1 पतरस 3:19 - गढवली नयो नियम

¹⁹ तब वेकी आत्मा ल जै के ऊं आत्माओं मा शुभ संदेश प्रचार कैरी जु वीं जगह पर पिता परमेश्वर का द्वारा कैद किये गै छा, जख मुरयां लुखुं की आत्माएँ छिनी।

1 पतरस 3:19 Iomraidhean Croise

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 पतरस 3:20

यु ऊं लुखुं की आत्माएँ छिनी जौन भौत बगत पैली पिता परमेश्वर की आज्ञाओं कु उल्लंघन कैरी छो। जब नूह अपड़ो जहाज तैं बनांणु छो, त पिता परमेश्वर धीरज से इन्तेजार कनु छो कि देखो क्य उ लोग पछतौ करला। पर भस जहाज मा प्रवेश कन वला आठ लुखुं तैं वीं भयानक बाड़ मा डुबण से बचये गै।

1 पतरस 4:6

यु ही कारण च कि मुरयां लुखुं ल भि मसीह का बारा मा शुभ सन्देश प्रचार सुणै। ऊंका देहों तैं सभि लुखुं जन मुरण पोड़ी, पर अब उ आत्मा मा हमेशा पिता परमेश्वर का दगड़ी राला।

दिब्य दरस 19:10

जब मिल सूंणि जु मि बट्टी बात कनु छो, त मि वेकी आराधना कनु कु, वे आदिम का संमणी झुकि ग्यों। वेल मि कु बोलि, “मि तैं प्रणाम नि कैर।” मि भस पिता परमेश्वर को एक सेवक छो जन तू छै अर तेरा विश्वासी भयों का जन जु यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं महिमा कन चयणी च। किलैकि परमेश्वर आत्मा च जु पिता परमेश्वर का लुखुं तैं यीशु का द्वारा बतये गै अर सत्य कु प्रचार कना का योग्य बणद।

दिब्य दरस 20:7

जब हजार साल खत्म हवे जाला त स्वर्गदूत, शैतान तैं उख बट्टी जख उ बंधयूं च, आजाद कैरी दयालो, अर उ, ऊं देशों की जातियों तैं धोखा दींणु कु भैर ऐ जालो जु पूरी दुनिया मा बिखरयां छिनी। यूं देशों तैं गोग अर मागोग बुलै जांद शैतान ऊं सभियूं तैं एक जगह पर कठ्ठा करलो जख उ लड़ै करला। उ भौत सैरा होला इन कि कुई ऊं तैं समुद्र का किनारा की बल्ला का जन गिणी भि नि सकलो।