1 थिस्सलुनीकी 4:3 - गढवली नयो नियम

³ पिता परमेश्वर कि मनसा या च कि तुम पवित्र बणा, मतलब कि तुम व्यभिचार नि करयां,

Garhwali

³ अर परमेस्वर की मनसा इन्‍नि च की तुम पवित्र बणा, अर खुद तैं दुसरो का दगड़ा मा गळत सम्बन्ध रखण से बच्यां रा।

1 थिस्सलुनीकी 4:3 Iomraidhean Croise

मत्ती 12:50

किलैकि, “जु कुई मेरा स्वर्गीय बुबा कि मनसा पर चलो उ ही मेरा भैय अर मेरी बैंण अर मेरी ब्वे छिन।”

मत्ती 15:19

किलैकि बुरा विचार, हत्या, परस्त्रीगमन, व्यभिचार, चोरी झूठी गव्है, अर बुरा मन बट्टी ही निकलदींनि।

मत्ती 5:32

पर मि तुम कु यु बुल्णु छौं कि, “जु कुई आदिम अपड़ी घरवलि तैं व्यभिचार का सिवै कै और कारण ल तलाक द्यो त उ वीं बट्टी व्यभिचार करौंदो अर जु कुई वीं छुड़ी घरवलि दगड़ा मा ब्यो कैर त व भि व्यभिचार करद।”

मत्ती 7:21

“जु मि कु हे प्रभु”हे प्रभु बुल्द ऊंमा बट्टी हर एक स्वर्ग का राज्य मा भितर नि जांण पालो पर उ ही जु मेरा स्वर्गीय बुबा कि मनसा पर चलदो।

मरकुस 3:35

जु कुई परमेश्वर की मनसा पर चलो जु परमेश्वर चौ त उ करदां, “उ ही मेरा भैय अर बैंण अर ब्वे छिन।”

यूहन्ना 4:34

यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

यूहन्ना 7:17

इलै कुई वेकी इच्छा पर चलण चांदो उ जांणि ल्यो की मेरी शिक्षा परमेश्वर की तरपां बट्टी औंद या मेरा अपड़ा अधिकार बट्टी न, या मेरा अपड़ी तरपां बट्टी नि बुल्द।

खास चेलों 15:20

पर हम ऊं तैं एक चिठ्ठी लिखीं कै भेजा, कि उ वे मांस तैं नि खये जै तैं लुखुं ल मूर्तियों तैं चढ़ायूं च अर व्यभिचार अर गौलो घोंटी कै मर्यां जानवरों कु मांस नि खयां अर जानवरों को ल्वे नि खयां।

खास चेलों 15:29

कि तुम वे मांस तैं नि खये जै तैं लुखुं ल मूर्तियों तैं बलिदान चढ़ायूं च अर ल्वे बट्टी अर गोला घुटयां वलो का मांस बट्टी अर व्यभिचार बट्टी दूर रावा। यूं बट्टी दूर रावा त तुम्हरो भलो होलो अगनैं बधै।”

खास चेलों 20:32

अर अब मि तुम तैं परमेश्वर अर वेकी कृपा का वचन तैं सौंपी दींदो; जु तुम तैं विश्वास मा मजबूत कैरी सकद, अर परमेश्वर तुम तैं उ विरासत दयालो जै तैं दींणो को वादा वेल ऊं सभि लुखुं बट्टी करयूं च जु वेका द्वारा पवित्र किये गैनी।

खास चेलों 26:18

कि तू ऊंकी आंखा खोल, कि उ अंधेरा बट्टी उज्यला का तरपां, अर शैतान का अधिकार बट्टी पिता परमेश्वर की तरपां फिर; त पिता परमेश्वर ऊंका पापों तैं माफ करलो, अर ऊं लुखुं दगड़ी विरासत मिलो, जु मि पर विश्वास कन से पवित्र किये गैनी’

रोमियों 1:29

उ सभि किस्मै कि अधर्म, अर दुष्टता, लोभ, अर बैरभाव बट्टी भूरै गैनी; अर डाह, अर हत्या, अर झगड़ा, अर छल, अर जलन बट्टी भूरै गैनी, अर चुगलखोरि,

रोमियों 12:2

अर ईं दुनिया का लुखुं का जन नि बंणा; पर अपड़ा सुचणा का ढंग तैं पिता परमेश्वर कु बदली द्या, ज्यां बट्टी तुम परमेश्वर की भलि, अर लुभौण, अर सिद्ध मनसा तैं मालुम करदी रावा।

रोमियों 6:22

पर अब पाप बट्टी आजाद हवे कै पिता परमेश्वर का दास बंणि के, अब तुम ऊं कामों तैं करदा जु पवित्रता कि तरपां लीजांद, अर वेको अंत अनन्त जीवन च।

1 कुरिन्थि 1:30

पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद।

1 कुरिन्थि 7:2

पर व्यभिचार की अजमैश मा पुडण से बढ़िया च, कि हर आदिम ब्यो कैरी ल्यो, अर अपड़ी जनन दगड़ी वफादार रौ।

2 कुरिन्थि 12:21

अर कखी इन नि हो कि जब मि दुबरा तुम बट्टी मिलणु कु ओ, मेरू पिता परमेश्वर मि तैं बैजत कैरो; अर मि तैं भौत सी लुखुं कु फिर शोक कन पोडो, जौनु पैली पाप कैरी छो, जन गंदा काम अर यौन सम्बन्धी पाप अर शर्मनाक काम करिनि जु ऊंल करिनि, अर पापों कु पश्चाताप नि कैरी।

गलातियों 5:19

देह का पाप का काम कुई भि देखि सकद, मतलब व्यभिचार, गंदा काम, लुचपन,

इफिसुस 5:17

पर यु जनणै कि कोशिश कैरी कै बुद्धिमान बणा कि प्रभु तुम बट्टी कि कन चांणु च अर वे तैं कैरा।

इफिसुस 6:6

अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,

कुलुसी 1:9

इलै जै दिन बट्टी हम ल यु सूंणि, त हम भि तुम कु प्रार्थना कना छा कि पिता परमेश्वर को आत्मा तुम तैं ज्ञान अर समझ द्यो कि तुम वेकी इच्छा तैं पूरा ढंग से समझी साका।

कुलुसी 3:5

इलै तुम ऊं बुरा कामों तैं छोड़ी द्या जु तुम्हरा पापी स्वभाव बट्टी जुड़यूं च, यानि व्यभिचार, अशुद्धता, वासना, बुरी लालसा, अर लोभि नि बणा यु मूर्तिपूजा का बराबर च।

कुलुसी 4:12

इपफ्रास जु तुम्हरी ही जगह कु च, अर मसीह यीशु कु सेवक च, उ तुम कु प्रणाम बुल्णु च, अर हमेशा तुम कु मन लगै के प्रार्थनाओं मा लग्युं रौंद, कि पिता परमेश्वर तुम तैं मजबूत अर सिद्ध कैरो अर तुम पूरा विश्वास का दगड़ी पिता परमेश्वर की इच्छा तैं पूरो कनु रौ।

1 थिस्सलुनीकी 4:2

तुम जंणदा छा, कि प्रभु यीशु ल हम तैं जु अधिकार द्ये, ऊंका द्वारा हम ल तुम तैं निर्देश दींनि।

1 थिस्सलुनीकी 4:4

“तुम मा बट्टी हरेक आदिम धीरज रखि के अपड़ा देह पर भस रखण सीखा अर मसीह को समान कैरो।”

1 थिस्सलुनीकी 5:18

हरेक हालत मा धन्यवाद द्यवा; किलैकि मसीह यीशु मा तुम कु पिता परमेश्वर कि या ही मनसा च।

1 थिस्सलुनीकी 5:23

अर तुम्हरी आत्मा, प्राण, अर देह तैं अपड़ा प्रभु यीशु मसीह का फिर वापिस आंण का दिन तक पूरा ढंग से निर्दोष अर बचै के रखा; शान्ति दींण वलो पिता परमेश्वर अफी तुम तैं पूरा ढंग से पवित्र कैरो।

2 थिस्सलुनीकी 2:13

हे विश्वासी भयों, अर हम तैं लगातार पिता परमेश्वर कु धन्यवाद कन चयणु च किलैकि प्रभु तुम बट्टी प्रेम करद। किलैकि पिता परमेश्वर ल दुनिया की सृष्टि से पैली ही तुम तैं चुणि कि तुम तैं बचै साको; उ पवित्र आत्मा का कामों का द्वारा जु तुम तैं पवित्र बणांद अर तुमारा द्वारा प्रभु यीशु मसीह का बारा मा सच्चा संदेश पर विश्वास कन से तुम तैं बचांद की तुम उद्धार पां।

तीतुस 2:14

यीशु मसीह हमारा फैदा कु मोरि गै, कि हम तैं सभि अधर्मों बट्टी छुड़ै द्यो अर हम तैं शुद्ध कैरी साको कि हम वेका खास लोग बंणि जा, जु भला-भला काम कनु कु हमेशा तैयार रौनु।

इब्रानी 10:36

अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

इब्रानी 12:16

इन नि हो, कि कुई आदिम व्यभिचारी, या अब्राहम का नाति, एसाव जन दुष्ट अर अधर्मी नि हो, किलैकि उ पैलो नौंनो छो, अर वे तैं पैलो नौंनो हूंणो कु अधिकार छो; पर वेल वे अधिकार को सम्मान नि कैरी अर इलै वेल अपड़ा छुटा भैय याकूब मा एक बार का खांणु कु अपड़ो जेठो नौंनो हूंण कु सब अधिकारों तैं बेचि दींनि।

इब्रानी 13:4

ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।

1 पतरस 4:2

यांका बदला, उ आदिम अपड़ो जीवन ईं धरती पर अपड़ो पूरो जीवन अपड़ी पापमय मानवीय इच्छाओं तैं पूरो करदी नि जियो, पर उ व ही करलो जु पिता परमेश्वर चांदो कि उ कैरो।

1 यूहन्ना 2:17

दुनिया अर वेकी सभि अभिलाषा, मिटै जंदींनि, पर जु पिता परमेश्वर की इच्छा का अनुसार चल्दो, उ सदनी बणयुं रालो।

दिब्य दरस 21:8

पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”

दिब्य दरस 22:15

पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।