1 यूहन्ना 1:8 - गढवली नयो नियम

⁸ जु हम बुल्दियां, कि हम ल कुछ भि पाप नि कैरी, त हम अपड़ा आप तैं धोखा दींदयां, अर हम वे पर विश्वास नि करद्यां कि पिता परमेश्वर जु बुल्दो उ सच च।

Garhwali

⁸ अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।

1 यूहन्ना 1:8 Iomraidhean Croise

यूहन्ना 8:44

तुम अपड़ा बुबा शैतान बट्टी छा अर अपड़ा बुबा कि मनसा तैं पूरी कन चांदा छा उ त पैली बट्टी हत्यारो च अर उ सत्य पर टिक्यूँ नि रै सकद किलैकि वे मा सत्य ही नि च जब उ झूठ बुल्द त अपड़ा स्वभाव या बरतौ का अनुसार ही से बुल्द किलैकि उ झूठ को बुबा च।

रोमियों 3:10

जन परमेश्वर का वचन मा लिख्युं च; परमेश्वर कि नजरों मा कुई भि धर्मी नि च, एक भि न।

रोमियों 3:23

इलै की सभियूं ल पाप कैरी अर वे बड़ै तक नि पौंछि सकिनि जु पिता परमेश्वर दींद,

1 कुरिन्थि 3:18

जु तुम मा बट्टी कुई इन सोच कि तुम दुनिया का लुखुं मा भौत ज्ञानी छा, त तुम तैं ईं दुनिया का लुखुं मा मूर्ख बंणि जांण चयणु च, कि तुम पिता परमेश्वर की नजर मा अपड़ा आप तैं ज्ञानी बणै सका।

गलातियों 6:3

जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।

1 तीमुथियुस 6:5

अर ऊं लुखुं कु दिमाग शक की दुष्टता ल भुर्युं च, अर उ लगातार दूसरों दगड़ी झगड़ा करदींनि, अर उन ही जणदींनि की सचै क्य च अर जु इन समझदींनि उ सुचदींनि कि पिता परमेश्वर की सेवा कन अमीर बनणौ को एक ढंग च।

2 तीमुथियुस 3:13

पर दुष्ट लोग अर धोखाबाज लोग और भि जादा दुष्ट काम करला, उ लुखुं तैं धोखा दयाला अर उ अफ भि दूसरों बट्टी धोखा खाला।

याकूब 1:22

पिता परमेश्वर कु वचन को पालन कन वला बणा, न कि सुनण वला ही, जु अपड़ा आप तैं धोखा दींदीनी।

याकूब 1:26

जु कुई अपड़ा आप तैं पिता परमेश्वर कु भक्त समझदु, पर बुरी बातों तैं बुल्ण मा अपड़ी जीभ पर काबू नि रखो, त उ अपड़ा आप तैं धोखा दींद, अर वेकी भक्ति बेकार ही च।

याकूब 3:2

हम भौत बार गलती करद्यां। पर जु कुई बुल्ण मा गलती नि करदो, ऊई त सिद्ध मनिख च; अर उ अपड़ा आप तैं पूरा ढंग ल वश मा कैरी सकदो।

2 पतरस 2:13

ऊंको विनाश वे नुकसान को प्रतिफल च जु ऊंल कैरी। उ दिन दोपहरा बुरा सुख-विलास मा पुड़यां रौंण पसंद करदींनि। उ तुम्हरा बीच मा एक कलंक अर दाग च। उ धोखा दींण मा खुशी मणौंदींनि, जबकि उ तुम्हरा प्रीति भोज मा तुम दगड़ी ही खंदींनि-पिदींनि।

1 यूहन्ना 1:10

जु हम बुलद्यां कि हम ल पाप नि कैरी, त हम झूठा छा, अर हम ल वेका वचन तैं जरा भि नि मांणी।

1 यूहन्ना 1:6

जु हम बुलला, कि पिता परमेश्वर का दगड़ा हमारी दगड़ी च, पर बुरै करद्यां, त हम झूठ बुल्दियां अर सचै का अनुसार नि ज्यूंदा।

1 यूहन्ना 2:4

जु कुई यु बुल्दो, “मि पिता परमेश्वर तैं जांणि ग्यूं” पर वेकी आज्ञाओं तैं नि मणदो, त उ झूठो च; किलैकि उ पिता परमेश्वर का सचै का अनुसार नि ज्यून्दो।

1 यूहन्ना 4:20

जु कुई बोलु, मि पिता परमेश्वर बट्टी प्रेम करदु छो, पर अपड़ा विश्वासी भैय बट्टी बैर रखो; त उ झूठो च; किलैकि जब उ अपड़ा ही विश्वासी भैय बट्टी, जै तैं वेल दिखयूं च, प्रेम नि करदो, त उ पिता परमेश्वर बट्टी जै तैं वेल नि देखि प्रेम नि कैरी सकद।

2 यूहन्ना 1:2

हम तुम बट्टी वीं सचै का कारण प्रेम करदां जु हमारा भितर रौन्दु अर सदनी हम दगड़ी रालो।

3 यूहन्ना 1:3

किलैकि जब विश्वासी भयों ल ऐ के, मि तैं बतै की कनके तु विश्वासयोग्यता का दगड़ी सचै बट्टी जींणी छै, ज्यां पर तु सच मा चल्दी छै, त मि भौत ही खुश हुयुं।