1 पतरस 3:7 - गढवली नयो नियम

⁷ उन ही हे आदिमों, अपड़ी जननों का दगड़ी मिल के रावा, अर ऊंकी मदद कना का बारा मा विचार कैरा, अर तुम तैं याद रखण चयणु च कि उ तुम बट्टी कमजोर च, इलै तुम तैं ऊंको आदर कन चयणु च। किलैकि तुम द्वी ही वे वरदान तैं कठ्ठा करदा जु पिता परमेश्वर ल दया का दगड़ी तुम तैं द्ये, मतलब अनन्त जीवन को वरदान। इन कैरी के जब तुम पिता परमेश्वर बट्टी प्रार्थना कैरा त उ तुम्हरी सुणो।

Garhwali

⁷ हे मेरा भैयों, ठिक इन्‍नि तुम लोग भि अपणी-अपणी घरवळी का दगड़ा मा बड़ी समझदारी से अपणु जीवन ज्या। अर भले ही वा ताकत मा तुम से थुड़ी कमजोर ह्‍वे सकदी, मगर तुम वींतैं पूरु आदर-सम्मान द्‍या, अर ईं बात तैं समझि ल्या, कि पिता परमेस्वर न अपणी किरपा का द्‍वारा तुम दुईयों तैं वारिस होणु खुणि बुलयूं च। अर इन कैरिके तुमरि प्रार्थनाओं मा कुई रुकावट नि आली।

1 पतरस 3:7 Iomraidhean Croise

मत्ती 18:19

फिर मि तुम मा बुल्णु छौं जु तुम मा बट्टी द्वी आदिम कैं बात कु एक मन हवे के वीं बात तैं मगिल्या त व मेरा बुबा कि तरपां बट्टी जु स्वर्ग मा च उन ही तुम कु हवे जालो।

1 कुरिन्थि 7:3

आदिम अपड़ी जनन कु अपड़ो कर्तव्य पूरो कैरो; अर उन ही जनन भि अपड़ा आदिम कु कर्तव्य पूरा करे।

इफिसुस 3:6

यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

इफिसुस 4:30

पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

इफिसुस 5:33

पर यु तुम पर भि लागू हूंद, कि तुम बट्टी हरेक अपड़ी जनन बट्टी अपड़ा जन प्रेम रखा, अर जनन भि अपड़ा स्वामि कु आदर कैरो।

इफिसुस 6:18

अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

कुलुसी 3:19

हे आदिमों, अपड़ी-अपड़ी घरवलि बट्टी प्रेम रखा, अर ऊं दगड़ी दयालुता ल बरतौ कैरा।

1 थिस्सलुनीकी 4:4

“तुम मा बट्टी हरेक आदिम धीरज रखि के अपड़ा देह पर भस रखण सीखा अर मसीह को समान कैरो।”

तीतुस 3:7

ज्यां ल हम वे अनन्त जीवन तैं पांणै की आस रखि साका जु पिता परमेश्वर ल हम तैं अपड़ी संतान का रूप मा दींणै की सौं खै। अर यु बारा मा हम जांणि सकदां किलैकि पिता परमेश्वर ल अपड़ी दया का द्वारा हम तैं अफ दगड़ी सै ठैरे।

इब्रानी 1:14

तब, स्वर्गदूतों कु हूंणो को क्य फैदा? स्वर्गदूत उ छिनी जु पिता परमेश्वर की सेवा करदींनि; जु पिता परमेश्वर ऊं तैं ऊं लुखुं की देखभाल कनु कु भिजद जु उद्धार पांण वला छिनी।

1 पतरस 3:1

हे जननों, अपड़ा स्वामि का इन अधीन रावा। कि जु ऊंमा बट्टी कुई भि पिता परमेश्वर का वचन पर विश्वास कन से इंकार करद, त जन के तुम जीवन ज्यून्दा, उ तुम्हरा कुछ बुल्यां बगैर ही ऊं तैं विश्वास कन मा मदद करलो जब उ तुम्हरा शुद्ध अर ईश्वरीय बरतौ तैं दिखला त उ मसीह पर विश्वास करला।