1 पतरस 1:8 - गढवली नयो नियम

⁸ तुम ल यीशु मसीह तैं कभी नि देखि, पर फिर भि तुम मसीह बट्टी प्रेम करदा अर वे पर विश्वास भि करदा। इलै, तुम आनन्द अर महिमा बट्टी भौत खुश छा जै तैं शब्दों द्वारा नि बतये जै सकद।

Garhwali

^8-9 अर तुमुन यीशु तैं नि देखि, अर ना ही वेतैं अभि दिखद्‍यां, मगर फिर भि तुम वे पर बिस्वास करद्‍यां, अर वेसे प्यार भि करद्‍यां, मगर सुणा, न्याय का दिन पर उ तुमरा बिस्वास का द्‍वारा ही तुमरि आत्मा तैं बचालु। अर यू बड़ु आनन्द तुमतै भरपूर कैरी द्‍यालु, जैको बखान हम अभि नि कैरी सकद्‍यां, किलैकि यू वु आनन्द च जु कि पिता परमेस्वर की महान आसीस से भरपूर होलु।

1 पतरस 1:8 Iomraidhean Croise

मत्ती 10:37

“जु ब्वे-बुबा तैं मि से जादा प्रेम करद उ मेरा लैख नि च अर जु नौंना य नौंनि तैं मि से जादा प्रेम करद उ भि मेरा चेला बनण का लैख नि च।”

यूहन्ना 14:15

जु तुम मि बट्टी प्रेम करदां त मेरी आज्ञाओं कु पालन करिल्या।

यूहन्ना 14:21

जु मेरी आज्ञा तैं जंणदु च अर उ, ऊं तैं मंणदु च उ ही मि बट्टी प्रेम रखदु च अर जु मि तैं प्रेम रखदु, वे बट्टी मेरू बुबा प्रेम रखलु अर मि वे बट्टी प्रेम रखलु अर अफ तैं वे पर प्रगट करलो।”

यूहन्ना 14:24

जु मि से प्रेम नि रखदु उ मेरी आज्ञा नि मंणदु” अर जु वचन तुम सुंणदा छा उ मेरा न बल्कि बुबा का छिनी जैल मि तैं भेजि।

यूहन्ना 16:22

इन ही रीति बट्टी, तुम तैं भि अब त शोक च, पर मि तुम तैं फिर मिललो तुम आनन्दित हवेला अर तुमारो आनन्द कुई तुम बट्टी छिन नि सकदो।

यूहन्ना 20:29

यीशु ल वेकु बोलि, तिल त मि तैं देखि कै विश्वास कैरी पर धन्य छिन उ, जौं ल मि तैं नि देखि पर फिर भि विश्वास कैरी।

यूहन्ना 8:42

यीशु ल ऊंमा बोलि, कि जु परमेश्वर तुमारो बुबा हूंदो त तुम मि बट्टी प्रेम रखदा किलैकि मि परमेश्वर कि तरपां बट्टी अयुं छौं, मि अफी नि अयुं छों पर वेल मि तैं भेजि।

खास चेलों 16:34

वेल ऊं तैं झट अपड़ा घौर लिजै के ऊंका अगनैं खांणु रखि अर सैरी कुटुम्दारी समेत परमेश्वर पर विश्वास कैरी के उ सभि भौत आनन्दित छा।

रोमियों 14:17

किलैकि पिता परमेश्वर का राज्य मा, खांण-पींण जरुरी नि च। जरुरी बात य च कि पिता परमेश्वर का दगड़ी सै जीवन जियां, अर पवित्र आत्मा मा शान्ति अर आनन्द च।

रोमियों 15:13

मि प्रार्थना करदु, कि पिता परमेश्वर जु आस दींण वलो च, तुम तैं विश्वास कन मा पूरा ढंग से खुशी अर शान्ति बट्टी भोरि द्यो, कि पवित्र आत्मा की सामर्थ बट्टी तुम्हरी आस बढ़दी जौं।

1 कुरिन्थि 16:22

जु कुई प्रभु बट्टी प्रेम नि रखो, त उ श्रापित च, हे हमारा प्रभु, औ।

2 कुरिन्थि 12:4

कि स्वर्गलोक पर उठै गै, अर इन बात सुणि जु बुल्ण वली नि च; अर ज्यांका बारा मा दुसरा लुखुं तैं बतांणै की अनुमति नि च।

2 कुरिन्थि 4:18

अर हम त दिखीं चीजों तैं न पर अणदिखीं चीजों तैं दिखदी रौंदयां, किलैकि दिखीं चीज त थोड़ा ही दिनों की छिनी, पर अणदिखीं चीज सदनी बंणि रौंदींनि।

2 कुरिन्थि 5:7

जब हम अभि ईं दुनिया मा रौंणा छा, हम अपड़ा विश्वास का द्वारा प्रभु का पिछनै चलणा छा, न कि वे तैं देखि के।

2 कुरिन्थि 9:15

आवा हम पिता परमेश्वर कु वेका नौंना कु धन्यवाद कैरा जैका बारा मा कुई भि पूरा ढंग से नि बतै सकद।

गलातियों 5:22

उ बरतौ जु पिता परमेश्वर का पवित्र आत्मा का द्वारा पैदा हूंद, उ यूं छिनी, प्रेम, आनन्द, शान्ति, धीरज, अर दया, भलै, अर दूसरों का प्रति विश्वासयोग्य हूंण,

गलातियों 5:6

जु तुम मसीह यीशु का चेला छा त ईं बात से कुछ फर्क नि पुड़दो कि तुम्हरो खतना हुयुं च या न, पर खास बात य च कि हम मसीह पर विश्वास करदां अर पिता परमेश्वर अर और लुखुं का प्रति प्रेम करदां।

इफिसुस 3:19

मि प्रार्थना करदु छों, कि तुम तैं मसीह का प्रेम का बारा मा पता चलि जौ जु मनिख्युं कि समझ बट्टी भैर च कि तुमारो बरतौ परमेश्वर कु बरतौ का जन बंणि जौ।

इफिसुस 6:24

पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।

फिलिप्पी 1:25

इलै मि तैं ईं बात कु पूरो भरोसो च। अर मि जंणदु भि छौं कि मि ज्यूँदो रौलु, बल्कि तुम सभियूं दगड़ी रौलु, मि तुम तैं विश्वास मा मजबूत हूंणु कु अर वेमा खुश रौंणु कु मदद करुलु।

फिलिप्पी 3:3

किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

फिलिप्पी 4:4

प्रभु मा सदनी खुश रावा; मि फिर बुल्णु छौं कि खुश रावा।

इब्रानी 11:1

जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।

इब्रानी 11:27

विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।

1 पतरस 1:6

तुम तैं यूं सभि चीजों का बारा मा खुश हूंण चयणु च, चाहे अभि थोड़ा बगत कु ही किस्म-किस्म की परेशानियां तुम तैं दुखी कैरो,

1 पतरस 2:7

यु ढुंगो तुम कु भौत कीमत च जु यीशु मसीह पर विश्वास करदींनि। पर जु लोग वे पर विश्वास नि करदींनि, ऊंका बारा मा पिता परमेश्वर कु वचन बुल्द कि, “राजमिस्त्रियों ल जै ढुंगो कु इस्तेमाल कन से मना कैरी दींनि, वीं इमारत की नींव मा सबसे जरूरी ढुंगो बंणि गै।”

1 पतरस 5:4

जब यीशु मसीह, जु कि हमारो प्रधान चरवाहा च, दुबरा वापिस आलो, तब तुम तैं एक ईनाम दिये जालो जु कभी भि अपड़ी चमक तैं नि खोलो।