1 पतरस 1:15 - गढवली नयो नियम

¹⁵ पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि।

Garhwali

¹⁵ इलै जन तुमतै बुलाण वळु परमेस्वर पवित्र च, ठिक उन्‍नि तुम भि पवित्र बणा।

1 पतरस 1:15 Iomraidhean Croise

मत्ती 5:48

इलै तुम तैं ऊं बट्टी प्रेम कन चयणु च जु तुम बट्टी प्रेम नि करदा अर इन के तुम सिद्ध बंणि के जन तुमारो स्वर्गीय बुबा जु स्वर्ग मा च अर सिद्ध च बणा।”

रोमियों 9:24

यानि हम पर जौं तैं वेल न भस यहूदियों मा बट्टी बल्कि अन्यजातियों मा बट्टी भि चुणि।

2 कुरिन्थि 7:1

हे प्रियों, किलैकि पिता परमेश्वर ल हम तैं अपड़ा बच्चों का रूप मा स्वीकार कनु कु यु वादा कैरी, त आवा, हम अपड़ा आप तैं ऊं सभि बुरी चीजों बट्टी दूर कैरा, अर सभि रीति रिवाजों बट्टी बचा, अर पिता परमेश्वर की डौर मांणी कै आदर करां अर आवा हम पूरा ढंग से पवित्र हूंणु कु काम कैरा।

फिलिप्पी 1:27

भस इथग कैरा कि तुमारो चाल-चलन यीशु मसीह का शुभ सन्देश का लैख हो तब चै मि तुम तैं ऐ के देखु, या फिर नि भि औं, पर तुमारा बारा मा इन ही सूंणु कि तुम एक ही मन छा, अर एक ही मनसा रखि के शुभ संदेश का विश्वास कु सदनी मेहनत करदां।

फिलिप्पी 3:14

मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।

फिलिप्पी 3:20

पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

1 थिस्सलुनीकी 2:12

कि तुमारो चाल-चलण पिता परमेश्वर का लैख हो जु तुम तैं अपड़ा राज्य अर महिमा मा भागिदार हूंणु कु बुलांद।

1 तीमुथियुस 4:12

कुई तेरी जवानि तैं बेकार नि समझु; पर तु बातचित मा, अच्छा बरतौ मा, दूसरों का प्रति प्रेम मा, मसीह पर तेरु विश्वास मा, अर तेरु निर्दोष जीवन मा, अर पवित्रता मा, विश्वासियों तैं अनुसरण कन कु नमूना बंणि जा।

2 तीमुथियुस 1:9

पिता परमेश्वर ल ही हम तैं बचै के उद्धार प्रदान कैरी, अर हम तैं एक पवित्र जीवन ज्यूंणु कु बुलै, वेल हम तैं इलै नि चुणि किलैकि हम ल अच्छा काम करिनी पर य वेकी दया का अनुसार च, जु शुरुवात बट्टी मसीह यीशु मा हमेशा से हम पर हवे।

तीतुस 3:14

भस इथग ही न, त्वे तैं विश्वासियों तैं सिखांदी रौंण चयणु च कि अच्छा कामों कु हमेशा मेहनत कना करा कि ऊं लुखुं की जरूरत पूरी कैर साक जै मा उ सब कुछ नि च, जै तैं यांकि जरूरत च। यु विश्वासियों की मदद करलो कि एक उद्देश्य का दगड़ी अपड़ो जीवन जी साका।

तीतुस 3:8

या बात सच च जु मिल तुम तैं अभि लिखीं अर मि इन चांणु छौं, कि तु यूं बातों का बारा मा विश्वासियों तैं सिखांण बगत सख्तै से बोल, इलै कि जौं लुखुं ल परमेश्वर पर विश्वास कैरी उ भला-भला काम कनु को ध्यान रखुनु; किलैकि सभियूं कु या बात भलि अर मनिख्युं कि फैदा कि छिन।

इब्रानी 12:14

सभियूं बट्टी मेल मिलाप रखा, अर पवित्र हूंणु कु हर ढंग से कोशिश कैरा जैका बगैर कुई भि प्रभु तैं कभी भि नि देख सकलो।

इब्रानी 13:5

अपड़ा जीवन तैं धन का लालच बट्टी दूर रखा, अर जु तुम म च, वे पर ही संतोष किया कैरा; किलैकि पिता परमेश्वर ल अफ ही बोलि, “मि त्वे तैं कभी भि नि छुडलु, अर न कभी भि त्वे तैं त्यगुलु।”

याकूब 3:13

तुम लुखुं मा बट्टी जु ज्ञानी अर समझदार हूंणो को दावा करदो, उ अपड़ा कामों अर अच्छा स्वभाव ल, अर वीं नम्रता का दगड़ा जु तुम्हरा ज्ञान बट्टी औंद, अच्छा काम कैरी कै दिखांण चयणु च।

1 पतरस 2:12

जु लोग पिता परमेश्वर पर विश्वास नि करदींनि उ तुम पर यु बोलि के गलत भंगार लगै सकदींनि की तुम्हरा काम बुरा छिनी। इलै तुम तैं अपड़ा बरतौ का बारा मा चौकस रांण चयणु च, कि उ तुम्हरा अच्छा बरतौ तैं देखि साका। बाद मा उ स्वीकार करला कि तुम्हरो बरतौ अच्छो च अर जै दिन पिता परमेश्वर दुनिया कु न्याय कनु कु आलो वे दिन परमेश्वर की महिमा करला।

1 पतरस 2:9

पर तुम इन नि छा किलैकि तुम पिता परमेश्वर का चुणयां लोग छा, तुम पिता परमेश्वर का याजक छा, जु राजा च तुम पिता परमेश्वर से जुड़िया लोग छा वेल तुम तैं अंधेरा बट्टी अपड़ी अद्भुत उज्यला मा बुलै, कि तुम पिता परमेश्वर का अद्भुत कामों का बारा मा बतै साका।

1 पतरस 5:10

पिता परमेश्वर जु पूरा ढंग से कृपा करद च, वेल हम तैं मसीह यीशु का दगड़ी कठा कना का कारण स्वर्ग मा पिता परमेश्वर की अनन्त महिमा मा सहभागी हूंणु कु हम तैं चुणि। तुम्हरा थोड़ा बगत कु दुःख सौणा का बाद, पिता परमेश्वर तुम तैं अच्छो बणै दयालो कि तुम मा फिर कुई भंगार नि रौ अर उ तुम्हरा दिलों तैं मजबूत करलो अर वे पर तुम्हरा विश्वास तैं हकीकत मा मजबूत बणै दयालो।

1 यूहन्ना 3:3

अर जु कुई मसीह पर यु आस रखदो, उ अपड़ा आप तैं उन ही पवित्र करदो, जन उ पवित्र च।

दिब्य दरस 3:7

फिलदिलफिया शहर की मण्डलि का दूत तैं लिख; मि ही उ छो जु पवित्र अर सचै छो, जै मा उ चाबी च जु राजा दाऊद की च। जब मि वीं चाबी तैं लींदु छो अर एक द्वार तैं खुलद त कुई भि वे तैं बंद नि कैर सकद, अर जब मि चाबी लींदु अर एक द्वार बंद कैरी दींदु त कुई भि वे तैं खोल नि सकद, जैका खुल्यां तैं कुई बन्द नि कैर सकद अर बन्द करयां तैं कुई खोल नि सकद, उ यु बुल्द,

दिब्य दरस 4:8

अर चरी ज्यून्दा प्राणियों का छः-छः फांकुड छा, ऊं पर सभि जगह आँखा छा, इख तक कि ऊंका फंकुड़ों का मूड़ी भि; अर उ रात-दिन बगैर आराम करयां बुल्णा रौंदा छा, “पवित्र, पवित्र, पवित्र प्रभु परमेश्वर, सर्वशक्तिमान, उ व ही पिता परमेश्वर च जु बगत की शुरुआत बट्टी लेकर अब तक अर कभी नि बदलद जु आंण वलो च।”

दिब्य दरस 6:10

अर ऊंल बड़ा शब्द से पुकार के पिता परमेश्वर से बोलि, “हे पवित्र अर सच्चा प्रभु; तू धरती पर रौंण वला ऊं बुरा लुखुं तैं दण्ड दींण मा इथग लंबो जग्वाल किलै कनी छै? हम बिनती करदा कि तू ऊं लुखुं का बरतौ कु बदला लीली जौनु हमारो ल्वे बुगै अर मार डाली।”