2 पतरस 1:8 - गढवली नयो नियम

⁸ जु यु सब बात तुम मा छिनी अर बढ़दी जौं त यु तुम तैं हमारा प्रभु यीशु मसीह का ज्ञान मा उपयोगी अर फलदार हूंण मा मदद करली।

Garhwali

⁸ अर यू वु गुण छिन जौं की तुमतै भौत जरुरत च अर अगर जु यू तुमरा पास भरपूरी से होला, त यू गुण तुमतै हमरा प्रभु यीशु मसीह का ज्ञान मा काम करण वळु अर और भि जादा असरदार बणौन्दिन।

2 पतरस 1:8 Iomraidhean Croise

मत्ती 13:22

जु झिबलांण मा बुतै गैनी उ यु छिनी जौं ल वचन तैं सूंणि, पर धरती पर जीवन कि चिंता अर धन दौलत को धोखा ज्यां बट्टी उ प्रेम करदींनि अर कई चीजों तैं पाणै की चाह ऊंमा समैके वचन तैं दबै दींदु अर वे तैं कुछ फैदा नि हुंदा।

मत्ती 20:3

फिर सुवेर 9 बजै जब दिन शुरू हवे त घौर बट्टी निकली के वेल कुछ और लुखुं तैं बजार मा बेकार खड़ो देखि

मत्ती 20:6

अर लगभग शाम पाँच बजी फिर निकली के दूसरों तैं खड़ो पै अर वेल ऊंकु बोलि तुम इख दिन भर बेकार खड़ा किलै छा? ऊंल वेमा बोलि, इलै कि कैल भि हम तैं मजदूरी पर नि लगै।

मत्ती 25:26

वेका स्वामी ल वे तैं जवाब दींनि, हे दुष्ट अर अलकसी सेवक जब तु यु जंणदी छै कि मि भौत कठोर मनिख छै अर एक इन मनिख जन छै जु दुसरा लुखुं का काम बट्टी फायदा कमाणै की उम्मीद करदो छै

यूहन्ना 15:2

हर एक डाली जु मि बट्टी च पर फल नि दींदी, त वे तैं तोड़ी डल्द अर जु फल्दी च, वेकी कटाई करदु कि हरेक फलो।

यूहन्ना 17:3

अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

यूहन्ना 5:42

किलैकि मि तुम तैं जंणदु छौं कि तुम परमेश्वर बट्टी प्रेम नि करद्यां।

रोमियों 12:11

भौत परिश्रम कैरा अर आलसी नि बणा पूरा उत्साह का दगड़ी पिता परमेश्वर की सेवा करदी रावा।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

2 कुरिन्थि 13:5

अपड़ा आप तैं परखा, यु दिखणु कु कि क्य तुम्हरो विश्वास सचो च या न, कि तुम विश्वास मा छा या न; अपड़ा आप तैं जांचा, क्य तुम अपड़ा बारा मा यु जंणदा छा, कि यीशु मसीह तुम मा च? नथरी तुम निकम्मा छा।

2 कुरिन्थि 8:2

जब बिज्यां मुशीबतों बट्टी ऊं की अजमैश हवे, त उ भौत खुश हवीनि अर जबकि उ भौत गरीब छा फिर भि ऊंल दुसरा विश्वासियों की मदद कनु कु भौत उदारता ल धन द्ये।

2 कुरिन्थि 8:7

पर जन हर बात मा मतलब विश्वास, शिक्षा दींणै की क्षमता, ज्ञान अर सब ढंग की कोशिश मा, अर वे प्रेम मा, जु हम बट्टी रखदां, बढ़दी जणदां, उन ही गरीब विश्वासियों कु दान का काम मा भि बढ़दी जावा।

2 कुरिन्थि 9:14

उ तुम कु पिता परमेश्वर बट्टी प्रार्थना करला। उ तुम बट्टी प्रेम करदींनि, किलैकि उ जंणदा छिनी कि पिता परमेश्वर ल तुम लुखुं पर बड़ी कृपा कैरी।

फिलिप्पी 1:9

अर मि तुम कु प्रार्थना करदु, कि एक दुसरो कु तुमारो प्रेम सदनी बढ़दी जौं, अर तुम तैं पूरो ज्ञान अर सब किस्मै कि बुद्धि अर विवेक मिली जौं।

फिलिप्पी 2:5

जन मसीह यीशु कु बरतौ छो उन ही तुमारो बरतौ भि हो;

फिलिप्पी 3:8

पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

कुलुसी 1:10

हम यु प्रार्थना करदा कि तुम उन ही के जीवन जिया जन प्रभु चांदो च अर प्रभु सभि बातों मा तुम बट्टी खुश हो, अर तुमारा जीवन मा हरेक किस्मै का भला कामों का फल लगुनु अर तुम परमेश्वर की पछयांण मा बढ़दी जावा,

कुलुसी 2:7

जन एक डालो धरती मा जड़ पखड़दो अर एक घौर बुनियाद पर मजबूत रौंदो उन ही तुम अपड़ा विश्वास मा मजबूत हूंदी जावा, अर हमेशा वेमा बढ़दी जावा, जन तुम तैं सिखै छो अर जादा से जादा धन्यवाद करदी रावा।

कुलुसी 3:16

मसीह का वचन तैं, अपड़ा मनों मा पूरा ढंग से बसण द्यावा, पूरा ज्ञान का दगड़ी एक हैंका तैं सिखावा अर चितांणा रावा, अपड़ा मनों मा धन्यवाद का दगड़ी पिता परमेश्वर कु भजन स्तुतिगान अर आत्मिक गीत गावा।

1 थिस्सलुनीकी 3:12

हम यु भि प्रार्थना करदां कि प्रभु इन कैरो कि, जन हम तुम बट्टी प्रेम करदा, उन ही तुम भि एक दुसरों बट्टी प्रेम कैरा अर सभि लुखुं का दगड़ा मा भौत बढ़दी जावा।

1 थिस्सलुनीकी 4:1

हे विश्वासी भयों, हम तुम बट्टी बिनती कना छा अर तुम तैं प्रभु यीशु मा समझौंणा छा कि जन तुम ल हम बट्टी प्रभु का लैख जीवन बसर कन सीखी अर पिता परमेश्वर तैं खुश कन सीखी अर जन तुम ज्यूंदा भि छा, अर हम तुम तैं इन कनु कु और भि प्रोत्साहित करदां।

2 थिस्सलुनीकी 1:3

हे विश्वासी भयों, तुमारा बारा मा हम तैं हमेशा पिता परमेश्वर कु धन्यवाद कन चयणु च, अर इन कन हम कु ठिक भि च इलै की तुम प्रभु यीशु मसीह मा लगातार जादा से जादा विश्वास करदां अर तुम सभियूं कु प्रेम आपस मा भौत ही बढ़दी जांद।

1 तीमुथियुस 5:13

अर यांका दगड़ी-दगड़ी उ घौर-घौर रीटिके अलकसी हवे जंदींनि, अर भस अलकसी ही न, पर दुसरा लुखुं का बारा मा चुगली करदी अर और का कामों मा दखल दींदिनि, अर इन बात बुल्दींनि जु बुल्ण लैख नि हूंदींनि।

तीतुस 3:14

भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

फिलेमोन 1:6

मि प्रार्थना करदु की विश्वासियों का दगड़ा मा तेरी जु प्रार्थना की संगति च, व बढ़दी जौं, तेरु उ सभि अच्छी चीजों तैं जनण का द्वारा जु पिता परमेश्वर ल हम तैं दीं च। यु सभि मसीह की बड़ै कु हो।

2 पतरस 1:2

मि प्रार्थना करदु की पिता परमेश्वर तुम तैं और जादा से जादा कृपा अर शान्ति दयालो जन-जन तुम पिता परमेश्वर अर हमारा प्रभु यीशु का ज्ञान मा बढ़दी जन्द्यां।

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।