1 थिस्सलुनीकी 4:16 - गढवली नयो नियम

¹⁶ किलैकि प्रभु यीशु अफी ही स्वर्ग बट्टी उतरलो; वे बगत ऊंची आवाज, अर प्रधान स्वर्गदूत कु शब्द सुणेलु, अर पिता परमेश्वर को बिगुल गुंजलो, अर वे बगत जु लोग मसीह पर विश्वास कैरी के मोरि गैनी, उ पैली ज्यून्दा हवे उठला।

Garhwali

¹⁶ किलैकि जब एक बड़ी आवाज का साथ एक आज्ञा दिये जालि, अर परमेस्वर का परधान स्वर्गदूत को शब्द सुण्यालु, अर परमेस्वर का बिगुले की आवाज सुण्यालि, तब यीशु मसीह स्वर्ग बटि आलु अर जु लोग वे पर बिस्वास कैरिके मोरि गैनी, ऊ पैलि ज्यून्दा ह्‍वे जाला।

1 थिस्सलुनीकी 4:16 Iomraidhean Croise

मत्ती 16:27

जब मि मनिख कु नौंनो अपड़ा स्वर्गदूतों का दगड़ी अपड़ा बुबा कि महिमा मा आलो वे बगत उ हर एक तैं वेका कामों का अनुसार प्रतिफल दयालो।

मत्ती 16:28

मि तुम मा सच बुल्णु छौं कि, “जु इख म खड़ा छिन ऊंमा बट्टी कुई-कुई इन छिन कि जब तक मि मनिख कु नौंनो परमेश्वर का राज्य का सामर्थ का दगड़ा आंण नि दिखला तब तक ऊंल मुरण भि नि च।”

मत्ती 25:31

जब मि मनिख कु नौंनो अपड़ी महिमा मा आलो अर सब स्वर्गदूत वे दगड़ी आला त उ अपड़ी महिमा का सिंहासन पर विराजमान होलो।

मत्ती 26:64

यीशु ल वेमा बोलि, “तिल अफी बोलेलि बल्कि मा मि तुम मा इन भि बुल्णु छौं कि अब बट्टी तुम मि मनिख कु नौंनो तैं सर्वशक्तिमान परमेश्वर कि दैंणि तरपां बैठयूं अर आसमान बट्टी बादलों मा सामर्थ का दगड़ी औंण देखि ल्या।”

खास चेलों 1:11

अर ऊंमा बोलि “हे गलील जिला का मनिख्युं तुम किलै खड़ो हवे के आकाश जनै दिखणा छा? यु उ ही यीशु च जै तैं पिता परमेश्वर ल तुम मा बट्टी स्वर्ग मा ली येलि ठिक इन ही के दुबारा आलो, जन के तुम ल वे तैं स्वर्ग मा जांण देखि।”

1 कुरिन्थि 15:18

पर मसीह मा जु विश्वासी मोरि गैनी, उ बचै नि गैनी, बल्कि उ हरची गैनी, मतलब यु कि उ हमेशा कु पिता परमेश्वर बट्टी अलग हवे गैनी।

1 कुरिन्थि 15:20

पर सच यो च, कि पिता परमेश्वर ल हक्कीकत मा मसीह तैं मौत बट्टी ज्यूँदो कैरी, त ऊं सभियूं तैं जु यीशु पर विश्वास करदींनि ऊं तैं दुबरा ज्यून्दा किये जालो।

1 कुरिन्थि 15:23

पर हर आदिम एक ठिक ढंग से ज्यूँदो किये जालो; मसीह पैलो आदिम छो, जै तैं ज्यूँदो किये गै; फिर जब मसीह वापिस आलो त उ सभि जु वे पर विश्वास करदींनि ऊं तैं दुबारा ज्यूँदो किये जालो।

1 थिस्सलुनीकी 1:10

अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।

1 थिस्सलुनीकी 3:11

“हम प्रार्थना करदां कि हमारा पिता परमेश्वर अर हमारा प्रभु यीशु तुमारा इख आंणु कु हमारो मार्गदर्शन कैरो।”

2 थिस्सलुनीकी 1:7

अर तुम तैं क्लेश की पिड़ा मा रौंण नि दयालो; यु तब होलो जबकि प्रभु यीशु अपड़ा सामर्थी स्वर्गदूतों का दगड़ा मा धधकीं आग मा घिरयूं स्वर्ग मा बट्टी प्रगट होलो।

2 थिस्सलुनीकी 2:1

हे विश्वासी भयों, अब हम अपड़ा प्रभु यीशु मसीह का फिर वापिस आंणा का अर वे बगत का बारा मा कुछ लिखणा छा, जब हम वे दगड़ी मिलुला।

2 पतरस 3:10

पर पिता परमेश्वर को दिन जरुर अचानक ही वापिस ऐ जालो जन कुई चोर अचानक ऐ जांद। वे बगत आसमान मा गर्जन को शोर होलो, अर आसमान हरची जालो। आसमान मा सब कुछ, मतलब सूरज, जून अर गैणा पूरा ढंग से फुके के पूरा ढंग से आग बट्टी नाश हवे जाला। वे दिन पिता परमेश्वर ऊं सभि कामों तैं प्रकट कैरी दयालो जु लुखुं ल करिनि कि ऊंको न्याय कैर साक।

यहूदा 1:9

इख तक की मीकाईल ल भि जु पिता परमेश्वर का मुख्य स्वर्गदूतों मा बट्टी एक छो, वेल अपमान नि कैरी जन यु अधर्मी लोग करदींनि। किलैकि जब वेल शैतान का दगड़ी विवाद कैरी अर पिता परमेश्वर का तरपां बट्टी बुल्ण वला मूसा की देह तैं लींणु कु अपड़ा अधिकार की चुनौती द्ये, त मीकाईल ल भि यु नि सोचि कि वेमा बुरी बात बोलि के शैतान पर जांच का द्वारा भंगार लगांण कु अधिकार च। बल्कि वेल बोलि, “प्रभु त्वे दगड़ी कड़ाई से बात कैरो।”

दिब्य दरस 1:10

मि विश्राम का दिन पिता परमेश्वर की आत्मा ल मेरी अगुवाई कैरी, अर मि तैं अपड़ा पिछनै एक आवाज बुल्द सुणै। य आवाज तुरै की आवाज का जन ऊंची छै।

दिब्य दरस 1:7

सूंणा, उ बादलों का दगड़ी आंण वलो च; अर हर एक आदिम वे तैं दिखलो, इख तक कि जैल मसीह तैं भाला ल छेदी छो उ भि मसीह तैं आंद दिखला, अर धरती का सभि लोग ऊंची आवाज मा रवाला जब उ मसीह तैं दिखला। हाँ, इन ही होलो! आमीन।

दिब्य दरस 14:13

दुबरा मिल स्वर्ग बट्टी कै तैं बुल्द सूंणि अर वेल मि बट्टी बोलि; यूं बातों तैं इख लिख अब बट्टी, उ लोग धन्य छिनी जु पिता परमेश्वर पर भरोसो कैरी के मोरि जंदींनि। तब पवित्र आत्मा यां बट्टी सहमत हवे, वेल बोलि, “यु सच च, उ धन्य छिनी किलैकि उ अपड़ा कठिन मेहनत बट्टी आराम पाला अर जु काम ऊंल करिनि ऊं तैं वांको प्रतिफल दिये जालो।”

दिब्य दरस 8:13

जब मिल फिर देखि, त मिल एक गरुड़ तैं आसमान मा ऊंचो उड़दि देखि अर ऊँचा शब्द बट्टी यु बुल्द सूंणि, “जब आखिरी तीन स्वर्गदूत ऊं तुरैहियों तैं फूंकदींनि जु ऊं तैं दिये गै, तब दुनिया का सब लुखुं पर आंण वली विपत्तियां भौत भयानक छिनी। धरती का रौंण वलो पर हाय, हाय, हाय!”

दिब्य दरस 8:2

अर मिल ऊं सातों स्वर्गदूतों तैं जु पिता परमेश्वर का संमणी खड़ा रौदींनि, दिखिनि, अर ऊं तैं सात तुरहियां दिये गै छै।