2 पतरस 1:11 - गढवली नयो नियम

¹¹ अर यु कि पिता परमेश्वर तुम्हरा वे राज्य मा गर्मजोशी ल स्वागत करलो जख प्रभु यीशु मसीह च, जु हमारो स्वामी अर हमारो उद्धारकर्ता च, जु हमेशा कु राजा का रूप मा राज्य करलो।

Garhwali

¹¹ अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

2 पतरस 1:11 Iomraidhean Croise

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

यूहन्ना 10:10

चोर भस ढिबरों तैं चुरणु अर मरणु कु अर नष्ट कनु कु ही आंदो मि इलै अयुं कि उ जीवन पां अर बहुतायत को जीवन तैं पै।

रोमियों 2:4

क्य तु परमेश्वर कि भलै, अर सहनशीलता, धीरजरूपी धन तैं तुच्छ समझणी छै? अर क्य तू इन नि समझणी छै कि पिता परमेश्वर कि भलै त्वे तैं पाप बट्टी मन फिराण तैं सिखांदी?

1 कुरिन्थि 15:24

फिर, जब मसीह पिता परमेश्वर कु विरोध कन वली सैरी बुरी सामर्थ कु नाश कैरी दयालो, वेका बाद दुनिया कु अन्त हवे जालो। तब मसीह अपड़ा पिता परमेश्वर तैं अपड़ो राज्य सौंपी दयालो कि उ वे पर पूरा ढंग से राज्य कैरो।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

इफिसुस 3:20

परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।

1 तीमुथियुस 6:17

ईं दुनिया का अमीरों तैं आज्ञा दे कि उ घमण्डी नि हूंनु, अर धन पर भरोसो नि रखा जु कुछ ही देर कु ही च, पर पिता परमेश्वर पर ही आस रखुनु, जु भौताईत ल हम तैं सभि चिज्युं तैं दींद, जु आज हम म च।

2 तीमुथियुस 4:18

अर प्रभु मि तैं हरेक बुरा काम बट्टी बचालो, अर अपड़ा स्वर्ग का राज्य मा मि तैं सुरक्षित लिजालो, वेकी महिमा जुग-जुग तक हूंणी रौ। आमीन।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

इब्रानी 6:17

इलै ही पिता परमेश्वर ल भि एक सौं खैई; ज्यांका द्वारा उ ऊं लुखुं तैं जौं बट्टी वादा किये गै छो, साफ-साफ दिखांण चांद कि उ वे वादा तैं पूरो करलो जैको वादा वेल कैरी छो।

2 पतरस 1:1

मि, शमौन पतरस, जु यीशु मसीह कु सेवक अर प्रेरित छो, मि तुम सभियूं कु लिखणु छो जु वे कीमती विश्वास तैं बंटदियां जु हम म च, उ विश्वास जु हमारा पिता परमेश्वर अर उद्धारकर्ता यीशु मसीह का द्वारा हम तैं दिये गै, जु हम तैं पिता परमेश्वर का दगड़ी सै ठैरांद, ऊं विश्वासी लुखुं का नौं जौनु हमारा पिता परमेश्वर अर उद्धारकर्ता यीशु मसीह की धार्मिकता ल हमारा जन कीमती विश्वास पै।

2 पतरस 1:5

किलैकि तुम पिता परमेश्वर का स्वभाव मा सहभागी हूंणु कु बुलै ग्यां, तुम तैं भस मसीह पर विश्वास ही नि कन चयणु च, बल्कि तुम तैं हमेशा उ ही कनु को बड़ी कोशिश कन चयणी च जु दूसरों कु अच्छो च। अपड़ा विश्वास पर सद्गुण, अर सद्गुण पर समझ, तुम तैं न भस उ कन चयणु च जु अच्छो च, बल्कि तुम तैं इन लोग भि बनण चयणु च जु समझदारी ल बरतौ कन जंणदा छिनी।

2 पतरस 2:20

लोग दुनिया की दुष्टता बट्टी बच निकलीनि जब ऊंल यीशु मसीह तैं अपड़ा प्रभु अर उद्धारकर्ता का रूप मा जांणि। पर अब एक बार फिर उ बुरा काम कन मा लुप्त हवे गैनी अर उ बुरा काम अब ऊं तैं वश मा करदींनि, इलै अब मसीह तैं अस्वीकार कना का बाद ऊं की अंतिम दशा ऊंका विश्वासी बनण से पैली की स्थिति बट्टी भि बुरी हवे गै।

2 पतरस 3:18

बल्कि इन कै जीवन बिता कि तुम हमारा उद्धारकर्ता यीशु मसीह का प्रति और जादा से जादा कृपा का रूप मा काम कैरी अर यु कि तुम वे तैं और जादा बढ़िया ढंग से जांण साका। पिता परमेश्वर की महिमा अब अर हमेशा तक हूंदी रौ। आमीन।

दिब्य दरस 3:21

उ जु जीत जंदींनि, वे तैं मि अपड़ा सिंहासन का बगल मा सिंहासन पर बैठणों कु अधिकार दयुलु। यु बिल्कुल मि जन ही होलो, जन मिल जीत हासिल कैरी अर अपड़ा बुबा का बगल मा आसण प्राप्त कैरी।

दिब्य दरस 5:10

“अर ऊं तैं हमारा पिता परमेश्वर कु तिल ऊं तैं राजा बणै, तिल ऊं तैं याजक बणै जु हमारा प्रभु परमेश्वर की आराधना कु काम करदींनि, अर उ धरती पर राजाओं का जन राज्य करदींनि।”