1 यूहन्ना 4:10 - गढवली नयो नियम

¹⁰ सचै यां मा नि च, कि हम ल पिता परमेश्वर बट्टी प्रेम कैरी, पर यांमा च कि पिता परमेश्वर ल हम बट्टी प्रेम कैरी, अर हमारा पापों का प्रायश्चित बलिदान का कारण अपड़ा नौंना तैं भेजि।

Garhwali

¹⁰ अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 यूहन्ना 4:10 Iomraidhean Croise

यूहन्ना 13:34

मि तुम तैं एक नई आज्ञा दींणु छौं कि तुम एक दुसरा बट्टी प्रेम रखा जन मि तुम बट्टी प्रेम रखदु छों उन ही तुम भि एक दुसरा बट्टी प्रेम रखा।

यूहन्ना 15:16

तुम ल मि तैं नि चुणि पर मिल तुम तैं चुणि अर तुम तैं ठैरयूँ कि तुम जै की फल लावा; अर तुमारो फल बणयुं रालो की किलैकि तुम मेरा चेला छा, इलै की तुम मेरा नौं बट्टी जु कुछ पिता परमेश्वर बट्टी मंगिल्या, उ तुम तैं दयालो।

यूहन्ना 3:16

किलैकि परमेश्वर ल दुनिया का लुखुं बट्टी इन प्रेम रखि कि वेल अपड़ो एकलौतो नौंनो दे दींनि इलै की जु कुई मि पर विश्वास कैरो उ नष्ट नि हो पर अनन्त जीवन पौ।

यूहन्ना 6:51

जीवन कि रुट्टि ज्वा स्वर्ग बट्टी उतरी मि छौं। जु कुई ईं रुट्टि मा बट्टी खौ त हमेशा ज्यूँदो रालो अर ज्वा रुट्टि मि दुनिया का जीवन कु दयुलु उ मेरी देह च।

इब्रानी 2:17

इलै ही वे तैं हर ढंग से अपड़ा विश्वासी भयों का जन बनण पोड़ी; इन कै ही प्रभु यीशु पिता परमेश्वर कु उच्च महायाजक बंणि जु कि मयलदु अर विश्वासयोग्य च; अर इलै कि वे बलि का द्वारा जु पिता परमेश्वर कु लांद, कि लुखुं तैं ऊंका पापों बट्टी माफी मिल साको।

1 पतरस 2:24

जब मसीह मोरि, त हमारा पापों का कारण सूली पर वेकी देह तैं दण्ड़ित कैरी। वेल इन इलै कैरी की हम पाप कन बंद कैरा अर धार्मिकता ल जीवन जींण शुरू कैरी द्या, अर ऊं घावों का कारण जु मसीह ल सैनी, हम खूब हवे ग्यां

1 पतरस 3:18

मि यु बुल्दो किलैकि मसीह ल भि हमारा पापों का कारण दुःख सै अर मोरि गै। उ भस एक बार मोरि अर दुबरा वे तैं मुरणै की जरूरत नि च। उ एक धर्मी आदिम छो जु पापी लुखुं कु मोरि की उ हम तैं पिता परमेश्वर मा लै साको। ऊंल वेकी देह तैं मारि दींनि पर वे तैं पवित्र आत्मा की सामर्थ बट्टी दुबरा ज्यूँदो किये गै।

1 यूहन्ना 2:2

अर भस हमारा ही न बल्कि सैरी दुनिया का पापों तैं दूर कनु कु, मसीह एक प्रायश्चित बलिदान बण गै।

1 यूहन्ना 3:1

सोचा त सै कि, पिता परमेश्वर ल हम बट्टी भौत प्रेम कैरी, कि हम पिता परमेश्वर की संतान कहलौंदियां, हकीकत मा हम वेकी सन्तान छैं भि छा। ईं दुनिया का लोग यु नि जणदींनि कि हम पिता परमेश्वर की संतान छा, किलैकि दुनिया का लोग पिता परमेश्वर तैं नि जणदींनि।

1 यूहन्ना 4:19

पिता परमेश्वर ल हम बट्टी प्रेम कैरी इलै हम पिता परमेश्वर अर एक दूसरों बट्टी प्रेम करद्यां।

1 यूहन्ना 5:11

अर व गव्है या च, कि पिता परमेश्वर ल हम तैं अनन्त जीवन दियुं च अर उ पिता परमेश्वर का नौंना यीशु मसीह का द्वारा च।