Ibriɗe 2:3 - Nouveau Testament en Guidar

³ Mbar mbar mədawkoh kan an məsganək wəkoh metiŋginiŋ di? Ɗəfdaya sən kiyən arbanək wəkoh van dabəŋ, ɗii məs dəpprəməni, arbanenək wənani aziw gininke.

Bible en Guidar

³ mbarmbari nam mədawkõh kan an məzək sləma aka əkõh metiŋgin məs Daya sən kiyən atəŋ ərbani, ɗiy məs dəprəmən aziwgin səmən wən nani,

Ibriɗe 2:3 Iomraidhean Croise

Matiye 23:33

Dohoŋɗe kənanaŋ, zemvit barwayɗe. Mbarmbar kədawtakən zukum daw mbat aka kita na offo məza agrak ɓaŋ di?

Matiye 4:17

Dəpaski Zezu atəŋ wəpel wənna. Anahək na: Mətubiyə vi məlĩ na disiŋ go'oy.

Markus 1:14

Dərɓaga məsgan Zaŋ məgəɗ baptem a daŋgay, Zezu adek a Galile, apelək Wən Nenek na Maŋgəlva sit ɗiiyi.

Luka 1:2

Averinik an məs məpprəm sə zet məs dulenin zigeɗis də hereti daga wətəŋ neti, məpsiti tive narban wənnani.

Luka 1:69

Agil gənək ɗəf məs nawkoh gəm də sembe, səza gabba məlĩ Davit gawla nani.

Luka 24:19

Assohotike: Mi dəgəɗ di? Yaŋ azlan sənən na: Məs dəgəɗ aka Zezu məs na Nazaret, məs kleŋ metiŋ, də sembeyi adivit wəzaɗe də wəpel aba Maŋgəlva də abet ɗii pakə.

Yohanna 15:27

Nokum bo wakəɗɗaŋ saydawa akawa, vi kəsuwaŋgək də ina daga wətəŋ nani.

Wəza net Masləŋɗe 2:22

Munokum Israyelɗe, məpprəm wənnawəŋ ɗa: Zezu məs na Nazaret, masləŋ na Maŋgəlvayi, kəsənənka, vi awaloŋkumi Maŋgəlva arban sokene də sembe nani məs agəɗ də Zezu.

Wəza net Masləŋɗe 4:12

Dəndəni kaaka mədawrəh wəkoho, vi ɗəf maɓɓan tay a duniya ɓa sam, məs Maŋgəlva apsəm mərah gən wəkoh dəndən ɓa.

Roma 11:14

Kuzuŋ wanərah wəsil gən kotorok azet əlfiŋgiɗwa ka nəkohgit gən ɗii meɓɓeti.

Roma 2:3

Ya munokum mətawaŋ kita aket ɗii məɗɗaŋ zev wəza vaska, ya nokum bo munokum tatəɗɗanən zev wəza vaneti, azokum na wakukohoŋ səma kita na Maŋgəlva sa?

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Tesaloniki 5:3

Pay adawnahaŋ na: Zəga pak zami də mogoni, əza wade aket mədəgirzike va daway ada waksət gulku, akohoŋ na ɓa samə.

1Timote 1:15

Wən aŋka goŋgay, mogoni vi ko naway pak dətafə gəni məza də kuzuŋ ɓa, Zezu Krestu adek aka dəlva, vi kakoh git ɗii məɗɗaŋ mambraya. Əntə daya neti,

Titus 2:11

Yaŋ Maŋgəlva akos ki mbəlembəle nani, vi kawkoh git ɗii pakə.

Ibriɗe 1:1

Daga far laŋka, Maŋgəlva apel sitik dəhiŋgiɗəm də tive temtem diiɗa, də met məs kleŋɗe.

Ibriɗe 1:14

Mədəŋgaŋ maslayɗe di? Ndəɗaŋgəŋ Əmpəsɗe məzəɗɗaŋ sənən wəza sən Maŋgəlva. Maŋgəlva tay slinit dəbaahaŋ sitin gən ɗii məs dədawkohoŋ.

Ibriɗe 1:2

Amma aza wəgrak na pay nan kana, Maŋgəlva apel səmək də ma Wətəni. Dəni Maŋgəlva azəməɗ dəlva də təki a disiŋ, Maŋgəlva awelik ka zəga pak dəsan gən kanan ha faɗə.

Ibriɗe 12:25

Vi wənnani, say məzi zukum kədawɓoŋgoŋ dapprəm ma məzu pel sukum wənnan kakaŋ ɓa. Məzu ɓoŋgoŋ dapprəm ma məzu pel wənna Maŋgəlva aka dəlva, akoh na səma kita ɓa. Ya mbari nam kandi, waməkoh kan an məpprəm ma ɗəf məzu pel daga sə disiŋ ɓaŋ sa?

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

Ibriɗe 4:11

Vini say məsok səm zəmə, mərah gən wətoŋ atəki naffet na Maŋgəlva. Ɗəf səmbram adaw ɓoŋ akan vanet ɗii nek aɓoŋgoŋ nak ɓa, vi mədaw sam məza wərah wətoŋ atəki naffet ɓaɓa.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

1Yohanna 1:1

Mənam tatə versukum, aka wənna ɗəf məs adawyaŋ na əpel na zeŋgille, daga duniya tay tagay ɓa, əpel nan tay dabəŋ ki wətəŋ zəga pakə. Məpprəmək pay adaw pele, mulak də haramə, gesiŋ mulaka, mərəŋ gənək də vamə.

Zuda 1:17

Amma bayneŋgiɗwa, məɗumon an məpel sukum lahəŋ də met masləŋɗe na Ɗəfdaya nam Zezu Krestu.

Hənhən 7:10

Anzlaŋgək vamvəl dayadaya, adəv vamvəl nan tahəŋ wənahaŋ na: Wəkoh nam səza Maŋgəlva nam ade, məs dəsan aka mazaŋga na məlĩya gəm botol nani.