1 तीमुथियुस 6:14 - गढवली नयो नियम

¹⁴ कि तू हमारा प्रभु यीशु मसीह का दुबारा वापिस आंण तक ईं आज्ञा तैं निष्कलंक अर निर्दोष रख, कि कुई त्वे पर भंगार नि लगौ कि तु गलत कनि छै।

Garhwali

¹⁴ हमरा प्रभु यीशु मसीह का वापस औण तक, ईं आज्ञा तैं ज्वा त्वेतै दिये जाणि च, तू बिन गळती कर्यां वेको अच्छा से पालन कनु रौ।

1 तीमुथियुस 6:14 Iomraidhean Croise

1 कुरिन्थि 1:8

पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

इफिसुस 5:27

मसीह ल इन इलै कैरी कि उ हम सभि विश्वासी लुखुं की मण्डलि तैं एक इन महिमामय झुण्ड बंणै साका जु वे बट्टी जुड़यां छिनी, इन लोग जु मा कुई कमी नि हो, बल्कि उ पूरी रीति पवित्र हों जब उ हम तैं अपड़ा संमणी कठ्ठा करदु।

फिलिप्पी 1:10

इलै की तुम जु बात भली छिनी वेको चुनाव कैरी के योग्य बंणि जावा कि मसीह का वापिस आंण तक शुद्ध अर निर्दोष बणयां रावा।

फिलिप्पी 1:6

मि तैं ईं बात कु पूरो भरोसो च, कि पिता परमेश्वर ल तुम मा भलो काम कन शुरू कैरी, उ ही वे काम तैं मसीह यीशु का औंणा का दिन तक पूरो भि करलो।

फिलिप्पी 2:15

किलैकि तुम निर्दोष अर सीधा हवे के टेढ़ा अर भ्रष्ट लुखुं का बीच मा पिता परमेश्वर कि निष्कलंक सन्तान बंणि के रै सक्यां, तुम ईं दुनिया का लुखुं का बीच मा आकाश का गैणों का जन चमका, जब तुम ऊं तैं उ वचन बतांद छा जु हमेशा कु जीवन दींदी,

कुलुसी 1:22

पर पिता परमेश्वर अब मसीह शारीरिक देह मा सूली पर मृत्यु का द्वारा तुम्हरो भि मेल कैरेले कि तुम तैं अपड़ा संमणी पवित्र अर बेदाग अर निर्दोष बणै के उपस्थित कैर।

कुलुसी 4:17

फिर अरखिप्पुस मा बुल्यां कि, “ज्वा सेवा प्रभु मा त्वे तैं द्ये गै, वीं सेवा तैं सचेत हवे के पूरी कैरी।”

1 थिस्सलुनीकी 3:13

हम प्रार्थना करदां प्रभु यीशु तुमारा मनों तैं इन मजबूत कैर कि जब हमारो प्रभु यीशु अपड़ा सब पवित्र लुखुं का दगड़ा मा फिर औ त उ हमारा पिता परमेश्वर का संमणी पवित्रता मा निर्दोष ठैरुनु।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

2 थिस्सलुनीकी 2:1

हे विश्वासी भयों, अब हम अपड़ा प्रभु यीशु मसीह का फिर वापिस आंणा का अर वे बगत का बारा मा कुछ लिखणा छा, जब हम वे दगड़ी मिलुला।

2 थिस्सलुनीकी 2:8

तब उ दुष्ट आदिम प्रकट हवे जालो, पर बाद मा, जब प्रभु यीशु आलो, त प्रभु अपड़ा मुक की फूंक से वे तैं मारि दयालो अर अपड़ा आंणा का तेज से वे तैं भस्म कैरी दयालो।

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

2 तीमुथियुस 4:1

जब प्रभु यीशु राजा का समान राज्य मा आलो, त उ ज्यून्दो को अर मुर्दों को न्याय करलो, अर पिता परमेश्वर, यीशु मसीह तैं गवाह जांणि कै वेका राज्य कि सुद दिलै के मि त्वे तैं आज्ञा दींणु छौं,

तीतुस 2:13

हम इन बरतौ कैरा, जब हम आस का दगड़ी वे महान दिन का जुगाल करदां जब यीशु मसीह, जु हमारा महान पिता परमेश्वर अर उद्धारकर्ता च, अपड़ी सैरी महिमा का दगड़ी धरती पर वापिस आलो।

इब्रानी 9:14

जरा सोचि के देखा, कि मसीह कु ल्वे हमारा दिलों तैं ऊं कामों बट्टी कथग शुद्ध करलो जु मौत का तरपां लिजांदी, कि हम जीवित पिता परमेश्वर की आराधना कैरी साका; किलैकि हमेशा की आत्मा की सामर्थ का द्वारा, मसीह ल हमारा पापों कु अपड़ा आप तैं एक सिद्ध बलिदान का रूप मा पिता परमेश्वर तैं भेंट का रूप मा चढ़ै।

इब्रानी 9:28

उन ही के, मसीह भि भस एक बार बलि चढ़ै गै कि उ सभि लुखुं का पापों तैं दूर कैरी के उद्धार करलो; जब उ दुबरा आलो तब उ पाप कु बलिदान हूंणु कु न बल्कि ऊं तैं बचांणु कु ऐ जु वेको जग्वाल कना छा।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

2 पतरस 2:21

मेरू मतलब यु च, किलैकि पिता परमेश्वर ऊं लुखुं तैं जादा गंभीरता ल दण्ड दयालो जु मसीह तैं छोड़ी दींदिनि बजाय ऊंका जौनु वे तैं कभी स्वीकार नि कैरी। ऊंकु बढ़िया हूंद जु उ कभी यु जंणदा ही न कि अपड़ा जीवन तैं धार्मिकता का रस्ता पर चलंणों को क्य मतलब च। अब उ जंणदा छिनी कि सै क्य च पर ऊंल पिता परमेश्वर की ऊं आज्ञाओं तैं अस्वीकार कैरेले जु हम, प्रेरितों ल ऊं तैं सिखै छै।

2 पतरस 3:14

इलै, हे प्रियों, जबकि तुम वे दिन को जग्वाल करदा जब पिता परमेश्वर दुनिया को न्याय करलो त तुम तैं अपड़ी पूरी कोशिश कन पुड़लो कि उ तुम तैं शुद्ध अर बगैर भंगार का अर अफ दगड़ी शान्ति से पां।

2 पतरस 3:2

मि यु इलै बुल्णु छो किलैकि मि चांदु कि तुम ऊं वचनों तैं याद रखा, जु पिता परमेश्वर का तरपां बट्टी बुल्ण वलो ल भौत पैली बोलि छो अर हमारा उद्धारकर्ता, प्रभु यीशु मसीह की शिक्षाओं तैं याद रखा जु तुम तैं ऊं प्रेरितों ल सिखै जु तुम मा ऐ छा।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।

यहूदा 1:24

एकमात्र पिता परमेश्वर ही च जु तुम तैं लमडण बट्टी बचै सकद, अर तुम तैं निर्दोष अर आनन्दित बणै सकद, जब पिता परमेश्वर तुम तैं अपड़ी महिमा मा अपड़ा संमणी खड़ो करद। वेल हम तैं हमारा उद्धारकर्ता प्रभु यीशु मसीह का द्वारा बचै। महिमा, गौरव, सामर्थ अर अधिकार बगत की शुरुआत बट्टी पैली ही वेको ही छो, अब भि वेको ही च, अर हमेशा कु वेको ही रालो। आमीन।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।