1 पतरस 2:6 - गढवली नयो नियम

⁶ यु उन ही च जन पिता परमेश्वर का वचन मा लिख्युं च, “देखा, मिल एक बहुमूल्य ढुंगो चुणि; जु सिय्योन शहर मा घौर तैं मजबूत बनांणु कु इस्तेमाल किये जंदींनि। जु कुई भि वे पर विश्वास करदो, उ लज्जित नि होलो।”

Garhwali

⁶ किलैकि वे ढुंगा बारा मा पवित्रशास्‍त्र मा कुछ इन लिख्यूं च कि परमेस्वर बुल्दु, “देखा मि सिय्योन मा एक चुण्यां कुणों का ढुंगा तैं रखणु छौं, जु की भौत कीमती च, अर जु कुई वे पर बिस्वास करलु, वेतैं कभि बेजती नि सौण पोड़लि।”

1 पतरस 2:6 Iomraidhean Croise

मत्ती 12:18

“देखा यु मेरू सेवक च जै तैं मिल चुणि मेरू प्रिय जै बट्टी मेरू ज्यू खुश च मि अपड़ो आत्मा वे पर डलुलु अर उ सभि जातियों तैं न्याय को शुभ संदेश प्रचार दयालो।

मरकुस 12:10

हकीकत मा तुम ल परमेश्वर का वचन पढ़ी, “कि जै ढुंगा तैं मिस्त्रियों ल निक्कमो ठैरे छो उ ही सबसे खास ढुंगो हवे गै।”

लूका 20:17

वेल फिर ऊंकी तरपां एकटक देखि के बोलि, “फिर परमेश्वर का वचन मा क्य लिख्युं च जै ढुंगा तैं राजमिस्त्रियों ल निक्कमो ठैरे छो उ ही कोणा कु सिरा हवे गै”

लूका 23:35

लोग खड़ा खड़ी दिखणा छा अर मुखिया भि मजाक कैरी के बुल्णा छा “येल औरों तैं बचै जु यु परमेश्वर मसीह च अर वेको चुण्यूं च त अफ तैं बचै द्यो।”

यूहन्ना 7:38

जु मि पर विश्वास करलो जन परमेश्वर का वचन लिख्युं च, वेका हृदय मा बट्टी जीवन का पांणी की गाड जु जीवन दींद निकलली।

खास चेलों 1:16

“हे विश्वासी भयों, पवित्र आत्मा ल बहुत पैली राजा दाऊद का द्वारा यहूदा का बार मा बतये छो, जु कि यीशु तैं गिरफ्तार कन वला लुखुं को मार्ग दर्शने कन वलो बंणि गै यु जरूरी छो कि यहूदा का बारा मा परमेश्वर का वचन मा लिख्युं लेख पूरो हो।

रोमियों 10:11

किलैकि परमेश्वर का वचन तैं बुल्ण वला यशायाह ल मसीह का बारा मा लिख्युं छो, “जु कुई वे पर विश्वास करलो उ निराश नि होलो।”

इफिसुस 1:4

यु कि, पिता परमेश्वर ल दुनिया मा आकाश अर धरती बनौंण बट्टी पैली, मसीह का कारण हम तैं अपड़ा लोग हूंणु कु चुंणियेले; कि हम वेका संमणी पवित्र अर निर्दोष हवे सका।

इफिसुस 2:20

प्रेरितों अर परमेश्वर कि तरपां बट्टी बुल्ण वलो कि बुनियाद पर हम एक इमारत का जन छा अर जैकु जरुरी ढुंगो यीशु मसीह च।

2 तीमुथियुस 3:16

सैरो परमेश्वर का वचन परमेश्वर कि प्रेरणा से रचे गै अर यु उपदेश दींणु कु अर समझौंणु कु अर सुधरणु कु अर धार्मिकता कि शिक्षा दींणु कु फैदामंद च

1 पतरस 2:4

अब तुम प्रभु यीशु का संमणी अयां छा। उ एक घौर का कूणा पर रखयां जरूरी ढुंगा का जन च, पर उ ज्यूँदो ढुंगा का जन च। कई लुखुं ल वे तैं अस्वीकार कैरेले छो, पर पिता परमेश्वर ल वे तैं चुणि अर वे तैं भौत अनमोल मणदो। अर जन के लोग ढुंगों ल घौर बंणौंदींनि, उन के ही पिता परमेश्वर तुम तैं एक दगड़ा मा एक झुण्ड मा जुड़णु च जै मा पिता परमेश्वर को आत्मा रौंद, कि जु यीशु मसीह ल हम कु कैरी, वेका द्वारा तुम ऊं याजकों का जन जु बलिदान चढ़ौदींनि, इन काम कैरा जु पिता परमेश्वर तैं खुश करदींनि।

1 पतरस 2:8

अर फिर पिता परमेश्वर कु वचन यु बुल्द, “यु ढुंगो लुखुं का ठोकर खांण को कारण होलो। य एक चट्टान जु ऊंको लमडणो को कारण होलो।” उ इन कै लम्ड़दींनि किलैकि उ पिता परमेश्वर का संदेश तैं मनणु से इंकार करदींनि। पिता परमेश्वर ल ऊं दगड़ी य ही योजना बणै।

2 पतरस 1:20

पर यु भौत जरूरी च कि तुम ईं बात तैं समझा कि पिता परमेश्वर का तरपां बट्टी बुल्ण वलो का वचन जु तुम पढ़दा छा उ ऊंका अपड़ा विचार नि छिनी।

2 पतरस 3:16

अपड़ी सभि चिठ्ठियूं मा जु वेल विश्वासियों तैं लिखीं, उ इन ही बात करदींनि जु वेल तुम तैं लिखिनि। पर कुछ बात जु वेल अपड़ी चिठ्ठियूं मा लिखिनि, ऊं तैं समझण मुश्किल च। जूं लुखुं ल अच्छी शिक्षा नि पैनी अर जौं तैं निश्चय नि च कि उ क्य विश्वास करदींनि उ यूं कठिन बातों का मतलब को गलत ढंग से व्याख्या करदींनि, उन ही जन उ पिता परमेश्वर का वचन का अन्य हिस्सों की भि गलत व्याख्या करदींनि। इन कैरी के उ अफ ही पिता परमेश्वर का द्वारा अपड़ो नाश हूंणो को कारण बणदींनि।