1 तीमुथियुस 1:18 - गढवली नयो नियम

¹⁸ हे नौंना तीमुथियुस, य आज्ञा जु मि त्वे तैं दींणु छो; मि त्वे तैं ऊं बातों तैं याद कनु कु बुल्णु छो जु पुरणा बगत मा परमेश्वर का तरपां बट्टी बुल्ण वलो ल बोलि उ त्वे दगड़ी होली; झूठा शिक्षकों का विरोध मा अर विश्वास का प्रति अच्छी लड़ै तैं लड़दी रौ।

Garhwali

^18-19 हे मेरा नौना तीमुथियुस, तू बिस्वास मा मजबूत बणयूं रौ। अर तिन परमेस्वर खुणि जु-जु काम करण छिन, वेका बारा मा भौत सा रैबर्यों न भविष्यबाणियाँ करिनी। अर जु कुछ भि ऊंका द्‍वारा बुले गै ऊंका मुताबिक ही मि त्वेतै आज्ञा देन्दु, कि तू एक सिपै की तरौं झूठ्‍ठा गुरु लोगु की शिक्षा का खिलाप एक अच्छी लड़ै कैर। अर सच्‍चा मन से अर बिस्वास रखी के इन्‍नि कनु रौ, किलैकि कुछ लोग न सच्‍चा मन का विचारों तैं नाकारियाली। फिर जन समुन्दर मा जाज टूटी के नास ह्‍वे जान्दु, ठिक उन्‍नि ऊंका बिस्वास को भि नास ह्‍वे गै।

1 तीमुथियुस 1:18 Iomraidhean Croise

खास चेलों 16:1

फिर उ दिरबे अर लुस्त्रा द्वी शहरों मा भि गै अर देखा उख तीमुथियुस नौं को एक चेला छो जु कैं विश्वासी यहूदिनी कु नौंनो छो पर वेको बुबा यूनानी अन्यजाति देश को छो।

1 कुरिन्थि 4:17

इलै मिल तीमुथियुस तैं जु प्रभु मा मेरू प्रिय अर विश्वासयोग्य नौंनो च, तुम मा भेजि, कि उ तुम तैं मसीह यीशु मा मेरू जीवन जींण कु ढंग याद दिलालो, जन कि मि हरेक जगह मण्डलियों मा उपदेश दींदु।

1 कुरिन्थि 9:7

एक सिपै तैं कभी भि अपड़ो खर्च अफी नि दींण पुड़दो; जब एक आदिम अंगूरों कु बगिचा लगौंद, त वे तैं वेको फल खांणो कु भि अधिकार हूंद; अर एक चरवाहा तैं अपड़ी ढिबरों बट्टी दूध पींणो कु भि अधिकार हूंद।

फिलिप्पी 2:22

पर तुम जंणदा छा कि तीमुथियुस ल कन कै दिखै की उ वफादार च कि जन नौंनो बुबा दगड़ी काम-काज करदो, उन ही वेल भि शुभ सन्देश का फैलांण मा मि दगड़ी मेहनत कैरी।

1 तीमुथियुस 1:2

मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

1 तीमुथियुस 1:5

मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

1 तीमुथियुस 4:14

वे वरदान ल जु त्वे मा च, अर भविष्यवाणी का द्वारा पुरणा अगुवों का हथ रखण बगत त्वे तैं मिली छो लापरवाह नि रौ।

1 तीमुथियुस 4:4

किलैकि जु कुछ पिता परमेश्वर ल बणै उ सब अच्छो च, अर कुई भि चीज जु खये जांद अस्वीकार कन का लैख नि च, पर पिता परमेश्वर कु धन्यवाद द्ये के खये जौ;

1 तीमुथियुस 6:20

हे तीमुथियुस, तू बतौ कि जु पिता परमेश्वर ल त्वे तैं द्ये तू उ ही करदी, अर ऊं लुखुं की नि सुनण जु हमेशा बेकार की बात करदींनि, ज्यां बट्टी पिता परमेश्वर तैं आदर नि मिल्द, अर बेकार मा विरोध करदींनि अर बुल्दींनि कि यु ज्ञान च, पर सच मा यु नि च।

2 तीमुथियुस 1:2

हे तीमुथियुस, मि त्वे तैं या चिठ्ठी लिखणु छो, अर तु मि कु एक प्रिय नौंना का जन छै, अर मि प्रार्थना करदु, कि पिता परमेश्वर अर हमारा प्रभु यीशु मसीह कि तरपां बट्टी त्वे तैं कृपा दया अर शान्ति मिल्दी रौ।

2 तीमुथियुस 4:7

जन एक अच्छो योद्धा लड़ै मा हार नि मणद उन ही मि भि प्रभु कु बड़ी मेहनत कन नि छुड़द। मिल मसीह को दियूं काम पूरो कैरी, मि प्रभु मा आखिर तक विश्वासयोग्य रों।

तीतुस 1:4

मि य चिठ्ठी तीतुस तैं लिखणु छों, तू मेरा अपड़ा नौंना जन छै, किलैकि तू भि मसीह पर विश्वास करदी छै जन मि करदु; परमेश्वर पिता अर हमारा उद्धारकर्ता मसीह यीशु कि तरपां बट्टी त्वे तैं कृपा अर शान्ति मिलदी रौ।

फिलेमोन 1:10

मि उनेसिमुस का बारा मा त्वे बट्टी बिनती कनु छौं, जु मेरा नौंना जन च। जब मि कैद मा छौं तब उ मेरू नौंनो बंणि गै।