Filipi 4:4 - Nouveau Testament en Guidar

⁴ Mənneken zukum də Ɗəfdaya, əntatə nah sukum əmpa mənneken zukum.

Bible en Guidar

⁴ Mənneken zukum addəv Daya pay pakə, in tat ənah əmpa mənneken zukum.

Filipi 4:4 Iomraidhean Croise

Matiye 5:12

Mənneken zukum, zukum dəsan neki vi riba diiɗa tay gukum a disiŋ vaski aɗɗaŋ sitin məs kleŋɗe en dabəŋ kikum.

Wəza net Masləŋɗe 16:25

Tətaŋ dəfəɗa, yaŋ Pol də Silas adawzuliyaŋ, yaŋ adaw gakdakanən Maŋgəlva də gəlya, ɗii na daŋgay meɓɓet tahəŋ wəpprəməni.

Wəza net Masləŋɗe 5:41

Masləŋɗe agilyoŋguk suweleŋgit məzu səɓaŋ, ambataŋka, zit annekik diiɗa vi Maŋgəlva aɗiyik ka ɗii məs dəgapaŋ nawzəm saha vi iya na Zezu.

Roma 12:12

Məneken zukum də zəga məs kədawgaŋ, məɓəs bonoy, məsok zukum əzuli pay pakə.

2Korintus 6:10

Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

Galatiyen 1:8

Amma an ɗəf apel sukumək Wən Nenek maɓɓani, mbəksa an məpel sukum. Ko mənamə, ko maslay sə disiŋ, wəray na Maŋgəlva dəde akani.

Filipi 2:18

Vaski nokum bo makrokum waneki, zukum wasan nek də ina.

Filipi 3:1

Kakaŋ na milmiŋgiɗwa, məneneken zukum də Ɗəfdaya. Nəppan na wəver sukum zəga məs nəver sukum səkay ɓa, amma zami azokum.

1Piyer 4:13

Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.