2 पतरस 1:4 - गढवली नयो नियम

⁴ वे ही शक्तिशाली सामर्थ का द्वारा, पिता परमेश्वर ल हम तैं अपड़ा भौत सैरा अच्छा अर अद्भुत करार करिनी। कि यूं वरदानों को इस्तेमाल कैरी के हम दुनिया की ऊं बुरी इच्छाओं बट्टी बच सैका जु लुखुं तैं नाश करदी, अर पिता परमेश्वर का स्वभाव का भागि हवे साका।

Garhwali

⁴ अर वे आदर-सम्मान अर वीं अच्छी भावना का मुताबिक ही वेन हमतै कीमती अर अच्छा दान-बरदान दियां छिन, ताकि ये बरदान का द्‍वारा हम दुनियां मा होण वळा गळत सम्बन्ध रखण से, अर गन्दा काम करण से बचि जा, अर पिता परमेस्वर का सभौ का जन चलि सैका।

2 पतरस 1:4 Iomraidhean Croise

रोमियों 9:4

उ इस्राएली ही छिनी, ऊं तैं पिता परमेश्वर ल गोद लियुं च अर ऊं तैं सन्तानोंं का रूप मा चुणै गै अर महिमा, वाचा, मूसा द्वारा लिखीं परमेश्वर की व्यवस्था, उ सचै बट्टी पिता परमेश्वर कि आराधना करदींनि, अर प्रतिज्ञा ऊंकी ही छिनी।

2 कुरिन्थि 1:20

किलैकि पिता परमेश्वर का जथग प्रतिज्ञा छै, पिता परमेश्वर का उ सभि वादा मसीह मा पूरा हूंदींनि अर इलै हम “आमीन” बुल्दा, कि हमारा द्वारा पिता परमेश्वर की महिमा हो।

2 कुरिन्थि 3:18

हम सब एक शीशा जन पिता परमेश्वर का महिमा का तेज तैं इन मुकूं बट्टी दर्शादा जै पर पर्दा नि पुड़यूँ, त पिता परमेश्वर हम तैं लगातार बढ़यां तेज मा जादा से जादा अफ जन बनांणु च। यु तेज प्रभु बट्टी ही मिल्दा, जु पवित्र आत्मा च।

2 कुरिन्थि 6:17

इलै प्रभु हम बट्टी अपड़ा वचन मा बुल्द, “ऊं लुखुं का बीच बट्टी भैर ऐ जा जु पिता परमेश्वर का पिछनै नि चलदींनि। अर जु रावा; अर उ चीज जु मिल अशुद्ध अर वर्जित करिनि ऊं बट्टी दूर रयां, त मि तुम तैं स्वीकार करुलु;

गलातियों 3:16

उन ही के पिता परमेश्वर ल अपड़ा करार अब्राहम तैं अर वेका वंश तैं दींनि। परमेश्वर का वचन इन नि बुल्दो कि “तेरु वंशजों तैं” जन भौतों का बारा मा बोलि, पर यु एक मनिख का बारा मा बात करद कि, “तेरु वंश तैं” अर उ मसीह च।

गलातियों 6:8

जु कुई आदिम अपड़ी बुरी इच्छाओं तैं पूरो करद त उ अनन्त मौत तैं पालो अर जु पवित्र आत्मा का अनुसार अपड़ो जीवन जांदु त उ अनन्त जीवन पालो।

इफिसुस 4:13

यु तब तक जारी रालो जब तक कि हम अपड़ा विश्वास अर परमेश्वर का नौंना का बारा मा अपड़ी समझ मा एकजुट नि हवे जांदा। तब हम पक्का हवे जौला, जन मसीह च, अर हम पूरी रीति ल वेका समान हवे जौला।

कुलुसी 3:10

अर अब तुम नया आदिम बंणि ग्यां यु नयो स्वभाव अपड़ा सृजनहार पिता परमेश्वर का जन जादा से जादा बणदी जांद कि तुम वे तैं और अनुके जांणि सकला।

इब्रानी 12:10

हमारो दुनयावी बुबा त अच्छो कै जंणद कि कन के थोड़ा दिनों कु ही हम तैं डंटण, पर पिता परमेश्वर हमारी भलै कु ही हम तैं अनुशासित करद, कि हम वे जन पवित्र बंणि जां।

इब्रानी 9:15

इलै ही मसीह ल लुखुं का दगड़ी जुड़ण वली एक नई प्रतिज्ञा तैं बांधि, कि उ लोग जु पिता परमेश्वर का द्वारा बुलै गै छा, ऊं अनन्त आशीषों तैं पै साका जौको वादा पिता परमेश्वर ल कैरी छो; यु इलै हवे सकद किलैकि मसीह ऊं तैं ऊंका पापों का दण्ड बट्टी छुडांणु कु मरै गै जु ऊंल पैली वाचा का अधीन रै के कैरी छो।

याकूब 1:27

हमारा पिता परमेश्वर का समणी शुद्ध अर सच्ची भक्ति य च, कि अनाथों अर विधवाओं का दुखों मा ऊंको ख्याल रखा, अर अपड़ा आप तैं दुनिया का बुरा कामों बट्टी बचै के रखा।

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

2 पतरस 3:13

पर हम विश्वासी नया आसमान अर नई धरती को इन्तेजार कना छा जैको पिता परमेश्वर ल वादा कैरी, जख हरेक जगह का लोग पिता परमेश्वर की इच्छा का अनुसार राला।

2 पतरस 3:9

कुछ लोग सुचदींनि कि प्रभु अपड़ा वापिस आंणा का वादा तैं पूरो कन मा देर कनु च। पर प्रभु इलै देर नि कनु च। बल्कि, उ तुम दगड़ी धीरज धरणु च। किलैकि कै तैं भि नाश नि कन चांद। पर चांद कि हर कुई अपड़ा मन तैं पापों बट्टी फिरौ अर गलत काम कन बंद कैरी द्यो अर वेमा ऐ जा।

1 यूहन्ना 2:25

अर ज्यांको पिता परमेश्वर ल हम बट्टी वादा करयुं च की उ हम तैं अनन्त जीवन दयालो।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।