ኤፌሶኔ ኣሳስ 4:1 - Gamo Geesha Maxxafa New Testamen

¹ Hessa gish Goda sunthan qachetida tani inte xeygetida xeysas besiza dusu dana mala intena wosays.

Geeshsha Maxaafa

¹ Hessa gishshas Godaa sunththan qashettida tani intte xeygettida xeyssaas bessiza duus daana mala inttena woossays.

ጋሞ ማጻፋ

¹ ሄሳ ጊሻስ ጎዳ ሱንን ቃሼቲዳ ታኒ ኢንቴ ጼይጌቲዳ ጼይሳስ ቤሲዛ ዱስ ዳና ማላ ኢንቴና ዎሳይስ።

ኤፌሶኔ ኣሳስ 4:1 Iomraidhean Croise

ሃዋሬታ ኦሶ 9:31

Hessa wode Yudanine Galilan, Sammariyankka diza ammanizaytti saron deyiddi kasepe minnida. Qasseka Xoossa yashshatethan simeretishshe Xiillo Ayanan minetidane kasepe qoodan dari dari biida.

ኦሮሜ ኣሳስ 11:29

Xoossi dooridappene ba kiyateth immmidape guye ba oothida miishan simmidi handattena.

ኦሮሜ ኣሳስ 12:1

Hesa gishshi ta ishato inte asatetha geeshine Xoossu ufaysiza paxa yarsho oothidi inte shiishshana mala ta intena Xoossa qadhetan woossays. Hesikka wozinamma asa mala inte Xoossas oothiza oothokko.

1ቆሮንቶሴ ኣሳስ 4:16

Hessa gishshi inte tana milatana mala ta intena woossays.

2ቆሮንቶሴ ኣሳስ 10:1

Ta Phawulosay intenara dishin izi ashikeko geetistadis shin ta intefe haakishin qass inte bolla xalidade geetetida ta Phawulosay Kiristoosa ashiketethanine iza lo7etethan intena woossayss.

2ቆሮንቶሴ ኣሳስ 5:20

Xoossi nu baggara asi xeygiza gishshi nuni qasse Kiristoosa ogathatakko. Hessa gishshi “Inte Xoossara iginttite!” giidi nu intena Kiristoosa sunthan woossos.

2ቆሮንቶሴ ኣሳስ 6:1

Nuni Xoossara oothizayta gidida mala inte ekkida Xoossa kiyatetha coo mela ashshopite gishe nu intena woossos.

ጋላቲያ ኣሳስ 4:12

Ta ishato ta intena milatidamala inteka tana milatanamala ta intena wasays. Inte tana aykoka qohibeykista.

ኤፌሶኔ ኣሳስ 2:10

Hesika Xoossi kasse koyro nus gigisi wothida loo7o ootho nuni oothanamala Yesuss Kiristossa bagara nuni nam7antho medhetidaytane Xoossi medhetethatakko.

ኤፌሶኔ ኣሳስ 3:1

Hesa gedon ta Phawulossay intes amanontayta gish Yesuss Kiristossay qachidade gidadis.

ኤፌሶኔ ኣሳስ 4:17

Hanko amanonta asamala coo mela qohaaththaan mela siimeristanas intes besena gada ta intena zorays.

ኤፌሶኔ ኣሳስ 4:4

Inte xeygetida galas isi ufaysako xeygetidaysa mala isi asatethine isi ayanay dees.

ኤፌሶኔ ኣሳስ 5:2

Kirstossay nuna siqidaysa mala qasseka nu gish bena sawiiza yarsho mala Xoossas aathii imida mala inteka siiqon simiiretite.

ፒሊጲሲዮሴ ኣሳስ 1:27

Kiristoosa mishiracho qaalas bessiza mala diite. Hessatho hanika ta intena hee baada be7idako woykko hahon daada inte gishshi ta siyizako inte mishiracho qaala ammanos issino oletishe issi ayanan inte minni eqnayssa ta erayss.

ፒሊጲሲዮሴ ኣሳስ 3:14

Xoossi tana Yesus kiristoosa baggara pude xeygida gishshi woyto gaka ekkanas elelayss.

ቆላሲያሴ ኣሳስ 1:10

Hessaththoka Godas bessiza duusu daana mala inte iza poli ufayssana mala lo7o ootho wurson ayfe immana malanne Xoossu eron dicci dicci baana mala nu intes woossos.

ቆላሲያሴ ኣሳስ 2:6

Hessa gishshi inte Goda Yesus kiristoosa ammanida mala izan deyite.

ቆላሲያሴ ኣሳስ 4:12

Inte baggafe gidida Yesus kiristoosa oothanchay Ephafiray intena saro gees. Izika intena ayana duusan lo7eth minnidine mulera wopu giidi Xoossa shenen minni eqqana mala wurso wode inte gishshi woossan baaxetes.

1ታሶሎንቄ ኣሳስ 2:12

Inte intena ba kawootethassine ba bonchos xeyigida Xoossas bessiza mala inte daana mala nu intena minisidos, loo7ethi zoridosinne hadara gidos.

2ታሶሎንቄ ኣሳስ 1:11

Nu hessa qooppishe nu Xoossi intena ba xeeyissas gidizayita histti qoodana mala inte loo7o oothanas amotiza amozane ammanoni inte oothida oothoza wurssi izi intes ba wolliqqan polana mala nu intes wursso wode woosos.

2ጺምቶሳስ 1:9

Nu aykkoka oothida gish gidontta dishin ba qofa malane ba kiyatetha mala nuna ashshidayine nuna bees duummathidi izi xeeyigides. He iza kiyatethay medhdhina wodepe kase Yesuss Kiristtoossa baggara nuus immettides.

Titosas 2:10

Hanizazan wurison nuna ashida Xoossa timirtey dosistanamala isti loo7o markateth besanamala ba godata mishe kaysotopeto.

Ibirawe 13:21

Inte iza shene polana mala lo7etethan intena gixiso. Xoossa ufayssizayssa Yesus kiristoosa baggara nunan ootho. Izas medhinape medhinas bonchoy gido. Amin7i.

Ibirawe 3:1

Hessa gishshi salope xeyisi intena gakin ammaniza nu ishato nu ammanos hawarene qessista halaqa Yesusa qopite.

1ጴጽሮሳ ኪታ 2:11

Ta siiqoto! inte hayssa alameza bolla imathene bete asi gidida gishshi shempora olettiza asho amotethatape haakana mala ta intena hadara gayss.

1ጴጽሮሳ ኪታ 3:9

Anjjite attin isttas iitta cashes, cashshe zaaropite. Inte xeeygetiday hessaththo oothid anjjo laatanaskko.

1ጴጽሮሳ ኪታ 5:10

Inte guutha wodes waayetidayssafe guye intena Kiristosa baggara gede medhina bonchos xeeygida kiyatethi wursos Goday izi berka intena gakkida waayezape ashshana, maadanane minthethana qasseka dazigisana.

2ጴጽሮሳ ኪታ 1:3

Be bonchonine ba kiyatethan nuna xeyigidayssa nuni iza erida gishshi iza xoossatetha wolqay deyossine xoossu goynanas nuus koshizazi wursika immides.

2ዮሃኒሳ ኪታ 1:5

Ha7ikka Godateye, kassepeka dizaro attiin ta nes hara ooratha azazo xafikke; hesiikka nu nu garsan siqistanaysakko.