1 थिस्सलुनीकी 3:8 - गढवली नयो नियम

⁸ किलैकि अब जु तुम प्रभु मा मजबूत रैल्या यूं हम कु नयो जीवन लांदो।

Garhwali

⁸ किलैकि जब तक तुम बिस्वास मा मजबूत बणयां रैल्या, तब तक हमरु भि ज्यू मा ज्यू बणयूं रौन्दु।

1 थिस्सलुनीकी 3:8 Iomraidhean Croise

यूहन्ना 15:4

तुम मि मा बंणयां रा अर मि तुम मा। जन फौंकि अंगूरों कि लगुली पर नि रौ त व अफी नि फलि सकदी वे जन तुम मि मा बंणयां नि रौंदा, तुम कुछ भि नि कैर सकदा।

यूहन्ना 15:7

जु तुम मि मा बंणयां रैल्या अर मेरू वचन तुम मा बणयूं रालो त जु चैल्या अर मंगिल्या उ तुम कु हवे जालो।

यूहन्ना 8:31

तब यीशु ल ऊं यहूदियों बट्टी जौंन ऊं पर विश्वास कैरी छो बोलि, जु तुम मेरा वचन मा बणयां रैल्या त सच्ची मा मेरा चेला ठैरिल्या।

खास चेलों 11:23

बरनबास ल उख पौंछि के, उख लुखुं पर पिता परमेश्वर की दया देखि के खुश हवे गै, अर ऊं सभियूं तैं उपदेश द्ये कि तुम पूरा मन से पिता परमेश्वर पर विश्वास कनु कु मजबूत रावा।

1 कुरिन्थि 15:58

इलै हे विश्वासी भयों, अपड़ा विश्वास मा मजबूत रावा अर गलत शिक्षाओं का द्वारा नि भटका, प्रभु कु जु काम तुम कना छा वेमा हमेशा बढ़णा रावा, अर यु जांणा, कि जु कुछ भि तुम प्रभु कु करीला वेको ईनाम तुम तैं जरुर मिललो।

1 कुरिन्थि 16:13

चौकस रावा, अर लगातार विश्वास मा भि बणयां रावा, हिम्मतवला बणा, अर पिता परमेश्वर का दगड़ी अपड़ा रिश्ता तैं मजबूत रखा।

गलातियों 5:1

मसीह ल हम तैं बचैयले, त अब हम तैं मूसा की व्यवस्था तैं मनणु कु गुलामों की जन जीणै की जरूरत नि च। इलै यां मा ही मजबूत बणयां रावा अर मूसा की व्यवस्था कु पालन कनु कु अपड़ा आप तैं फिर से गुलाम बनण नि द्या।

इफिसुस 3:17

अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

फिलिप्पी 1:21

किलैकि जु मि ज्यूँदो रौ, त मसीह कु च, अर जु मि मोरि जौं त यूं तैं कु फैदामन्द होलो किलैकि तब मि मसीह का दगड़ी रौलु।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

फिलिप्पी 4:1

मेरा प्रिय विश्वासी भयों जौं बट्टी मि प्रेम करदु, मि तैं तुम लुखुं बट्टी मिलणै की भौत इच्छा च, जु मेरू आनन्द अर मुकुट हो, हे विश्वासी प्रिय भयों, प्रभु मा इन ही कै विश्वास मा मजबूत बंणयां रावा।

कुलुसी 1:23

पर तुम तैं विश्वास मा एक बुनियाद का जन मजबूत अर पक्को हूंण चयणु अर वीं आस तैं तुम तैं कभी नि छुड़ण चयणु च जु तुम तैं ऊं बट्टी शुभ सन्देश मिली वे ही शुभ संदेश कु प्रचार आसमान का मूड़ी रौंण वला दुनिया का सभि लुखुं तैं बतै गै अर मि पौलुस वेको प्रचार कनु कु सेवक बणु।

1 थिस्सलुनीकी 3:7

इलै हे विश्वासी भयों, हम ल अपड़ी सैरी मुसिबत अर क्लेश मा तुम्हरा बारा मा (तीमुथियुस बट्टी) सूंणि के प्रोत्साहित हुयां कि तुम अपड़ा विश्वास मा मजबूत छा।

इब्रानी 10:23

अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

इब्रानी 3:14

जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

इब्रानी 4:14

इलै, यीशु जु स्वर्ग मा गै, उ पिता परमेश्वर कु नौंनो च; उ हम सभियूं कु बड़ो महायाजक च; इलै आवा हम वे विश्वास तैं बगैर छुड़यां मजबूत बंणि के रां जै तैं हम सभियूं ल स्वीकार कैरी छो।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

2 पतरस 3:17

इलै हे प्रियों, तुम पैली ही बट्टी जंणदा छा कि यु बात होली। इलै, सावधान रावा कि जु लोग नियमों तैं नि मणदींनि उ तुम बट्टी झूठ बोलि के तुम तैं भटकै नि द्या। त तुम सच्ची बातों पर विश्वास कन बंद कैरी दीला जै पर तुम ल एक बगत मजबूती से विश्वास कैरी छो।

दिब्य दरस 3:11

मि जल्दी ही आंण वलो छो; इलै त्वे तैं मि पर विश्वास करदी रौंण चयणु च कि कुई भि त्वे तैं तेरी जीत को ईनाम लींण से रोक नि साको जु मुकुट का समान च।

दिब्य दरस 3:3

वीं शिक्षा तैं याद कैर जु तिल भौत पैली सूंणि छै अर स्वीकार कैरी छै। जु त्वे तैं सिखै गै छै वेको अनुसरण कैर, अपड़ी लापरवाही बट्टी मन फिरौ। जु तू लापरवाही कनी रैलि त मि अचानक औलु, जन रात मा एक चोर आंद, अर तू वे बगत तैं भि नि जांणि सकली जब मि त्वे तैं दण्ड दींणु कु औलु।