम तैं बतौलु; पिता परमेश्वर एक दिन तैं थोड़ा बगत का रूप मा नि दिखद अर न ही एक हजार साल तैं लंबा बगत का रूप मा। वेको एक दिन अर एक हजार साल सब एक बराबर च।

Garhwali

⁸ मगर हे मेरा प्यारा भै-बैंणो, तुम ईं बात तैं याद रखा, कि प्रभु कि नजर मा एक दिन हजार साल का बराबर अर हजार साल एक दिन का बराबर होन्दु च।

2 पतरस 3:8 Iomraidhean Croise

रोमियों 11:25

हे विश्वासी भयों, कखि इन नि हो कि तुम अपड़ा आप तैं भौत बुद्धिमान समझी ल्यां। इलै कि मि तुम लुखुं पर यु भेद प्रगट कन चांणु छों, कि यु सच च कि भौत सा इस्राएल का लोग विश्वास कनु कु तैयार नि छिनी, बल्कि परमेश्वर पर विश्वास कन वला अन्यजाति लुखुं की गिणती पूरी हवे जाली, त इस्राएल का लोग विश्वास करला अर परमेश्वर मा वापिस ऐ जाला, तब तक इस्राएल कु एक हिस्सा इन ही कठोर रालो।

1 कुरिन्थि 10:1

हे विश्वासी भयों, मि चांणु छों की तुम याद रखा, कि जंगल मा हमारा पुरणों का दगड़ी भौत पैली क्य हवे छो। पिता परमेश्वर ल ऊं सभियूं तैं एक बादल भेजि के बतै, जु ऊंका अगनैं-अगनैं, अर उ, ऊं सभियूं कु सूखी भूमि का जन लाल समुद्र का पांणी का बीच बट्टी बचै कै लै।

1 कुरिन्थि 12:1

हे विश्वासी भयों, पवित्र आत्मा का द्वारा ऊं मिलण वला वरदानों का बारा मा जु तुम ल मि बट्टी पूछि छा, मि चांदु छों तुम यांका बारा मा अच्छो के जांणा।

2 पतरस 3:1

हे प्रियों, अब मि तुम तैं य दुसरी चिठ्ठी लिखणु छो, अर द्वी चिठ्ठियूं मा मि तुम तैं सै ढंग से सुचणु कु प्रोत्साहित कनै की कोशिश कनु छो, तुम तैं व ही चीज याद दिलांण का द्वारा जु तुम पैली ही सीख ज्ञा।