Yakob 4:11 - Nouveau Testament en Guidar

¹¹ Milmiŋgiɗwa, kədawndanən gebbet ɗii meɓɓet ɓa, ko naway dədawpel mbrayen aka məlməni, walla andak gabbani, apelik mbrayen aka ma henziŋ na Maŋgəlva, kita ataw aka ma henziŋ na Maŋgəlva. An kətawək kita aka ma henziŋ, asna ɗəf məzəsban kənan ɓa, amma nok mətaw kita akan kənani.

Bible en Guidar

¹¹ Milmiŋgiɗwa, kədawndanən gebbet ɗiy meɓɓet ɓa, ɗəf dəpel mbərayən aka məlməni, awaniɓa dənda gabbani, apelik mbərayən aka mahenziŋ na Maŋgəlva, wən ataw aka mahenziŋ na Maŋgəlva. An kətawək wən aka mahenziŋ, asna ɗəf məzəzban kənan ɓa, nok mətaw wən akan kənani.

Yakob 4:11 Iomraidhean Croise

Luka 6:37

Kədawtawaŋ kita aket ɗii meɓɓet ɓa, Maŋgəlva bo ataw na kita akokum ɓa. Kədazlbenin ɗii də kita ɓa Maŋgəlva bo azlbukum na də kita ɓa. Məviyan sit mambray net ɗiiyi Maŋgəlva bo waviyan sukum mambray nokum.

Roma 2:1

Is ɗəf mətaw kita aket ɗiiyi, akə nah na kamə ɓa, ko nawa kənan di pakə. Kita məs kədataw aket ɗii vanəŋka, aka zuk tusso kədataw kita nani, vi istatəɗɗa zev wəza məs mətaw sit kita akani.

Roma 2:13

Ɗəf arah na wəsan təstəs aba Maŋgəlva də əpprəm ma henziŋ na Maŋgəlva də sləman kaaka ɓa, say də wəsbani də əɗɗa an məs ma henziŋ anahə.

Roma 7:7

Mbar mədawnah kan di? Ma henziŋ na mbərayni sa? Tay vas ɓa! Amma va ma henziŋ dənah na kədaw sim zəga ɓana, əsim zəga azəm gəm na saha ɓa.

1Korintus 4:5

Vi vaski kəda tawən kita aka ɗəf dabəŋ ki pay məɗiyən ɓa, məga Ɗəfdaya dəde gən paysa, warban an dəɗam ara guzli pak atəki babara, də wəgil gən wəɗum məɗama na mekret ɗiiyi. Asna Maŋgəlva wagakdakan ko nawa pak va aza wəza nan agəɗə.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Efesus 4:31

Vi vaski məzar gən wənna siya, də wəda gədəva pak səmokrokum. Kədaw hayyanən zukum ɓa, kədaw ranən zukum ɓa, məgil gən ndarsak pak suwaloŋkum.

1Timote 3:11

Gil net bo dəsoŋ də maɗulet mogoni, adasoŋ məwaŋ tepelkeɗ ɓa, amma dəsoŋ gil məzutaɗən ziti, də goŋga aza zəga pakə.

2Timote 3:3

Wəŋgla taya zet ɓa, awlaŋ saha aket ɗii ɓa, net say uwaŋ tepelke, armanən zit ɓa, ɗii net wənnet tuwãhyi, wazelin wən mogoni.

Titus 2:3

Vaski bo anah sit məduwileɗi dədawaŋ va an dəslə dənɗaŋ mogoni məza məs tepelkeɗ ɓa, məza balemɗe na mbazla ɓa, dəsoŋ məsənaŋ mogoni.

Yakob 1:16

Milmiŋgiɗwa ɗəf adawrakokum ɓa.

Yakob 1:19

Milmiŋgiɗu na makrawa: Məɗum aka wənnəŋka, ko naway dəpak sləman wəpprəm wənnəŋka, amma adaw gəm zən wəpel də kakara ɓa, adaw gəm zən wəda gədəv ɓa'a.

Yakob 1:25

Amma ɗəffan məzə ɗum akani məzəsban wən məs ma henziŋ na Maŋgəlva anahə, Maŋgəlva waɗɗa zəzay aka wəza nani, vi tayəɗum akani, tayəɗum aka ma henziŋ van pay pakə, məza wəpprəmən ɗar mekeleŋ go'ləŋ ndən zəgət kiyən ɓa. Vi ma henziŋ nan mogoni sawɓa, tay də sembe nawgil gəm sədəv balam na mambraya.

Yakob 2:8

An kəsbanənək ma henziŋ na Maŋgəlva, məs məverin adəv ɗerewel na Maŋgəlva məs dənah na: Aŋglu meggeko va kəŋglu zuko, asna kəɗɗaŋgək mogoni.

Yakob 5:10

Milmiŋgiɗwa, məɗumon wənnet məs kleŋɗe məs dəpeleŋ də iya na Ɗəfdaya va azəmaŋ saha, də as pak aɓəsənka, say məɓəs səm wənna zəm saha nan tam veneti.

Yakob 5:7

Milmiŋgiɗwa, məɓəsa ha gap pay Ɗəfdaya Zezu Krestu adazani. Məsoŋ va məzənse adawɓəsən wəga buwən na mənziya də buwən na mawala, vi zəga nan dəsəɓ gən mogoni.

Yakob 5:9

Milmiŋgiɗwa, kədaɗɗaŋ wərwər aket ɗii meɓɓet ɓa, vi Maŋgəlva bo adawtaw kita akokum ɓa. Mətaw kita tay ziwe, amadamba manaka toŋgo.

1Piyer 2:1

Vi vaski məppan mambray sə makrokum pakə, məppan uwa tepelke, də prufprufu, kədaɗɗaŋ kotorok ɓa, kədaraŋ ɗəf ɓa.