Yakob 1:3 - Nouveau Testament en Guidar

³ Vi kəsənənka pay wən tattuwãh asla wətaf nokum, an munokum tat ɓəlɓəl də wətaf nokum, waɓəlokum aka an məs kəɓəsaŋ.

Bible en Guidar

³ Vi kəsənənka pay wən tatwãh asla wətaf nokum, wapsukum əɓəsa.

Yakob 1:3 Iomraidhean Croise

Luka 21:19

Də wəsok zukum wakukoh gitin zeŋgillekum.

Roma 15:4

An məs məverin adəv ɗerewel məsvani, məverin na vi karban səm wənnani, vi məyagan gən wəɓəsən, makram bo də ziw gini. Vaski an məs mədaw ga wənnan dəsan gən də sembe.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

Roma 8:25

Amma an mənam tatə gan mərah gən zəga nan məza mənam təmsa ulan tagay ɓa, asna mənam tatə gan də wəɓəsən.

Roma 8:28

Məsənka an ɗəf aŋgluwək Maŋgəlva, asna zəga məs Maŋgəlva agəɗ pak wasan zəga mogon azani, an məs Maŋgəlva aɗum sən də əŋgla nani.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

Kolosi 1:11

Maŋgəlva wasɓokum də gurom nani, də sembe nani, də gakdak nan metiŋgini kəɓəsən gən zəga pakə.

2Tesaloniki 1:4

Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

2Tesaloniki 3:5

Ɗəfdaya nam Zezu Krestu dəkpaŋgan makrokum, vi kəsbanən gən wəŋgla na Maŋgəlva də an məs aŋgələ.

Ibriɗe 10:36

Say kəsoŋ gən də wəɓəsən, vi kəɗɗanən gən wəŋgla na Maŋgəlva, vi kərəhən gən an məs anah na wapsit ɗii nani.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Ibriɗe 6:12

Məŋgəl kəsoŋ gən mətampəlɗe ɓa, məsoŋ va ɗii məs dətafaŋ dabəŋ tahəŋ də wəɓəsəni vi kawrəh an məs Maŋgəlva anah na wapsəmə.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

2Piyer 1:6

də ərma zə ɗəffa də əsok zə ɗəffa də əɓe sən Maŋgəlva,