2ጴጽሮሳ ኪታ 1:3 - Gamo Geesha Maxxafa New Testamen

³ Be bonchonine ba kiyatethan nuna xeyigidayssa nuni iza erida gishshi iza xoossatetha wolqay deyossine xoossu goynanas nuus koshizazi wursika immides.

Geeshsha Maxaafa

³ Ba bonchchoninne ba kiyateththan nuna xeygidayssa nuni iza erida gishshas iza Xoossateththaa wolqqay de7ossinne Xoos goynnanaas nuus koshshizaaz ubbaa immides.

ጋሞ ማጻፋ

³ ባ ቦንቾኒኔ ባ ኪያቴን ኑና ጼይጊዳይሳ ኑኒ ኢዛ ኤሪዳ ጊሻስ ኢዛ ጾሳቴ ዎልቃይ ዴኦሲኔ ጾስ ጎይናናስ ኑስ ኮሺዛዝ ኡባ ኢሚዴስ።

2ጴጽሮሳ ኪታ 1:3 Iomraidhean Croise

Maatosa 28:18

Yesusaykka bena kalizaytakko shiqidi salonine bitta bollan godatethi tass immetidees. Hessa gish bidi dere wursos Aawa Na7azane Xillo Ayana suthan xamaqishe tana kalizayta oothite, ta intena azazidaysa wursi nagana mala tamarsitte takka alame wurseth gakanas ta intenara daysi gidees.

ኦሮሜ ኣሳስ 8:32

Be yellos michetontta nu gishshi oothi immiday izako. Hesitin wuriso miishsh nuusu izara kiyatetha aazas immenee?

ኦሮሜ ኣሳስ 9:24

Xeygidadey Ayhudata baggafe xalala gidontta hanko dereza baggafe gidida nunakka ashontta xeygides.

1ቆሮንቶሴ ኣሳስ 1:9

Izi ba naaza nu Goda Yesus Kiristoosa issipetethako intena xeygida Xoossi izi ammanetida Xoossukko.

2ቆሮንቶሴ ኣሳስ 12:9

Gido attin Goday qasse “Ta wolqay kumetha gidi qonccanay ne daburisan gidida gishshi ta kiyatethi nees gidana” gides. Hessa gishshi Kiristoosa wolqay ta bolla gidana mala ay wodepeka bollara tana daaburisishin he wode ufayssan ceeqistanas dosayss.

ኤፌሶኔ ኣሳስ 4:1

Hessa gish Goda sunthan qachetida tani inte xeygetida xeysas besiza dusu dana mala intena wosays.

ኤፌሶኔ ኣሳስ 4:4

Inte xeygetida galas isi ufaysako xeygetidaysa mala isi asatethine isi ayanay dees.

ፒሊጲሲዮሴ ኣሳስ 3:8

Hessafeka ta goda Yesus kiristoosa erope aadhizay haray aykoyka bayndayssa ta ammaniza gishshi wursiaka coo mela g o7ay baynda miisha mala qoodadis. Tani iza gishshi gaada wursiaka aggadis. Ta kiristoosa demmana gaada wursio miishaka wora wodhida iitta miisha mala qoodadis.

ፒሊጲሲዮሴ ኣሳስ 4:8

Wurisietha bolla ta ishato tumu gidida yoo wursi, boncho gidida yoo wursi, adda gidida yoo wursi, geeshi gidida yoo wursi, dosetida miishi wursi, lo7o gidida yoo wursi, lo7otethi gidinika galataka haytantta milatiza wursi qopite.

ቆላሲያሴ ኣሳስ 1:16

Medheteth wuri izan medhettides. Salonine sa7an dizayti, ayfen beetizaytine beetonttayti gidinkka woliqamata gidinka haarizayta gidinka woykko godatethi dizayti haniday wurikka izan izas medhetides.

1ታሶሎንቄ ኣሳስ 2:12

Inte intena ba kawootethassine ba bonchos xeyigida Xoossas bessiza mala inte daana mala nu intena minisidos, loo7ethi zoridosinne hadara gidos.

1ታሶሎንቄ ኣሳስ 4:7

Xoossi nuna geshatethas xeeyigides attin tunatethas xeyigibeyna.

2ታሶሎንቄ ኣሳስ 2:14

Nu Goda Yesuss kiristtooss boncho gishetizayta inte gidana mala nu yootida mishshirachcho qaala baggara intena xeeyigides.

1ጺምቶሳስ 4:8

Asatetha asho ogen dosiisoy guutha wodes go7es shin tumu ayana duussas bena tamarssoy gidikko hayssa ha alamezassine buro yaana duussas ufayssi diza gish wurssos go7es.

2ጺምቶሳስ 1:9

Nu aykkoka oothida gish gidontta dishin ba qofa malane ba kiyatetha mala nuna ashshidayine nuna bees duummathidi izi xeeyigides. He iza kiyatethay medhdhina wodepe kase Yesuss Kiristtoossa baggara nuus immettides.

Ibirawe 1:3

Izika Xoossa boncho po7osine Xoossa xoossatethas lo7o lemuso gididi ba wolliqama qaalan wursika shiishi oykides. Izi asa nagarape geeshidape guye salon boncho Xoossa oshachan uttides.

1ጴጽሮሳ ኪታ 1:15

Intena xeeygida Xoossi duuma gidida mala inteka inte duussan wurson duumatite.

1ጴጽሮሳ ኪታ 1:5

Inteka wursetha gallasan buro qonccana atotethas ammano geedon Xoossa wolqan naagetidista.

1ጴጽሮሳ ኪታ 2:21

Inte xeeygettidayka hessaskko. Inte iza lemuso kaallana mala Kiristoosay inte gishshi waaye ekkidi intes lemuso gidides.

1ጴጽሮሳ ኪታ 2:9

Inte qass dhumape gede daro malalsiza iza po7oko xeeygida Xoossa malalsiza oothoza awajanas dooretida yeleteth, Kawo qeeseta Xoossi intena bees histida inte dumma derekko.

1ጴጽሮሳ ኪታ 3:9

Anjjite attin isttas iitta cashes, cashshe zaaropite. Inte xeeygetiday hessaththo oothid anjjo laatanaskko.

1ጴጽሮሳ ኪታ 5:10

Inte guutha wodes waayetidayssafe guye intena Kiristosa baggara gede medhina bonchos xeeygida kiyatethi wursos Goday izi berka intena gakkida waayezape ashshana, maadanane minthethana qasseka dazigisana.

2ጴጽሮሳ ኪታ 1:10

Ta ishato! hessa gishshi inte xeeygettidayssane doorettidayssa shaakki eranas keehi ammottizayta gidite. Inte hessaththo oothiko mulekka dhuphetekista.

2ጴጽሮሳ ኪታ 1:2

Xoossane nu Goda Yesusa eron kiyatetine saroy intes gido.

2ጴጽሮሳ ኪታ 1:5

Hessa geedon hayssafe kaalliza miishati intes gujistana mala ane minnite. Ammano bolla kiyateth; kiyatetha bolla erateth;

2ጴጽሮሳ ኪታ 1:6

Eratetha bolla bena haaro; bena haaro bolla danda7an mineteth; danda7an minetetha bolla xoossu goyno;

2ጴጽሮሳ ኪታ 1:8

Hayti intes dari dizazi gidiko heytii intena inte Goda Yesus Kiristoosa eron go7ayne ayfey bayindaytta gidontta mala naagana

2ጴጽሮሳ ኪታ 2:20

Nu Godane nuna ashshida Yesus Kiristoosa eridi ha alameza tunatethafe kessi ekkidape guye qaseka guye simmidi he kase tunatethan xoonettidi geliko isttas kaseyssafe guyeyssi adhdhida iitta gidana.

2ጴጽሮሳ ኪታ 3:18

Hessape bollara nu Godane nu dhale Yesus Kiristoosa kiyatethanine iza shaaki eron pude diccite. Izas ha7ika medhinasikka bonchoy gido. Amin7i.