Ibriɗe 12:3 - Nouveau Testament en Guidar

³ Məɗumon bonoy məs assə, va aɓəs wəkay mama net məɗɗaŋ mambray aɗɗaŋ azani. Wənnəs wabaah sukum, vi makrokum adawyokum ɓa, kapan wənnan ɓa.

Bible en Guidar

³ Vasna, məɗɗumon ɗəf dəɓəs zev əzəmsãhã vas səvet məs mambrayɗe, ka kədappanən zukum əddak ɓa.

Ibriɗe 12:3 Iomraidhean Croise

Matiye 11:19

Wətən Ɗəf* adeke tay zəma tay saa zəga, tahəŋ wənahaŋ na: Ɗəffaŋ na wəɗum nan pakə, say aka wəzəmmi, dəwəsaa zəga, tay bayna dit duwanɗe dit məɗɗaŋ mambraya. Amma wəsən an mogon na Maŋgəlva tay ərban zən adəv wəza nani.

Matiye 12:24

Amma adan Farisiyenɗe* apprəmə nən vaska, anahaŋgək na: Ɗəffəŋka Belzebul məlĩ net tuyeŋɗe dəpsən sembe nawgil gən tuya.

Matiye 15:2

Vi mi gewleɗ nok asbanən wəsən annet diŋgiɗəm ɓa di? Vi aw ɗanən vet dawzəm zəga va wəsba annet diŋgiɗəm məsvan ɓa.

Matiye 21:23

Yaŋ Zezu atoŋ adəv gəla metiŋ naw zuliya*, atəŋgək wəpel wən na Maŋgəlva daka. Ɗii gugiriɗ net məs dəlveŋge dit Yahudiyenɗe azoŋko zani, assohonənka: Də sembe nami kəɗɗe zigeɗiŋ di? Naway dəpsuk sembe nan di?

Matiye 21:46

Yaŋ akayaŋ kuket narmani, amma geslne armek sit ɗiiyi, vi ɗii tahəŋ ulanən va məs kleŋ.

Matiye 22:15

Farisiyenɗe* akalaŋka vi kaɗɗa kuket narma Zezu də wəpel nani.

Luka 14:1

Yaŋ pay naffet* maɓɓani, Zezu ambatək eŋgil ana daya net Farisiyenɗe* da, vi kawzəm adaka. Ɗiiyen nadak aziyənək zit wətaɗən.

Luka 15:2

Farisiyenɗe* dit məsənaŋ zəga na ma henziŋ aɗɗaŋgək wərwər, aɓɗaŋ na: Ɗəffaŋka tay taf məɗɗaŋ mambraya, tay zəm dənɗaŋ.

Luka 16:14

Farisiyenɗe* məŋglaŋ deleɗ adan apprəmən wənnəska, amasaŋgək akani.

Luka 2:34

Simeyoŋ agəɗ sitik zəzaya, apsət Mari ma Zezu na: Maŋgəlva awelik winəŋka, vi dəsan gən tive naw zet ɗii diiɗa gəm nawkohgit ɗii diiɗa səmbet ɗii na Israyel. Wakpaŋ zəga narban aza Maŋgəlva an məs ɗii atafən na ɓa.

Luka 5:21

Məsənaŋ zəga na ma henziŋ dit Farisiyenɗe* atəŋgaŋgək wəɗumoŋ: Aŋ ɗəf naŋgay yaŋ di, məpel mbrayen aka Maŋgəlva vaŋkəŋ di? Naway məviyan mambray an Maŋgəlvayi ɓa di?

Yohanna 10:20

Ɗii diiɗa suweleŋgit aɓɗaŋ na: Mitemni, dərway, vi mi kədapprəmən man di?

Yohanna 18:22

Adan Zezu apel wənnəska, ɗəf taka səmbet məzugaŋ argaka, amna: Vas kədawzlansən daya net məs dəlveŋge sa?

Yohanna 5:16

Vini Yahudiyenɗe atəŋgən wəkayan Zezu, vi ambəl gən ɗəf nan pay naffete*.

Yohanna 7:12

Ɗii apelinək wənnan awalaŋ zit də wəseske'e. Ɗii meɓɓet aɓɗaŋ na: Ɗəf mogoni. Ɗii meɓɓet tam aɓɗaŋ na: Awwo, ɗii adaw zeti.

Yohanna 8:13

Farisiyenɗe apsənən na: Istatəɗɗa saydawa aka zuko, an məs kəpel tay də sləman ɓa.

Yohanna 8:52

Yahudiyenɗe apsənən na: Kakaŋ məsənək kana mitemuk kənani. Abraham amtəka, məs kleŋɗe bo amtaŋka, nok kənah gən na: Məs dəsban wənnaw na amtə na ɓana,

Yohanna 8:59

Yaŋ andenin kuneŋge vi kaskani. Amma Zezu aɗamanək zəni, agilik sədəv gəla metiŋ naw zuliya*.

Yohanna 9:40

Yaŋ Farisiyenɗe məs na maŋgavan apprəmən vaska, assohonənka: Nam bo deŋgerɗe mənan sa?

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

2Korintus 4:1

Maŋgəlva awlak səsahmə, apanək wəzaŋ avamə. Vini kana geslne dəmna ɓa.

2Korintus 4:16

Vi wənnani məppana əɗum nawga zəga nan ɓa. Gesiŋ, zeŋgille anna gəɓa zəməŋ wazə, amma zeŋgille məs Maŋgəlva adapsəmə, nan tay ndəf pay pakə.

Galatiyen 6:9

Mədaw ya də wəɗɗa mogon ɓa, an məyə ɓana waməbəllə an pay nan agapka.

2Tesaloniki 3:13

Annokum nədawnah sukum milmiŋgiɗwa, kədawyaŋ daɗɗa mogon ɓa.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 12:5

Kəsgətaŋgək ki wənnasɓan makrokum, məs Maŋgəlva apel sukum munokum kretiyenɗe sa? Amna: Wətuwa an Ɗəfdaya ahayokuko, apprəm mani. Gəduvuk adawda an ahayokuk ɓa,

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

1Piyer 2:23

Yaŋ aranənni, dəzlan sit də wəret ɓa, amma appanək kiyən ava Maŋgəlva məs mətaw kita də təstəssə.

Hənhən 2:3

Nok na kəɓəsəka, kəzəmək saha viwa, də as pak kənzok geslne ɓa.