1 यूहन्ना 1:1 - गढवली नयो नियम

¹ हम एक इन मनिख का बारा मा लिखणा छा, जु जीवन को वचन च, उ पैली बट्टी छो, जै तैं हम ल सूंणि, अर जै तैं अपड़ा आँखों ल देखि, बल्कि जै तैं हम ल ध्यान से देखि अर हथों ल भि छवे।

Garhwali

¹ हे मेरा भै-बैंणो, हम ईं चिठ्‍ठी मा तुम खुणि वे जीवन का वचन का बारा मा लिखणा छां, जु कि दुनियां की शुरुवात बटि छौ। अर हमुन वेतैं देखि, बल्किन मा बड़ा ध्यान से देखि अर वेकी बातों तैं सुणी, अर अपणा हाथोंळ हमुन वेतैं छ्वी भि च। अर हम तुमतै वे वचन का बारा मा बतौणा छां जु कि जीवन देण वळु च।

1 यूहन्ना 1:1 Iomraidhean Croise

लूका 1:2

ऊंल ठिक उ ही लिखी जु हम तैं ऊं लुखुं बट्टी बतै गै छो जौं ल ऊं तैं प्रत्यक्ष रूप मा यीशु की सेवकाई की शुरुआत से देखि छो अर जु बाद मा परमेश्वर का वचन कु सेवक बंणि गै।

लूका 24:39

मेरा हथ अर मेरा खुटा देखा कि मि उ ही छौं। मि तैं छू कै देखा किलैकि दुष्टात्मा कु हड़का अर मांस नि हूंद जन तुम मि मा दिखणा छा।

यूहन्ना 19:35

जै आदिम ल यु सब देखि, वेल गव्है दींनि, कि तुम भि यीशु पर विश्वास कैर सका अर वेकी गव्है सच हो। अर उ जंणदु च कि उ सचै बट्टी बुल्दो की तुम विश्वास कैरा।

यूहन्ना 20:27

तब वेल थोमा कु बोलि, “अपड़ी अंगुली इख लौ अर मेरा हथों तैं देख अर अपड़ो हथ बढ़ै के मेरी पंणकोखि पर डाल अर सन्देह कन बंद कैर, पर विश्वास कैर की मि मुर्दों मा बट्टी ज्यूँदो हवे ग्यों।”

यूहन्ना 5:26

किलैकि जैं रीति बट्टी पिता परमेश्वर अफ मा जीवन रखदु च वीं रीति बट्टी वेल मि तैं भि यु अधिकार दियुं च कि अपड़ा आप मा जीवन रखु

यूहन्ना 8:58

यीशु ल ऊंमा बोलि, मि तुम मा सच-सच बुल्ण छौं कि मि अब्राहम का पैदा हूंण से पैली बट्टी छौं।

खास चेलों 1:3

यीशु का दुख उठौंणा अर मौत का बाद भौत सैरा पक्का सबूतों का द्वारा अफ तैं ज्यूँदो दिखै अर चालिस दिनों तक उ प्रेरितों तैं दिखेंणु रैं अर परमेश्वर का राज्य कि बात कनु रैं।

खास चेलों 4:20

किलैकि यु त हम बट्टी हवेनि सकदु कि जु हम ल देखि च अर जु सूंणि उन ही बुलयां।”

इब्रानी 2:3

इलै पक्का हम तैं भि दण्ड मिललो जु हम यु महान उद्धार कु विरोध करुला त, सबसे पैली प्रभु ल अफी यु उद्धार का बारा मा बतै, अर यु हम कु पिता परमेश्वर का द्वारा सच साबित हवे, जैल भि पिता परमेश्वर तैं सूंणि ऊंल हम तैं बतै कि यु सच च।

1 यूहन्ना 4:14

अर हम ल यीशु मसीह तैं देखि अर वेकी गव्है दींणा छा कि पिता परमेश्वर ल अपड़ो नौंना यीशु मसीह तैं दुनिया का लुखुं कु उद्धारकर्ता हूंणु कु भेजि।

1 यूहन्ना 5:7

गव्है य च कि यीशु मसीह हमारा पापों कु बलिदान हवे, यु तीन चीज यांकि गव्है दींदिनि।

दिब्य दरस 1:11

वेल मि बट्टी बोलि, “जु कुछ तू दिखणी छै, वे तैं एक किताब (चाम्रपत्र) मा लिख दे जा यु ऊं सात मण्डलियों तैं भेज जु यु शहरों मा छिनी, मतलब कि इफिसुस, स्मुरना, पिरगमुन, थुआतीरा, सरदीस, फिलदिलफिया अर लौदीकिया शहर तैं।”

दिब्य दरस 1:8

पिता परमेश्वर बुल्द, “मि अल्फा अर ओमेगा छो, मतलब कि, आदि अर अंत मि ही छो, जु हमेशा बट्टी छो, अर उ व ही पिता परमेश्वर च जु बगत की शुरुआत बट्टी लेकर अब तक अर कभी भि नि बदलद, मि सर्वशक्तिमान प्रभु परमेश्वर छो।”

दिब्य दरस 19:13

उ ल्वे मा डुबयां चोला पैरयूं छो, अर वेको नौं “पिता परमेश्वर कु वचन” च।

दिब्य दरस 2:8

स्मुरना शहर की मण्डलि का दूत तैं यु संदेश लिख; जु पैलो अर आखिर च; मि एक बार मोरि गै छो पर अब मि ज्यूँदो छो अर हमेशा ज्यूँदो रौलु, मि त्वे बट्टी यु बुल्णु छो