1 ፅሞትዮሳ 6:9 - ጌሻ ማፃፋ

⁹ ሽን ዱረተ ኮየይሳት ፓጨንነ ፅሄን ገሎሶና። ቃስ ኤንታና ዱገ ዳፍያነ ይስያ ኤያተነ ቆህያ አሞን ኩንዶሶና።

Gofa New Testament

⁹ Shin duretethi koyeyssati paaceninne xihen geloosona. Qassi enttana duge dafiyanne dhayssiya eeyatethinne qohiya amon kunddoosona.

Geeshsha Maxaafa

⁹ Shin duretethi koyeysati paaceninne xihen geloosona. Qassi entana duge dafiyanne dhaysiya eeyatethinne qohiya amon kundoosona.

Ooratha Caaquwa Goofatho

⁹ Shin duretethi koyeyssati paaceninne xihen geloosona. Qassi enttana duge dafiyanne dhayssiya eeyatethinne qohiya amon kunddoosona.

ኦራ ጫቁዋ ጎፋ

⁹ ሺን ዱሬቴ ኮዬይሳቲ ፓጬኒኔ ፂሄን ጌሎሶና። ቃሲ ኤንታና ዱጌ ዳፊያኔ ይሲያ ኤያቴኔ ቆሂያ ኣሞን ኩንዶሶና።

1 ፅሞትዮሳ 6:9 Iomraidhean Croise

1 Kawota 21:6

አካብ፥ “እዝራኤለ አደይ ናቡተይ፥ ‘ነ ዎይነ ጋድያ ታዉ ባይዛ ዎይኮ ነ ዶስኮ እያ ግሾ ታ ነዉ ሀራ ዎይነ ጋደ እማና’ ያግን፥ እ፥ ‘ታ ዎይነ ጋድያ ነዉ እምከ’ ያግን፥ ታ ሄሳ ግሾ ይሎትስ” ያግስ።

Mazmure 11:6

ጎዳይ ኢታታ ቦላ ኤፅያ ታማ ቦንቆነ ዲነ ቡክሳና፤ ይስያ ጎተን ኤንታ ሴራና።

Leemiso 15:27

ዎርዶን ዎ ደማናዉ አልያ አስ ባ ሶ አሳ ቦላ መቶ ኤሄስ፤ ሽን ዎፈ እፅያ አስ ደኦን ዳና።

Leemiso 20:21

ኮይሮራ ኤሶን ሺቅዳ ሻሎይ ዉርሰን አንጀተና።

Leemiso 21:6

ዎርዶን ዳጋይዳ ሻሎይ ፐንቶዳ ዬስ፤ ሄሳ ኮየይሳት ሀይቆ ኮዮሶና።

Leemiso 22:16

ሻሎ ሺሻናዉ ማንቁዋ ናቀይነ ዱረ አሳስ እሞታ እምያ ናምአይ ማንቃና።

Leemiso 23:4

ዱረታና ጋዳ ዳቡሮፓ፤ ነ ቆፋ ሃራናዉ ጭንጫ ግዳ።

Isayaasa 5:8

በሲ ይን፥ ህንተ ፃላላ ቢታ ቦላ ዳና ጋካናዉ፥ ኬ ኬ ቦላ፥ ጋደ ጋደ ቦላ፥ ጉጀይሳቶ ህንተና አየ!

Zakaryaasa 11:5

ኤንታ ሻመይሳት ሹኮሶና፤ ሽን ሴረቶኮና። ባይዘይሳት፥ ‘ኑኒ ዱረትዳ፤ ጎዳይ ጋላተቶ’ ያጎሶና፤ ሀር አቶሽን፥ ኤንታ ሄንንቾት ኤንታዉ ቃቶኮና” ያግስ።

Taybo 31:8

እቻሹ ምድያመ ካዎታ፥ ኤዋ፥ ረቄማ፥ ዙራ፥ ሁራነ ሬባ ጌተትያ አሳታ ዎዶሶና፤ ቃስ ብኦራ ናኣ ባላማካ ማሻን ዎዶሶና።

Maatosa 13:22

አጉን ጋን ዘረትዳይስ ቃላ ስእስ፥ ሽን ሀ አላምያ ዱሳ ህርጋይነ ዱረተ ቆፋይ ቃላ ጩልያ ግሾ አይፈ አይፎና አቴስ።

Maatosa 19:22

ሽን ሄ ናአተ ኡራይ ዳሮ ዱረ ግድያ ግሾ፥ ሄሳ ስእዳ ዎደ አዛንሸ አግድ ብስ።

Maatosa 26:15

ብድ፥ “ታኒ ህንተዉ የሱሳ አ እምኮ፥ ህንተ ታዉ አይ እማኔ?” ያግድ ኤንታ ኦይችስ። ኤንቲ ዞረትድ ሀስታሙ ብራ ሳንትመ እምዶሶና።

Maatosa 6:19

“ብል ምያ በሳን፥ ብራት ሽእያሶን፥ ካይሶይ ቦክድ ኤክያሶን፥ ሀ ሳአን፥ ህንተዉ ሻሎ ሺሾፕተ።

Marqoosa 4:19

ሽን ሀ ሳአ ደኡዋስ ህርጎይ፥ ዱረተ ዶሶይነ ሀራባ አሞተይስ እያ ዎዛናን ገልድ ቃላ ጩልያ ግሾ አይፈ አይፎና አትስ።

Luqaasa 12:21

“ሄሳ ግሾ፥ ባዉ ዱረተ ሳአን ሺሽያ አሳስ፥ ፆሳ ማታን ዱረ ግዶና አሳስ ዉርሰይ ሀ ኡራ መላ” ያግስ።

Luqaasa 21:35

ሄ ቃማይ ቢታ ኩመን ደእያ ኡባ ቦላ ጋካና።

ሃዋሬታ ኦሱዋ 8:20

ሽን ጰፅሮስ እያኮ፥ “ኔኒ ፆሳ እሞታ ሚሸን ሻማናዉ ቆፕዳ ግሾ ነ ሚሸይ ኔራ ዮ።

Efesoona 4:22

ህንተ ካሰ ደእዳ ደኦ ኦግያ አግተ። ቃስ ባ ጭምያ አሞን ይያ ህንተ ጬጋ አሳተ ድግተ።

Zaaretho 7:25

ኩሸን ኦሰትዳ ኤንታ ኤቃ ምስለታ ታማን ፁጋ። ሄ ምስለታ ቦላ ደእያ ብራ ዎይኮ ዎርቃ አሞቶፍተ፤ ነባ ኦዳ ኤኮፋ። ሄስ ጎዳስ፥ ነ ፆሳስ ቱና ግድያ ግሾ፥ እያፐ ነ ኤክኮ ነዉ ፅሄ ግዳና።

1 ፅሞትዮሳ 1:9

እስባ አኬካናዉ ኮሼስ። ህገይ ሎኦ አሳስ መትቤና። ሽን ህገይ፥ ህገ መንይሳታ፥ ዎራንታ፥ ፆሰ ያዮናይሳታ፥ ሸምፖ ዎይሳታ፥ ናጋራንቾታ፥ ጌሻተ ባይናይሳታ፥ ቱናታ፥ ሀር አቶሽን ባንታ አይዉ ዎይኮ አዋ ዎይሳታ፥

1 ፅሞትዮሳ 3:7

ቦረንነ ፃላሄ ፅሄን ገሎና መላ ሄ ኡራይ አማኖና አሳ ማታን ናሸተይሳ ግዳናዉ በሴስ።

1 ፅሞትዮሳ 6:10

ሚሸ ሲቆይ ኢታተ ኡባስ ፑልቶ። እሶት እሶት ሚሸ አሞትሸ አማኖፐ ባለትድ ዳሮ መቶን ባንታና የግዶሶና።

1 ፅሞትዮሳ 6:17

ሀ አላምያ ዱረት ጮ ይያ ሻሎን ኦቶርቶና መላነ ጬቆና መላ ኦዳ። ኑስ ኮሽያባ ፓላህስድ እምያ ኑና አንጅያ፥ ዱረ ፆሳን አማነታና መላ ኤንታ ኪታ።

2 ፅሞትዮሳ 2:26

ኤንቲ ባንታ ዎዛናኮ ስሚድ ባ ሸንያ ኦና መላ ኤንታ ኦይክዳ ፃላሄ ፅህያፐ ከስ ኤካና።

Tito 2:12

ሄ አ ኬሀተይ፥ ኑ ናጋራነ ሀ አላምያ አሙዋ አግድ፥ ሀ ዎድያን ኑና ሃርድ፥ ቱማ አያና ደኡዋንነ ፅሎተን ዳና መላ ኑና ታማርሴስ።

Iyyasu 7:11

እስራኤለ አሳይ ቆህዶሶና፤ ታ ኤንታና ኪትዳ ኪታ ናጎና እፅድ፥ ጫቁዋ መንዶሶና። ኤንቲ ድገትዳባፐ ኤክዶሶና፤ ካይሶትዶሶና፤ ዎርዶትዶሶና፤ ቃስ ሄ ሚሽያ ባንታ ሚሽያራ ዋላክዶሶና።

2 ጰፅሮሳ 2:3

ዎርዶ አስታማረት ሚሸ ያርድ ባንታዉ መ ከስዳ ሀይሰን ህንተና ቦንቃና። በንፐ ዶምድ ኤንታ ፕርዳይ ጊግድ ኡትስ፤ ኤንታ ዮይካ ኤንታና ናግድ ኡትስ።

Yihuda 1:11

ኤንታና አየ! ኤንቲ ቃየላ ኦግያን ብዶሶና። ሚሸ ኮይድ ባላማ ባላን ኩንድዶሶና። ቆረ ጌተትያ አደይ ፆሳ ቦላ ደንድዳይሳዳ ኤንቲ ፆሳ ቦላ ደንድድ ይዶሶና።