1 पतरस 5:1 - गढवली नयो नियम

¹ कुछ इन बात छिनी जु मि उख का पुरणा अगुवों बट्टी कन चांणु छो किलैकि मि भि तुम जन एक पुरणों अगुवा छो। मिल अफ भि ऊं दुखों तैं देख जु भौत बगत पैली मसीह ल सैनी। जब उ फिर वापिस आलो, त मि भि वेकी महिमा मा शामिल होलो अब मि तुम बट्टी बिनती कनु छो

Garhwali

¹ मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

1 पतरस 5:1 Iomraidhean Croise

लूका 24:48

तुम सभियूं बातों का गवाह छयां।

खास चेलों 1:8

पर जब पवित्र आत्मा तुम पर आलो तब तुम सामर्थ पैल्या अर यरूशलेम शहर, यहूदिया प्रान्त मा सामरिया प्रान्त मा अर सैरी धरती का छोड़ तक मेरी गव्है दीला।

खास चेलों 11:30

ऊंल इन कैरी; अर बरनबास अर शाऊल का हथ अर विश्वासियों का पुरणा अगुवों का हथ दान भेजि।

खास चेलों 14:23

अर ऊंल हरेक विश्वासियों की मण्डलि मा बट्टी पौलुस अर बरनबास ल पुरणा अगुवा बनांणु कु लुखुं तैं चुणै। अर उपवास का दगड़ी प्रार्थना कैरी के ऊं तैं प्रभु तैं सौंपी द्या, जै पर ऊंल विश्वास कैरी छो।

खास चेलों 15:4

जब यरूशलेम शहर मा पौंछिनी त मण्डलि अर प्रेरित अर पुरणा अगुवों ल ऊं तैं खुशी से मिलणै अर पौलुस अर बरनबास ल बतै की पिता परमेश्वर ल ऊं दगड़ी रै के कन-कन काम कैरी छा।

खास चेलों 15:6

तब प्रेरित अर पुरणा अगुवों ल ईं बात का बारा मा विचार कनु कु कट्ठा हवीनि।

खास चेलों 2:32

परमेश्वर ल यु यीशु ज्यूँदो कैरी जैका हम सभि गवाह छा।

खास चेलों 20:17

जब हम मीलेतुस शहर मा उतरियां, तब पौलुस ल इफिसुस शहर की मण्डलि तैं पुरणा अगुवों कु संदेश भिजवै। अर तब वेल मण्डलि का पुरणों तैं बुलै।

खास चेलों 20:28

इलै तुम अपड़ी अर अपड़ा सैरा झुण्ड की जौं का बीच पवित्र आत्मा ल तुम तैं अध्यक्ष बणयूं च देखभाल करयां; कि तुम परमेश्वर की मण्डलि कि देखभाल करयां जु वेल अपड़ा ल्वे बट्टी मोल लियां छिनी।

खास चेलों 21:18

हैंका दिन पौलुस हम तैं ले के याकूब मा गै, जख मण्डलि का सब पुरणा अगुवा कट्ठा हुयां छा।

खास चेलों 3:15

अर तुम ल अनन्त जीवन को श्रोत तैं मारि डाली जै तैं पिता परमेश्वर ल मुर्दों मा बट्टी ज्यूँदो कैरी अर ईं बात का हम गवाह छा।

2 कुरिन्थि 5:1

किलैकि हम जंणदा छा, कि जु धरती पर कु हमारो यु अस्थायी देह नाश हवे जौं त हम तैं पिता परमेश्वर का तरपां बट्टी स्वर्ग मा एक इन देह मिललि, जु मनिख्युं का हथों बट्टी बंणि देह न पर चिरस्थाई च।

2 कुरिन्थि 5:8

इलै हम निश्चित रौंदियां, अर जब हम मुरुला त प्रभु का दगड़ी रौंण और भि उत्तम समझदियां।

फिलिप्पी 1:19

किलैकि मि जंणदु छौं कि तुम्हरी प्रार्थना का द्वारा, अर यीशु मसीह का द्वारा भिज्यां पवित्र आत्मा की मदद ल यांको प्रतिफल मि कु यु हो कि मि कैद बट्टी उद्धार पौं।

1 तीमुथियुस 5:1

अफ से बड़ा आदिम तैं अपमान का दगड़ी नि डांट; बल्कि वे तैं बड़ा आदर का दगड़ी सलाह दे, जन कि उ तेरु अपड़ो बुबा हो, अर अफ से छुटा आदमियों तैं, अपड़ा भयों जन सलाह दे।

1 तीमुथियुस 5:19

एक पुरणा अगुवा का विरोध मा पाप कना का भंगार तैं तब त नि सूंणि जब तक द्वी या तीन लोग वे पर एक ही बात कु भंगार नि लगा।

2 तीमुथियुस 4:8

प्रभु मि तैं एक ताज दयालो जु धार्मिकता को ताज च, यु ईनाम मि तैं वे दिन मिललो जब उ सचै का दगड़ी न्याय कनु कु वापिस आलो, अर यु भस मि तैं ही न बल्कि ऊं सभियूं तैं भि यु दयालो जु वेकी वापिस आंणै की चाह करदींनि।

तीतुस 1:5

मि इलै त्वे तैं क्रेते द्वीप मा छोड़ी के ऐ छो, कि तू हमारा बचयां कामों तैं पूरो कैर साक, अर क्रेते द्वीप का हर शहर मा मेरी आज्ञा का पुरणा अगुवों कु चुनाव कैर साक, उन ही जन कनु को मिल त्वे तैं आज्ञा दींनि।

फिलेमोन 1:9

मि बुजर्ग पौलुस, मसीह यीशु की सेवा कना का कारण बंधि छो, प्रेम बट्टी तुम कु यु बगत बिनती कनु छौं।

इब्रानी 12:1

हमारा अमणी-संमणी इन कई लोग छिनी जु की जिन्दगी हम तैं बतांद कि विश्वास कु मतलब क्य च; हर एक रुकण वली चीज, अर उलझांण वला पापों तैं दूर कैरी के हम वे बट्टा पर चला जै पर हम तैं जरूरी चलण चयणु च, उख चला।

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

1 पतरस 1:7

यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

1 पतरस 4:13

भस यांका बारा मा खुश रावा, किलैकि तुम तैं ऊं दुखों मा एक हिस्सा मिली जु मसीह तैं मिली छो। इलै, जब मसीह सभि लुखुं तैं अपड़ी महिमा प्रकट कनु कु दुबरा आलो त तुम्हरो आनन्द सच मा भौत बड़ो होलो।

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।

1 यूहन्ना 3:2

हे प्रियों, अब हम पिता परमेश्वर कि संतान छा, अर अब तक उ प्रगट नि हवे, कि भविष्य मा हम क्य कुछ बंणि जौला! इथग जंणदा, कि जब यीशु मसीह प्रगट होलो त हम भि वे जन होला, किलैकि हम वे तैं उन ही दिखला जन उ छै च।

2 यूहन्ना 1:1

मि यूहन्ना, मंडलि का पुरणा अगुवा यु चिठ्ठी वीं जनन अर वीं का नौंना कु लिखणु छो, जै तैं पिता परमेश्वर ल चुणि। मि सच मा तुम बट्टी प्रेम रखदु छो, अर भस मि ही न; बल्कि उ सब भि तुम बट्टी प्रेम रखद, जु पिता परमेश्वर की सचै पर विश्वास रखदा छिनी।

3 यूहन्ना 1:1

मि यूहन्ना मंडलि कु पुरणो अगुवा, या चिठ्ठी प्रिय दगड़िया गयुस त्वे कु लिखणु छो, मि त्वे बट्टी सचो प्रेम करदु छो।

दिब्य दरस 1:9

मि यूहन्ना, तुम्हरो दगड़िया विश्वासी, अर मि मसीह कु दुःख सौण मा अर पिता परमेश्वर का राज्य मा अर धीरज मा तुम्हरो दगड़िया छो, जु ऊं लुखुं पर औंदींनि जौको ऊं दगड़ी रिश्ता च। मि तैं पतमुस टापू पर कैदी बणै के भिजे गै छो किलैकि मिल पिता परमेश्वर का वचन कु प्रचार कैरी छो अर यीशु का सच्चा संदेश का बारा मा बतै छो।