1 तीमुथियुस 4:4 - गढवली नयो नियम

⁴ किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

Garhwali

⁴ अर परमेस्वर न जु कुछ भि बणै वु सब कुछ खूब च, इलै वामा बटि कै को भि तिरिस्कार नि किये जौ, पर वेतैं धन्यवाद देके खाण चयेणु

1 तीमुथियुस 4:4 Iomraidhean Croise

खास चेलों 10:15

फिर वेल दुसरी बार य आवाज सूंणि, “जै तैं पिता परमेश्वर ल शुद्ध कैरेले, तू वे तैं अशुद्ध नि बोल।”

खास चेलों 15:29

कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै।”

खास चेलों 21:25

अर ऊं अन्यजाति का लुखुं का बारा मा जौं ल विश्वास कैरी, ऊंकु हम ल यु फैसला कैरी अर लिखीं के भेजि कि ऊं मूरतों का संमणी बलि चढ़ैईं मांस बट्टी, अर ल्वे से अर गोला घोंटी के मांस बट्टी, अर व्यभिचार बट्टी, दूर रैयां।”

रोमियों 14:14

मि जंणदु छौं अर प्रभु यीशु बट्टी मि तैं निश्चय हवे, कि सभि खांणु खांण कु ठिक च, पर जु सभि खांणु तैं अशुद्ध समझद, वेको अशुद्ध च।

रोमियों 14:20

तुम तैं कुछ खांणै की चीज कु पिता परमेश्वर का कामों तैं नि बिगड़ण चयणु च; सभि खांणु खांण कु ठिक च, पर कुछ इन चीज खांण गलत च जु दुसरा आदिम तैं पाप मा पुड़णों को कारण बणद।

रोमियों 14:6

जु कै दिन तैं मंणदु, उ यु इलै ही करदो किलैकि उ प्रभु कु समान कन चांणु च, जु मांस भि खंदींनि, उ प्रभु कु खंदींनि, किलैकि उ पिता परमेश्वर कु धन्यवाद करदींनि, जु मांस नि खंदींनि, उ प्रभु कु नि खंदींनि अर पिता परमेश्वर कु धन्यवाद करदींनि।

1 कुरिन्थि 10:23

तुम बुल्दियां, हम सभि कुछ कनु कु आजाद छा; हां, पर हम कु सभि कुछ अच्छो नि च; किलैकि सभि कुछ पिता परमेश्वर मा हमारा विश्वास तैं मजबूत नि करद; अर सभि चिज्युं बट्टी उन्नति नि हुंद।

1 कुरिन्थि 10:25

पर जब तुम बजार मा मीट खरीददां त वे तैं खा ल्या। पर यु नि पूछा कि यु मूर्तियों तैं चढ़यूं च या न, अर इन कन से तुम्हरो जमीर परेशान नि होलो।

1 कुरिन्थि 10:26

“तुम खै सकदा छा, किलैकि पिता परमेश्वर का वचन मा लिख्युं च, कि धरती अर वेमा जु कुछ भि च, उ प्रभु कु ही च।”

1 कुरिन्थि 10:30

जु मि अपड़ो खांणु पिता परमेश्वर तैं धन्यवाद कना का बाद खांदु, त जै पर मि धन्यवाद करदु, वेका कारण मेरी बदनामी किलै हूंद?

1 तीमुथियुस 4:3

यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।