Yakob 1:4 - Nouveau Testament en Guidar

⁴ Amma məzi zukum kəsoŋ gən ɓəlɓəl ha pay wəgrak nani, vi kəsoŋ gən təstəs məza də mambray azokum ɓa.

Bible en Guidar

⁴ Ya əɓəs dərbə təstəsə, vi kəssoŋgən təstəs gərrak məza də mambray azokum ɓa.

Yakob 1:4 Iomraidhean Croise

Matiye 10:22

Ɗii namba dələv pak wazelkuməni viwa. Amma ɗəf an dədawgan ha aza wagraka wakohu.

Matiye 19:20

Gawla nak amna: Me henziŋɗe es pak nəŋɗetike nərmak wənneti, awan dəpəl su naɗɗa kan di?

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Markus 10:21

Zezu awlak də wəŋgla, apsən na: Asna ambər sukuk zəga taka: Avəl zəga nok pakə apsit məs saheŋɗe, vasna wakərəh məzaɓan a disiŋ. Asna kəde gən wəsbaw kana.

Luka 18:22

Adan Zezu apprəm vaska, apsən na: Apəl sukuk zəga taka əmpa: Avəl zəga nok pakə. Apsit məs sahaŋɗe, asna akərah arya məzaɓan a disiŋ. Asna kəde gən wəsbawkana.

Luka 21:19

Də wəsok zukum wakukoh gitin zeŋgillekum.

Luka 8:15

Zemve an dəbət aka ba'arə tay va məzupprəmaŋ wənna Maŋgəlva, armanənək də mekret taka, wətər wəray net warban zən də wəza neti.

Yohanna 17:23

Intatəɗɗa wəza amekreti, nok tamə istatəɗɗa wəza a makrawa, vi vaski adasoŋ taka gesiŋ. Ndəni duniya adawsənən na, is kəslənwa, kəŋgluwik va kəŋgluwa.

1Korintus 2:6

Intatərban zəga sit ɗii na Maŋgəlva məs dəsoŋ ɗii gugiriɗ də Əmpəs na Maŋgəlva. Amma əsən nan na duniyaŋki ɓa, walla sembe net ɗii məzəmaŋ məlĩn məs məɗiyit ka dəzaŋ gənəŋki ɓa.

Galatiyen 6:9

Mədaw ya də wəɗɗa mogon ɓa, an məyə ɓana waməbəllə an pay nan agapka.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Timote 3:17

Vi ɗəf na Maŋgəlva pak wasan təstəssə, azaɓanək zən naɗɗa wəza mogon pay pakə.

Ibriɗe 13:21

Maŋgəlva dəpsəm zamə, də wəbaah sukum kəɗɗanən gən wəza mogon an məs aŋgəl azokum. Ndən sən kiyən waɗɗa wəza an məs aŋgəl van adəvəmə. Də Zezu adaɗɗani. Gakdak sən Krestuwi ha faɗə dudan. Amin.

Yakob 1:5

An ɗəf səmbokum maɗulan nawsən an va adaɗɗa tay diiɗa ɓa, say də kaman Maŋgəlva wapsəni, wapsən ko naway pak də wəŋgla agbakan na ɓa.

Yakob 3:2

Mənam pak mənam tatə ray gən wən pay pak də tive temtem diiɗa. Ɗəf məs awray gən wən də wəpel nan ɓa, nan ɗəf mogoni sawɓa, asənək ərma zən səza mambray pakə.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

2Piyer 1:9

Ko naway məs tay də zemvit zigeɗis ɓa, awəl na faraɗa ɓa, nan tay va daŋgar, asgətək ki məskoɓ sən mambray nani.