1 तीमुथियुस 4:3 - गढवली नयो नियम

³ यु लोग सिखौंदींनि, कि ब्यो कन गलत च, अर खांण वलि कुछ चिज्युं बट्टी भि दूर रौंणे कि आज्ञा द्याला; जौं चिज्युं तैं परमेश्वर इलै बणै कि जु लोग विश्वास करदींनि अर जु सच तैं पछयंणदींनि उ धन्यवाद का दगड़ी खौनु।

Garhwali

³ अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

1 तीमुथियुस 4:3 Iomraidhean Croise

मत्ती 14:19

तब वेल लुखुं तैं घास मा बैठुणु कु बोलि अर ऊं पाँच रुट्टियुं तैं अर द्वी माछों तैं अपड़ा हथ मा लींनि अर स्वर्ग जनै देखि के परमेश्वर कु धन्यवाद कैरी अर रुट्टि द्वी टुकड़ों मा तोड़ी-तोड़ी के चेलों तैं दींदी गैनी अर चेलों ल लुखुं तैं दींनि।

मत्ती 15:11

इन कुई बात नि च जु मनिख्युं तैं भैर बट्टी समैके वे तैं अशुद्ध कैर पर जु चीज मनिख्युं का भितर बट्टी निकलदींनि उ ही वे तैं अशुद्ध करदींनि।

मत्ती 15:36

अर ऊं सात रुट्टि अर माछों तैं अपड़ा हथ मा लींनि अर परमेश्वर कु धन्यवाद कैरी कै तोड़ी अर अपड़ा चेलों तैं दींनि अर ऊंल लुखुं का अगनैं परोसि दींनि।

लूका 24:30

जब उ ऊंका दगड़ा खांणु-खांणु कु बैठिनि त ऊंल रुटि पकड़ी धन्यबाद दींनि, अर तोड़ी के ऊं तैं दींण लगि गैनी।

यूहन्ना 6:23

तब दुसरी नाव तिबिरियास शहर बट्टी वीं जगह का संमणी ऐनी जख ऊंल प्रभु तैं धन्यवाद कना का बाद रुट्टि खै छै।

खास चेलों 27:35

अर इन बोलि, के वेल रुट्टि लींनि अर सभियूं का संमणी पिता परमेश्वर को धन्यवाद कैरी, अर रुट्टि तोड़ी के खांण लगि गैनी।

रोमियों 14:17

किलैकि पिता परमेश्वर का राज्य मा, खांण-पींण जरुरी नि च। जरुरी बात य च कि पिता परमेश्वर का दगड़ी सै जीवन जियां, अर पवित्र आत्मा मा शान्ति अर आनन्द च।

रोमियों 14:3

अर जु मांस खांद, ऊं मांस नि खांण वला तैं तुच्छ नि समझो अर मांस नि खांण वला पर भंगार नि लगौ; किलैकि परमेश्वर दुयूं तैं स्वीकार करदो।

रोमियों 14:6

जु कै दिन तैं मंणदु, उ यु इलै ही करदो किलैकि उ प्रभु कु समान कन चांणु च, जु मांस भि खंदींनि, उ प्रभु कु खंदींनि, किलैकि उ पिता परमेश्वर कु धन्यवाद करदींनि, जु मांस नि खंदींनि, उ प्रभु कु नि खंदींनि अर पिता परमेश्वर कु धन्यवाद करदींनि।

1 कुरिन्थि 6:13

मि एक विश्वासी छों, इलै मि तैं सब कुछ खांणै की आजादी त च, खांणु हमारा देह कु, अर पुटगो खांणु कु, यु सच च पर पिता परमेश्वर हमारा पुटगा अर खांणु दुयूं तैं नष्ट कैरी दयालो, देह व्यभिचार कु नि, हम तैं अपड़ा देह कु इस्तेमाल ऊं कामों कु कन चयणु च जु प्रभु चांद, अर हमारी देह भि प्रभु कु ही च।

1 कुरिन्थि 7:28

पर जु तुम्हरो ब्यो हवे भि जौं, त पाप नि च; अर जु अणबिवाक नौंनि कु ब्यो करे जौं त कुई पाप नि च; ब्यो हुयां लुखुं तैं ईं दुनिया मा अपड़ा जीवन मा दर्दनाक चीजों कु अनुभव कन पुड़लो अर मि नि चांदु कि तुम यूं मुशीबतों मा पोड़ा।

1 कुरिन्थि 8:8

पर खांणु हम तैं पिता परमेश्वर का नजीक नि लांद; अर खांणु खांण बट्टी मना कैरी कै भि हम पिता परमेश्वर तैं न खुश नि करदां, अर खांणु खांण अर नि खांण हमारा पिता परमेश्वर का नजर मा महत्व नि रखद।

कुलुसी 2:16

इलै कुई तुम तैं धोखा नि द्यो अर खांण-पींण का बारा मा या त्योहार का बारा मा या नई जून का बारा मा या यहूदियों का विश्राम का दिन जु परमेश्वर कु पवित्र दिन च कुई तुमारो फैसला नि कैरो।

कुलुसी 3:17

जु कुछ भि तुम बुल्दा या काम करदां, उ सब प्रभु यीशु मसीह का नौं से कैरा अर वेका द्वारा पिता परमेश्वर कु धन्यवाद कैरा।

1 तीमुथियुस 2:4

उ चांदो च कि सभियूं तैं सचै कु ज्ञान हो अर उ बचि जा।

1 तीमुथियुस 4:4

किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

1 तीमुथियुस 5:14

इलै मि इन चांदु कि जवान विधवा ब्यो कैरो अर बच्चों तैं जन्म दयूंनु अर घरबार संभलुन अर कै शैतान तैं बुरै कनु को मौका नि दयूंनु।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।

इब्रानी 13:9

भौत किस्म का अर मथि बट्टी थूपियां उपदेशों बट्टी जु तुम तैं गलत रस्ता पर ली जंदींनि नि भरमै जावा, किलैकि तुम्हरा मनों कु यु ठिक च कि उ कृपा का द्वारा मजबूत बणा, खांण-पीण वली चीजों का नियमों कु पालन कन से कुछ फैदा नि हूंद।