Yakob 4:1 - Nouveau Testament en Guidar

¹ Səŋgay wəzlba də wəgay ade awalaŋkum di? Səza wəsim zəga nokum məs dədawgay amakrokum məza aw ɓəta ɓa ade.

Bible en Guidar

¹ Səŋgay wəzlba də wəgay ade awalaŋkum di? Səza wəsim zəga nokum məs dədawgay a makrokum məza awɓəta ɓa ade.

Yakob 4:1 Iomraidhean Croise

Matiye 15:19

Vi sə makra ɗəffi, wəɗum mbreyit adawgilyoŋ, tahəŋ wəmbəɗanən dəbay gən gəbaya, dəgəɗ gən mana'a ɗarɗarə wəhala, uwa wənna wəpel mbrayen azet ɗiiyi.

Yohanna 8:44

Ibilisayi affukum, mokum aka wəɗɗa an məs affukum aŋgələ. Ndəni məbay gəbaya daga wətəŋ nani, dənah ɗaah goŋga ɓa, goŋga taya makran ɓa. An munokum tatə peleŋ hĩnyaw, zəga nan kəgəmaŋ, vi məwə hĩnyawi vi affən hĩnyawyi.

Roma 7:23

Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa.

Roma 7:5

Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta.

Roma 8:7

Ɗəf məzasban əŋgla na gəɓa zəni, nan məzu seɓ na Maŋgəlvayi. Asbanna dawka na Maŋgəlva ɓa, gesiŋ asbanna dawka nan ɓa.

Galatiyen 5:17

Vi gəɓa zə ɗəf tayəŋgla an məs Əmpəs dəŋgəl ɓa, Əmpəs bo dəŋgəl an məs gəɓa zə ɗəf aŋgəl ɓa. Vi wənna əgay vaski, kərah na wəɗɗa mogon an məs kəŋgəl ɓa.

Kolosi 3:5

Say məbay dambər gən wəsim zəga məs dəmbər azokum, wəɗɗa ɗarɗarə, wəɗɗa mbrayen, də wəɗɗa mana'a, də wəkay zəga mbrayen gəm wəsim zəga (zəga takayi də wəŋgla na zəga də na zuli sən matuya.)

2Timote 2:23

Kədawnger də wəssoh an na dərwa də mogoni ɓaɓa, as nan wəgay adawsil gən kaaka'ə.

Titus 3:3

Vi nam bo lahəŋ na mənam tat zigeɗ dəɗerɗe, mawɓe' sit ɗii ɓa, məray gənən wənna, balemɗe na wəsim zəga temtem mənani, an naneken zə ɗəffa, məs darawɗe mənani məsimeŋ zəga mənani, tahəŋ wəzelmə, mənam tatə zeleti.

Titus 3:9

Amma wəbay ma net dərweŋge, də wəŋɗan wənna əlfa net dəhiŋgiɗmə, wənna wəgaya, də wəbay ma aka wənna ma henziŋ, məzi zukum azani atərna wəray ɓa wən ɗarri.

Yakob 1:14

Amma an wəɗum mbrayen armak ɗəffa, an wəsim zəga nan ambəɗanəka, armak kaɗɗa mbrayen.

Yakob 4:3

Ko an munokum tatə kamanən Maŋgəlva, dəpsukum gəni, kərəhaŋ na ɓa, vi wəkam nokum də wəɗum mbrayenni, munokum tatə sohoŋ vi keneken gəɓa zukum dəndən.

1Piyer 1:14

Məpprəm səm ma Maŋgəlva kədasbanən wəsim zəga nokum məs kədaw simeŋ lahəŋ daga kəɓəllə sənən goŋga ɓaŋ ɓa.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

2Piyer 3:3

Kəsənən gən tagay na, pay wəgrak dəlva, ɗii meɓɓet wazoŋ məzə soŋ adəv əŋgla na gəɓa ziti: Wamasaŋ akokum.