1 पतरस 1:20 - गढवली नयो नियम

²⁰ ईं दुनिया का बणये जांण से पैली, पिता परमेश्वर ल पैली यु निर्धारित कैरेले छो कि यीशु मसीह छुड़ौण वलो होलो। पर उ तुम्हरी मदद कनु कु यूं अंतिम दिनों मा ईं दुनिया मा प्रगट हवे।

Garhwali

²⁰ अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

1 पतरस 1:20 Iomraidhean Croise

इफिसुस 1:4

यु कि, पिता परमेश्वर ल दुनिया मा आकाश अर धरती बनौंण बट्टी पैली, मसीह का कारण हम तैं अपड़ा लोग हूंणु कु चुंणियेले; कि हम वेका संमणी पवित्र अर निर्दोष हवे सका।

दिब्य दरस 13:8

अर सभि जु धरती पर रौन्दींनि उ जानवर की आराधना करला, मतलब कि, उ सभि लोग जु का नौं दुनिया की शुरुआत बट्टी चिनखा की जीवन की किताब (चाम्रपत्र) मा नि लिखै गैनी। चिनखो उ ही च जु मोरि गै छो।

इब्रानी 1:2

पर यूं आखरी दिनों मा हम बट्टी अपड़ा नौंना का द्वारा बात कैरी। पिता परमेश्वर ल अपड़ा नौंना का द्वारा सैरी दुनिया की रचना कैरी अर सैरी सृष्टि कु वारिस ठैरे।

कुलुसी 1:26

यानि, वे भेद कु प्रचार कैर जु भेद जुग-जुग बट्टी अर ऊं सभि लुखुं बट्टी जु पुरणा बगत मा रौंदा छा छिप्युं रखि पर अब पिता परमेश्वर का पवित्र लुखुं पर प्रकट हवे।

इफिसुस 3:11

परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

इफिसुस 3:9

अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

गलातियों 4:4

पर जब उ बगत आलो ज्यां कि योजना पिता परमेश्वर ल बंणै छै, त पिता परमेश्वर ल खुद अपड़ा नौंना तैं ईं दुनिया मा भेजि, अर जनन ल वे तैं पैदा कैरी, अर उ एक यहूदी का रूप मा पैदा हवे अर व्यवस्था का अनुसरण करदी रै।

1 यूहन्ना 1:2

यु मनिख जु जीवन दींद दुनिया मा ऐ, अर हम ल वे तैं देखि, अर वेकी गव्है दींण छा, अर तुम तैं वे अनन्त जीवन का बारा मा प्रचार बतौंदयां जु पिता परमेश्वर का दगड़ा मा छो अर हम पर प्रगट हवे।

इफिसुस 1:10

जब ईं योजना कु पूरो कन कु बगत ऐ गै, त पिता परमेश्वर आसमान अर धरती कि सभि चीजों तैं मसीह का अधीन रालो, कि मसीह सभि चीजों कु मुखिया हो।

रोमियों 3:25

वे तैं पिता परमेश्वर ल यीशु मसीह का ल्वे का कारण एक इन प्रायश्चित बलिदान ठैरे, जु विश्वास कन से पूरी हूंद, कि जु पाप पैली बगत मा किये गैनी, अर जौं पर पिता परमेश्वर ल अपड़ी सहनशील हूंणा का कारण ध्यान नि दींनि अर माफ कैर दींनि; ऊंका बारा मा उ अपड़ी धार्मिकता प्रगट कैरो।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

1 यूहन्ना 3:5

अर तुम जंणदा छा, की यीशु मसीह इलै ऐ, कि हमारा पापों की सजा तैं हटै द्यों, अर वेमा कुई पाप नि च।

मत्ती 25:34

तब राजा अपड़ी दैंणि तरपां वलो बट्टी बुललो, “हे मेरा बुबा का धन्य लुखुं आवा वे राज्य का अधिकारी हवे जा जु दुनिया का पैली बट्टी तुम कु तैयार करयूं च।”

खास चेलों 2:23

यु ही यीशु पिता परमेश्वर की ठैरैईं मनसा का अनुसार अर परमेश्वर का हूंण वला पूर्व ज्ञान का अनुसार पकड़वये गै छो अर तुम ल अधर्मियों का हथों ल वे तैं सूली पर चढ़ै कै मरवै दींनि।

रोमियों 8:29

किलैकि जौं तैं वेल पैली बट्टी ही चुणयली ऊं तैं पैली बट्टी ही ठैराये गै कि वेका नौंना का स्वरूप मा हो कि उ सभि विश्वासी भयों मा पैलो नौंना का जन हवे जौं।

1 तीमुथियुस 3:16

यां मा कुई शक नीच कि भक्ति कु भेद गैरु-गम्भीर च, मसीह जु मनिख का रूप मा प्रकट हवे, पवित्र आत्मा का द्वारा पिता परमेश्वर का नौंनो का रूप मा साबित किये गै, स्वर्गदूतों तैं दिखै गै अन्य-जातियों का लुखुं ल देश-देश मा वेको प्रचार कैरी, दुनिया भर का लुखुं ल वे पर विश्वास कैरी अर महिमा का दगड़ा वे तैं मथि स्वर्ग मा उठै गै।

इब्रानी 2:14

किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

1 पतरस 1:2

पिता परमेश्वर ल भौत पैली ही तुम तैं अपड़ा लोग हूंणु कु अर पवित्र आत्मा का काम का द्वारा तुम तैं पवित्र कनु कु चुणि। वेल इन इलै कैरी कि तुम यीशु मसीह की आज्ञाओं तैं मंणिला अर वेका ल्वे बट्टी शुद्ध हवे सकिला। मि प्रार्थना करदु कि पिता परमेश्वर तुम तैं कृपा अर पूरी शान्ति दयालो।