1 पतरस 4:6 - गढवली नयो नियम

⁶ यु ही कारण च कि मुरयां लुखुं ल भि मसीह का बारा मा शुभ सन्देश प्रचार सुणै। ऊंका देहों तैं सभि लुखुं जन मुरण पोड़ी, पर अब उ आत्मा मा हमेशा पिता परमेश्वर का दगड़ी राला।

Garhwali

⁶ अर ईं वजै से ही यीशु मसीह का पिछनै चलण वळा लोगु न वेका बारा मा शुभ समाचार को परचार कैरी, जु कि अब मोरि गैनी, अर भले ही पिता परमेस्वर न ऊंको न्याय कैरी अर वु सब भि आम मनखियों की तरौं ही मोरि गैनी, मगर पिता परमेस्वर का पवित्र आत्मा न ऊंतैं सदनि को जीवन दिनी।

1 पतरस 4:6 Iomraidhean Croise

मत्ती 24:9

तब उ लोग जु तुमारा विरोध करदा छिन क्लेश दिलांण कु तुम तैं पकड़वाला अर किलैकि तुम मि पर विश्वास करदा छा सभि जातियों का लोग तुम से बैर रखला।

रोमियों 8:2

पवित्र आत्मा जु मसीह यीशु का तरपां बट्टी आंदो उ तुम तैं जीवन दयालो अर तुम तैं पाप अर मृत्यु की व्यवस्था बट्टी आजाद करलो।

गलातियों 2:19

मि समझदु छों की मूसा की व्यवस्था कु पालन कन मा मि धर्मी घोषित नि हुलु। इलै मि इन मंणदु छों कि मि मूसा की व्यवस्था का बारा मा मोरि ग्यों कि मि पिता परमेश्वर कु मसीह मा ज्यूँदो रौं।

गलातियों 5:25

किलैकि पिता परमेश्वर की पवित्र आत्मा ल हम तैं एक नयो जीवन दींनि, इलै हम तैं अपड़ा जीवन तैं पवित्र आत्मा की अगुवे का अनुसार जींण चयणु च।

1 पतरस 1:12

पर पिता परमेश्वर का तरपां बट्टी बुल्ण वलो तैं पिता परमेश्वर ल बतै कि ऊंका संदेश खुद ऊंका अफ कु नि छिनी बल्कि तुम कु छिनी। उ संदेश यीशु मसीह का बारा मा शुभ सन्देश प्रचार च जु तुम ल अब सूंणि। पिता परमेश्वर ल स्वर्ग बट्टी अपड़ो पवित्र आत्मा भेजि कि तुम शुभ सन्देश प्रचार कन मा लुखुं की मदद कैरा। यु सभि इथग अद्भुत च कि इख तक की स्वर्गदूत भि उत्सुकता ल यूं बातों तैं हूंदी दिखणां छिनी।

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 पतरस 3:19

तब वेकी आत्मा ल जै के ऊं आत्माओं मा शुभ संदेश प्रचार कैरी जु वीं जगह पर पिता परमेश्वर का द्वारा कैद किये गै छा, जख मुरयां लुखुं की आत्माएँ छिनी।

दिब्य दरस 14:18

तभि एक और स्वर्गदूत जु कि छठो स्वर्गदूत च अर जु वेदी पर आग से धूप जलांण की जिम्मेदारी निभांद। वेल चिल्लै के वे स्वर्गदूत बट्टी जै मा तेज दथड़ो च बोलि, “धरती पर अंगूरों का गुच्छा पक्की गैनी! ऊं तैं अपड़ा दथडा ल काट ले।”