1 थिस्सलुनीकी 5:5 - गढवली नयो नियम

⁵ किलैकि तुम सभि उज्यला की सन्तान छा, अर दिन की सन्तान छा, हम राती बट्टी अर अंधेरा बट्टी सम्बन्धित नि छा।

Garhwali

⁵ किलैकि हम सभि उज्याळा की संतान छां अर दिन का उज्याळा जन जीवन जीण वळा छां। अर हम पाप का अन्धेरा मा जीवन जीण वळा लोग नि छां।

1 थिस्सलुनीकी 5:5 Iomraidhean Croise

लूका 16:8

मालिक ल वे अधर्मी भंडारी कि पुलबैं कैरी कै कि वेल बड़ी चकड़ैति से काम यु सच च की यु जन यु दुनिया का लोग अपड़ा बगत का लुखुं का दगड़ी बरतौ कन मा उज्यला का लुखुं बट्टी जादा चालाक च।

यूहन्ना 12:36

जब तक उज्यलो तुम दगड़ी च उज्यला पर विश्वास कैरा इलै की तुम उज्यला कि सन्तान बंणिल्या यूं बातों तैं बोलि के यीशु उख बट्टी चलि गै अर खुद तैं छिपयूं रखि।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

इफिसुस 5:8

किलैकि तुम खुद अंधेरा मा रौंदयां, पर जब बट्टी तुम प्रभु का लोग बंणया, तुम उज्यला छा। इलै तुम तैं ऊं लुखुं का जन जींण चयणु च जु उज्यला मा बट्टी जुड़यां छिनी।

1 थिस्सलुनीकी 5:8

पर हम त उज्यला की सन्तान छा इलै हम तैं अपड़ा मथि काबू रखण चयणु च हमारी विश्वास अर प्रेम हमारी रक्षा कैरो जन सुरक्षा कवच एक सिपै की रक्षा करद अर य आस कि हम अनन्त दण्ड बट्टी बची ग्यां, वे उद्धार का टोप जन च जु एक सिपै की रक्षा करद।

1 यूहन्ना 2:8

फिर भि जु आज्ञा मि तुम कु लिखणु छौं व नई आज्ञा च किलैकि; जन यीशु ल ईं आज्ञा की सचै तैं जी, अर तुम भि यु तैं जींणा छा किलैकि अंधेरो मिटदी जांणु च अर सचो उज्यला अभि चमकण लगि गै।