1 तीमुथियुस 2:2 - गढवली नयो नियम

² राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

1 तीमुथियुस 2:2 Iomraidhean Croise

लूका 1:6

अर उ द्वी परमेश्वर का संमणी धर्मी छा अर प्रभु कि सभि आज्ञा अर विधियों पर निर्दोष चलदा छा। अर ऊंकी कुई सन्तान नि छै

लूका 2:25

वे बगत यरूशलेम शहर मा शमौन नौं को एक आदिम छो अर उ आदिम धर्मी अर भक्त छो अर इस्राएल का लुखुं तैं शान्ति कि बाट जुगल्णु छो अर पवित्र आत्मा वेका दगड़ी छो।

खास चेलों 10:22

तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”

खास चेलों 24:16

इलै मि खुद भि कोशिश कनु छौं, कि परमेश्वर अर लुखुं कि तरपां बट्टी मेरू मन हमेशा निर्दोष रौ।

रोमियों 12:18

जख तक हवे साको, तुम पूरी कोशिश ल सभि मनिख्युं का दगड़ी मेल-मिलाप रखा।

फिलिप्पी 4:8

इलै, हे विश्वासी भयों, जु-जु बात सच छिनी, अर जु-जु बात आदर का योग्य छिनी, अर जौं तैं भि पिता परमेश्वर धर्मी मणद अर जु-जु बात पवित्र छिनी, अर जु-जु बात मन तैं लुभौण वली छिनी, यानि जु भि बात सम्मान जन अर बड़ै कि छिनी, ऊं पर ही तुम्हरो मन लग्युं रौ।

1 थिस्सलुनीकी 4:11

अर जन हम ल तुम बट्टी बिनती कैरी उन ही शान्ति से जीवन बसर कैरा अर अपड़ा-अपड़ा कामकाज कैरा अर दूसरों का मामलों मा दखल नि द्या, अपड़ा-अपड़ा हथों ल कमै कने कोशिश कैरा।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।