1 यूहन्ना 3:12 - गढवली नयो नियम

¹² अर आदम की संतान कैन की तरौं नि बणा, जु वे दुष्ट शैतान बट्टी छो, अर जैल अपड़ा भैय की हत्या कैरी। अर वेल कै कारण से अपड़ा भैय की हत्या कैरी? किलैकि वेका काम बुरा छा, अर वेका भैय का काम धार्मिक छा।

Garhwali

¹² हमतै कैन का जन नि बणण चयेणु, जैन अपणा सगा भै तैं जान से मार दिनी। अरे, वु त शैतान की औलाद छौ, अर वेन अपणा सगा भै तैं जान से इलै मारी, किलैकि वेका भै न पिता परमेस्वर की नजर मा भलै का काम कैरी छा मगर कैन न बुरै का काम कैरी छा।

1 यूहन्ना 3:12 Iomraidhean Croise

मत्ती 13:19

जु कुई परमेश्वर को वचन सूंणि के नि संमझुदो वेका मन मा जु कुछ बुतै गै छो वे तैं उ दुष्ट शैतान ऐ के लूछि के लिजांदु यु उ ही च जु बट्टा किनारा बुतै गै छो।

मत्ती 13:38

पुगड़ा यु दुनिया का लोग छिनी अर अच्छो बीज राज्य का लोग अर जंगली बीज दुष्ट शैतान कि सन्तान च।

मत्ती 23:35

ज्यां बट्टी धर्मी हाबिल से ले के बिरिक्याह का नौंना जकर्याह तक जै तैं तुम ल परमेश्वर बट्टी यरूशलेम शहर का मन्दिर अर वेदी का बीच मा ल्वे बुगै के मारि डालेल छो सभि धर्मी लुखुं की हत्या धरती मा कैरी उ सब तुम तैं भंगारी ठैरे जाला।

मत्ती 27:23

हाकीमा ल बोलि, “किलै येल क्य बुरै कैरी पर भीड़ और जोर से चिल्लै यु तैं सूली पर चड़ैये जौं।”

मत्ती 5:37

पर तुम्हरी बात हाँ कि हाँ या न कि न हो, किलैकि जु यां बट्टी जादा हूंद उ दुष्ट शैतान का तरपां बट्टी हूंद।

लूका 11:51

हाबिल कि हत्या का ल्वे से ले के जकर्याह परमेश्वर का तरपां बट्टी बुल्ण वला कि हत्या तक जु बेदि अर यरूशलेम शहर का मन्दिर का बीच मा घात किये गैनी मि तुम मा सच बुल्णु छौं ऊंकु लेखा ये ही बगत का लुखुं बट्टी लिये जालो।

यूहन्ना 10:32

ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?

यूहन्ना 8:40

पर अब तुम मि तैं मरण चांदा छा किलैकि मिल तुम तैं उ सच बतायूं च जु मिल परमेश्वर बट्टी सूंणि इन त अब्राहम ल नि कैरी छो।

यूहन्ना 8:41

तुम अपड़ा बुबा जन काम करदां ऊंल यीशु मा बोलि, हम व्यभिचार बट्टी नि छा हमारो भस एक ही बुबा च अर उ परमेश्वर च।

खास चेलों 7:52

परमेश्वर का तरपां बट्टी बुल्ण वलो मा बट्टी तुम्हरा बाप-दादाओं ल कै तैं नि सतै? अर ऊंल धर्मी आदिम का आंणा का पैली बट्टी सन्देश दींणवलों तैं मार डाली जौनु पैली बट्टी वेका आंणा का बारा मा बतै छो, अर जब उ ऐ, त तुम ल वे तैं धोखा द्ये अर वेकी हत्या कैरी।

1 थिस्सलुनीकी 2:14

हे विश्वासी भयों, इलै कि तुम, पिता परमेश्वर कि ऊं मण्डलियों कु सताव सै जु यहूदिया प्रान्त मा मसीह यीशु मा छिन किलैकि तुम ल अपड़ा लुखुं बट्टी उन ही दुःख पै जन ऊंल यहूदियों बट्टी पै छो

इब्रानी 11:4

विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।

इब्रानी 12:24

तुम यीशु मा अयां जु पिता परमेश्वर अर लुखुं तैं जुड़ण वली नई प्रतिज्ञा, अर छिड़कौ का वे ल्वे मा, जु हाबिल का ल्वे जन न्याय कु रूण का बजाय माफी की बात करद।

1 पतरस 4:4

यु ही कारण तुम्हरा पुरणा दगड़िया भौचक हवे जनदींनि जब तुम ऊं दगड़ी ऊं बुरी चीजों मा शामिल नि हूंदियां जु उ करदींनि। इलै उ तुम्हरी बदनामी करदींनि।

1 यूहन्ना 3:8

जु कुई सदनी पाप करदो, उ शैतान कि तरपां बट्टी च, किलैकि शैतान पैली ही बट्टी पाप करदी ऐ। पिता परमेश्वर को नौंनो इलै ऐ, कि शैतान का कामों तैं नष्ट कैरी द्यो।

यहूदा 1:11

ऊं पर हाय! कि उ कैन का जन दुष्टता बट्टी अपड़ा जीवन तैं चलौंदींनि, जैल अपड़ा भैय की हत्या कैरी किलैकि उ वे बट्टी जलदो छो, किलैकि पिता परमेश्वर ल वेका भैय का बलिदान तैं स्वीकार कैरी छो पर वेका बलिदान तैं न। उ बिलाम का जन च, जैल पिता परमेश्वर का लुखुं तैं पाप कनु कु उकसांणै की कोशिश कैरी, कि उ धन तैं पै सैका जै की पेशकश वे तैं किये गै छै। उ कुयड़ा जन नाश हवे जाला, जैल वे अधिकार का विरुद्ध मा विद्रोह कैरी जु पिता परमेश्वर ल मूसा तैं द्ये छो।

दिब्य दरस 17:6

अर मिल देखि कि व जनन पिता परमेश्वर का पवित्र लुखुं का ल्वे का नशा मा छो, मतलब कि ऊं लुखुं जौं तैं लुखुं ल मारेली छो किलैकि उ यीशु का प्रति विश्वासयोग्य छा। मि भौत भौचक हवे ग्यों।