2 पतरस 1:6 - गढवली नयो नियम

⁶ तुम तैं समझदारी ल कन कै बरतौ कन चयणु च, बल्कि तुम तैं अपड़ा आप तैं भि वश मा भि कन चयणु च, अर तुम तैं न भस अपड़ा आप तैं वश मा कन चयणु च, बल्कि तुम तैं मुसिबत मा भि धीरज भि रखण चयणु च, अर तुम तैं न भस धीरज रखण चयणु च, बल्कि तुम तैं इन ढंग से जीवन जींण चयणु च जु पिता परमेश्वर तैं खुश करद।

Garhwali

⁶ अर वे ज्ञान से तुम खुद तैं वस मा रखिल्या, फिर खुद तैं वस मा रखण से सबर रखण जणिल्या, अर सबर रखण से भक्‍ति करण आली,

2 पतरस 1:6 Iomraidhean Croise

लूका 21:19

पर तुम अपड़ा धीरज ल, अपड़ा आत्मा तैं बचै कै रखिल्या।

लूका 8:15

पर अच्छी जगह मा बुतै गैनी उ यु छिनी जु वचन तैं सूंणि के भला अर उत्तम मन मा सम्भालि के रखदींनि अर धीरज से फल लंदिनि।

खास चेलों 24:25

पर जब पौलुस धार्मिकता अर सयंम अर औंण वला जांच के न्याय की विचार कनु छो, तब फेलिक्स ल डैरी के जवाब दींनि, “इलै अभि त तु जै सकदी छै पर मौका मिललो त मि त्वे तैं फिर बुलौलु।”

रोमियों 15:4

जथग बात पैली बट्टी परमेश्वर का वचन मा लिखै गैनी, उ हमारी ही शिक्षा कु लिखै गैनी, कि हम धीरज अर हिम्मत बट्टी जु हम तैं पिता परमेश्वर का वचन मा मिल्दो आस रखा की पिता परमेश्वर ल जु करार कैरी छै, उ वे तैं पूरो करलो।

रोमियों 2:7

जु अच्छा काम मा स्थिर रै के बड़ै, अर आदर, अमरता कि खोज मा छिनी, ऊं तैं पिता परमेश्वर अनन्त जीवन दयालो;

रोमियों 8:25

पर हम तैं कुछ इन मिलणै की आस च जु हम मा अभि तक नि च, इलै हम धीरज का दगड़ी तब तक इन्तेजार करद्यां जब तक ही हम वे तैं नि पै ल्या।

1 कुरिन्थि 9:25

जु लोग दौड़ मा हिस्सा लींण चंदींनि, उ पैली अभ्यास करदींनि अर अपड़ी अभिलाषाओं मा नि डुबदींनि, उ इन इलै करदींनि, कि जीति साका अर आदर पै साका; उ त एक मुरझांण वला मुकुट तैं पांणु कु यु सब करदींनि, पर हम त वे मुकुट कु करदां, जु सुकद नि च।

2 कुरिन्थि 6:4

पर हर बात मा हम यु साबित करदा, कि हम पिता परमेश्वर का सच्चा सेवक छा; धैर्य ल क्लेशों, दरिद्रता अर संकट तैं सै के,

गलातियों 5:23

नम्रता अर सयंम च; इन कुई भि व्यवस्था नि च जु यूं बातों का विरोध करदी हो।

कुलुसी 1:11

पिता परमेश्वर अपड़ी महिमामय अर सामर्थ कु इस्तेमाल कैरी के तुम तैं बिज्यां मजबूत बणौ कि, तुम धीरज अर खुशी ल अपड़ा दुखों तैं सह साका।

1 थिस्सलुनीकी 1:3

अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

2 थिस्सलुनीकी 1:4

इलै हम पिता परमेश्वर कि मण्डलियों मा विश्वासियों का बारा मा घमण्ड करदां, कि जथग दुःख अर क्लेश तुम सिणा छा, फिर भि तुम यु तैं बड़ा धीरज का दगड़ी लगातार सहन करदां अर यीशु मसीह पर विश्वास पर विश्वास करदां।

2 थिस्सलुनीकी 3:5

हम प्रार्थना करदा कि प्रभु यीशु मसीह तुम तैं यु समझण का लैक बणौ कि पिता परमेश्वर तुम तैं कथग प्रेम करद अर जब लोग तुम तैं सतौंदींनि त कन कै ठिक रावा उन ही जन प्रभु भि टिकयूं रै।

1 तीमुथियुस 2:10

यांका बजाय, ऊं तैं दुसरा लुखुं कु भला काम कैरी के अफ तैं सुंदर बनौण चयणु च किलैकि विश्वासी जननों तैं इन कन अच्छो लगद।

1 तीमुथियुस 2:2

राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

1 तीमुथियुस 6:11

पर हे पिता परमेश्वर का जन तीमुथियुस, तु यूं बातों से दूर रौ, अर धर्म, भक्ति, विश्वास, प्रेम, सब्र अर नम्रता जु ठिक च, भस वे तैं कनु कु हर किस्म की कोशिश कैर।

1 तीमुथियुस 6:3

जु कुई झूठी शिक्षा दींद अर वे उपदेश तैं नि मंणदु जु हमारा प्रभु यीशु मसीह का भक्ति का अनुसार च,

1 तीमुथियुस 6:6

पर हम कु यु ही बड़िया च, कि हम उ कैरा जु पिता परमेश्वर तैं खुश करद अर जु उ हम तैं दींद हम वां मा ही संतुष्ट रां।

2 तीमुथियुस 3:5

उ इन बरतौ करला जन उ पिता परमेश्वर का सम्मान करदा हो, पर उ पिता परमेश्वर की सामर्थ तैं ऊंका बुरा जीवनों तैं बदलण से इंकार करला; इन लुखुं बट्टी बचा।

तीतुस 1:1

या चिट्ठी पौलुस कि तरपां बट्टी च, मि पिता परमेश्वर कु सेवक अर यीशु मसीह कु प्रेरित छो, मि तैं पिता परमेश्वर का चुणयां लुखुं का विश्वास तैं मजबूत कनु कु अर ऊं तैं यीशु मसीह की सच्ची शिक्षाओं तैं जनण मा मदद कनु कु चुणै गै, कि उ इन जीवन जियां जु पिता परमेश्वर तैं खुश करदो।

तीतुस 1:8

पर प्रेम का दगड़ी मेहमानदरी कन वलो, भलै तैं चांण वलो, सब्र रखण वलो, ईमानदार, पवित्र अर अपड़ी इच्छा पर काबू रखण वलो।

तीतुस 2:2

मण्डलि का दानों तैं अफ पर काबू रखण चयणु च, इन बरतौ कन चयणु च, कि लोग ऊंको सम्मान कैरा, अर समझदारी ल बरतौ कन चयणु च, ऊं तैं पिता परमेश्वर पर मजबूत विश्वास कन चयणु च, दुसरा लुखुं बट्टी सचै का दगड़ा प्रेम अर सहनशील हूंण चयणु च।

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

इब्रानी 12:1

हमारा अमणी-संमणी इन कई लोग छिनी जु की जिन्दगी हम तैं बतांद कि विश्वास कु मतलब क्य च; हर एक रुकण वली चीज, अर उलझांण वला पापों तैं दूर कैरी के हम वे बट्टा पर चला जै पर हम तैं जरूरी चलण चयणु च, उख चला।

इब्रानी 6:15

अर अब्राहम ल धीरज का दगड़ी लम्बा बगत तक करार कु इन्तेजार कैरी; तब वे तैं उ मिली जु पिता परमेश्वर ल वे दगड़ी करार कैरी छै।

2 पतरस 1:3

पिता परमेश्वर ल अपड़ी सामर्थ का द्वारा हम तैं उ सब द्ये जु हम तैं एक ईश्वरीय जीवन जींणु कु चयणी च जु पिता परमेश्वर तैं खुश करदी। यु संभव च किलैकि हम पिता परमेश्वर तैं जंणदा छा अर उ, उन ही च जैल हम तैं अपड़ी महिमा अर नैतिक अच्छै का द्वारा अपड़ा लोग हूंणु कु बुलै।

2 पतरस 3:11

जबकि पिता परमेश्वर निश्चित रूप बट्टी यूं सभि चीजों तैं नाश कैरी दयालो, जन कि मिल अभि बोलि, इलै तुम तैं निश्चित रूप मा ईश्वरीय ढंग से बरतौ कन जु पिता परमेश्वर तैं खुश करद।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।

दिब्य दरस 13:10

जु लुखुं तैं कैद किये जांण तय च, उ जरुर कैद किये जाला, अर जौं कु तय च कि उ तलवार बट्टी मरै जा उ निश्चित रूप मा तलवार से मरै जाला। इलै की जरूरी च कि पिता परमेश्वर का लोग ऊं मुसिबतों तैं सह जौको उ अनुभव करदींनि अर विश्वास कन मा मजबूत रा।

दिब्य दरस 14:12

किलैकि यु बात हूंण वली छिनी, पिता परमेश्वर का लुखुं तैं धीरज रखण चयणु च। यु उ लोग छिनी जु पिता परमेश्वर की आज्ञाओं को पालन करदींनि अर ईमानदरी ल यीशु मसीह पर विश्वास रखदींनि।

दिब्य दरस 2:2

मि जंणदु छो कि तू क्य करदी, तू कन परिश्रम करदी अर कभी भि हार नि मणदी; अर मि जंणदु छो कि तू बुरा लुखुं की झूठी शिक्षाओं तैं सहन नि करदी। तिल ऊं लुखुं तैं जाँची जु बुल्दींनि कि उ प्रेरित छिनी पर हकीकत मा नि छिनी, अर तिल ऊं तैं झूठो पै।