1 यूहन्ना 2:16 - गढवली नयो नियम

¹⁶ किलैकि जु कुछ भि दुनिया मा च, मतलब देह की वासना, अर आंखों की अभिलाषा, अर रुप्यों कु घमण्ड, उ पिता परमेश्वर की तरपां बट्टी नि च, पर दुनिया की ही तरपां बट्टी च।

Garhwali

¹⁶ किलैकि दुनियां की तरफा बटि सरील कि बुरी इच्छा, आंख्यों की बुरी इच्छा, अपणा जीवन पर बड़ु मोन करण वळी बात ही औन्दिन, अर यू सब बात ईं दुनियां मा छिन। अरे, इन्दरि बात पिता परमेस्वर की तरफा बटि नि ऐ सकदिन, बल्किन मा यू त दुनियां तरफा बटि औन्दिन।

1 यूहन्ना 2:16 Iomraidhean Croise

मत्ती 4:8

फिर शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै के

मत्ती 5:28

पर मि तुम मा यु बुल्णु छौं कि जु कुई कीं जनन पर कुदृष्टि डालो उ अपड़ा मन मा वीं दगड़ी व्यभिचार करि चुकि गै।

लूका 4:5

तब शैतान वे तैं एक भौत ऊंचा पौड़ पर ली गै अर सैरा जगत का राज्य अर ऊंको धन दौलत तैं दिखै।

रोमियों 13:14

पर प्रभु यीशु मसीह तुम्हरो कवच बंणि जौं, जैका द्वारा तुम्हरी रक्षा हवे साको, अर पापी स्वभाव की इच्छाओं तैं पूरी कने की कोशिश नि कैरा।

1 कुरिन्थि 10:6

भौत पैली हमारा पुरणो का दगड़ी किये गै यु बात हम कु चेतावनी छै कि जु हम ऊं दगड़ी बुरै कने की इच्छा रखदां त क्य होलो।

गलातियों 5:17

किलैकि पापमय शारीरिक लालसा पवित्र आत्मा का खिलाफ म च, अर आत्मा देह का विरोध मा लालसा करद, अर यु एक हैंका का खिलाफ छिन; इलै कि जु तुम कन चांणा छा उन ही कैरी साका।

गलातियों 5:24

उ लोग जु उद्धारकर्ता यीशु मसीह पर विश्वास करदींनि, ऊंल अपड़ा जीवन का पापों तैं अर बुरी अभिलाषाओं तैं सूली पर चढ़ै यले।

इफिसुस 2:3

इलै हम भि ऊंका जन बरतौ करदा, अर अपड़ा पापी स्वभाव कि इच्छा तैं पूरी करदा छा, अर देह कि लालसाओं तैं पूरी करदा, अर लुखुं का जन, हम भि स्वभाविक रूप बट्टी बुरा छा अर परमेश्वर का गुस्सा का अधीन छा।

तीतुस 2:12

अर ई दया बट्टी पिता परमेश्वर हम तैं सिखांद कि, हम तैं बुरो बरतौ कन बंद कन चयणु च, ज्यां बट्टी पिता परमेश्वर की इज्जत नि हूंदी, अर दुनिया की मोह-माया तैं छोड़ी द्या, अर वे ढंग से बरतौ कैरा की जु पिता परमेश्वर तैं खुश करद।

तीतुस 3:3

किलैकि हम भि पैली बगत मा न समझ अर पिता परमेश्वर की आज्ञा नि मणन वला, अर भरम मा पोड़्य्यां छा, अर बनि-बनि किस्मै कि अभिलाषाओं मा अर सुख विलास कि गुलामी मा छा, अर हम घृणित लोग छा; हर कुई हम बट्टी घीणांदु छो अर हम एक दूसरों बट्टी बैर रखदा छा।

याकूब 3:15

यु ज्ञान उन ही, जु पिता परमेश्वर बट्टी मिल्दा पर सांसारिक, अर शारीरिक, अर शैतान का तरपां बट्टी च।

याकूब 4:16

जु तुम अपड़ी बणईं योजना पर घमण्ड करद्यां, इन्दरो सैरो घमंड बुरो हूंद।

1 पतरस 1:14

पिता परमेश्वर की आज्ञाओं तैं मांणा जन अच्छा बच्चा अपड़ा बुबा की आज्ञाओं तैं मणदींनि। ऊं बुरा कामों तैं नि कैरा जौं तैं तुम तब कने की इच्छा रखदा, जब तुम पिता परमेश्वर की सचै तैं नि जंणदा।

1 पतरस 2:11

हे प्रियों मि तुम बट्टी बिनती कनु छो कि तुम ई दुनिया मा परदेसियों अर यात्रियों का जन रौंणा छा। मि तुम बट्टी बिनती कनु छो कि ऊं सैरी पापमय शारीरिक इच्छाओं बट्टी बचा किलैकि उ तुम्हरा अपड़ा आत्मा का विरुद्ध हमेशा लड़दी रौंद।

2 पतरस 2:10

पिता परमेश्वर सैरा दुष्ट लुखुं तैं दण्ड दयालो जु अपड़ी बुरी, कामुक इच्छाओं का अनुसार काम करदींनि अर जु अपड़ा मथि पिता परमेश्वर का अधिकार तैं अस्वीकार करदींनि। उ ढीट अर घमण्डी छिनी उ महिमामय स्वर्गीय प्राणियों का बारा मा अपमान कैरी के बुरो बुल्ण से नि डरदींनि।

2 पतरस 2:18

जब उ लुखुं तैं शिक्षा दींदिनि, त उ बेकार अर घमण्ड से भुरयां शब्दों को इस्तेमाल करदींनि। उ लुखुं तैं बतौंदींनि कि उ ऊं शर्मनाक कामों तैं कैरी सकदींनि जु ऊंकी देह कन चांदी अर उ ऊं लुखुं तैं दुबरा पाप कनु कु भरमै दींदिनि जु अभि-अभि इन दुष्टता का जीवन बट्टी बची के निकलयां छिनी।