2 पतरस 2:18 - गढवली नयो नियम

¹⁸ जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।

Garhwali

¹⁸ अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 पतरस 2:18 Iomraidhean Croise

खास चेलों 2:40

पतरस ल भौत सैरी बातों से भि गव्है दे-दे के यु बात बार-बार बोलि के उ बट्टी बिनती कैरी, कि अफ तैं ई टेढ़ी जाति बट्टी बचावा।

खास चेलों 8:9

यु नगर मा शमौन नौं को एक आदिम रौंदो छो, जु अपड़ा जादु-टोणा ल सामरिया प्रान्त का अन्य-जाति लुखुं तैं चकित कनु छो अर उ दावा करदो छो कि उ एक बड़ो आदिम छों।

रोमियों 13:13

आवा हम अपड़ा चाल-चलन तैं ठिक कन शुरू कैरी द्यां, ऊं लुखुं का जन जु उज्यला मा रौंदींनि अर अंधेरा मा न; न की लीला-क्रीडा, अर न पियक्कड़पन, न व्यभिचार, अर लुचापन मा, अर न झगड़ा, अर न जलन मा।

इफिसुस 4:17

इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।

2 थिस्सलुनीकी 2:4

उ परमेश्वर को अर ऊं सभि मूर्तियों को अर सभि चीजों को विरोध करलो ज्यांकी लोग आराधना करदींनि अर उ अपड़ा आप तैं यूं सभियूं बट्टी महान ठैरालो कि उ पिता परमेश्वर का यरूशलेम शहर का मन्दिर मा बैठ के अपड़ा आप तैं पिता परमेश्वर प्रगट करदो।

याकूब 5:5

तुम धरती पर ऐश अर आराम को जीवन तैं ज्यून्दयां, अर इन कै, तुम ल अपड़ा आप तैं पिता परमेश्वर का तरपां बट्टी भयानक दंड कु अफ कु तैयार कैरी।

2 पतरस 1:4

वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।

2 पतरस 2:14

उ हर एक जनन दगड़ी व्यभिचार कन चयदींनि, जै तैं उ दिखदींनि। उ पाप कना का मौका खुजंण से कभी नि चुकदींनि। उ कमजोर आत्माओं तैं लुभोदींनि अर ऊं लुखुं तैं धोखा दींदिनि जु मसीह पर मजबूत विश्वास नि करदींनि, अर उ ऊं तैं पाप का तरपां लिजांद। ऊंका जादा से जादा चीजों तैं पांणु कु हमेशा बढ़ण वला लालच का कारण पिता परमेश्वर ऊं तैं दण्ड दयालो।

2 पतरस 2:2

भौत सा लोग जु बुल्दींनि कि उ विश्वासी छिनी, उ यूं झूठा शिक्षकों का अनैतिक ढंग की नकल करला, अर हैंका लोग जु विश्वासी नि छिनी, पिता परमेश्वर का तरपां जांणवला रस्ता का बारा मा बुरी-बुरी बात बुलला।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

2 पतरस 2:7

पर यां से पैली कि पिता परमेश्वर ल सदोम को विनाश कैरी, वेल लूत तैं जु एक धर्मी आदिम छो, शहर बट्टी निकाली दींनि अर इन कै वे तैं बचै दींनि। लूत भौत परेशान छो किलैकि सदोम का लोग कै भि नियम तैं नि मणदा छा अर शर्मनाक काम करदा छा।

2 पतरस 3:17

इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।

यहूदा 1:13

जन समुन्द्र की प्रचण्ड लहर गन्दो झाग बंणौंदींनि, उन ही यु लोग शर्मनाक काम फैलांदींनि। उ कुछ गैणों का जन छिनी जु एक बणयां रस्ता पर नि चलदींनि, उ सै रस्ता नि दिखदींनि। प्रभु ऊं तैं एक जगह रखणु च जु पूरा ढंग से अंधेरी च जख ऊं तैं हमेशा कु रौंण पुड़लो।

दिब्य दरस 13:11

फिर मिल एक और जानवर तैं धरती मा बट्टी निकलद देखि, येका द्वी सींग छा जन की चिनखा का हूंदींनि। पर जब येल बोलि त यु अजगर का जन बुल्ण लगि गै।