Filipi 4:3 - Nouveau Testament en Guidar

³ Ya nok bo is məzəɗɗa wəza də inkəŋkə, əntatə kamoko: Abaahsit gil məzəɗɗaŋ wəza na Wən Nenek də inəŋki gəm Kelemaŋ dit ɗii dambərgit məɗɗaŋ wəza də ina, iya net tayadəv ɗerewel na zeŋgille.

Bible en Guidar

³ Is məgəɗ wəza gesiŋgesiŋ də inkəŋkə, in tat əkkamoko, abbah siti, vi agayaŋgək ərban Alabara Nenek də ina, vaska' Kəlemaŋ dit ɗiy dambərgit məɗɗaŋ wəza də ina, iya net tay məverin addəv ɗerewel na zeŋgile.

Filipi 4:3 Iomraidhean Croise

Luka 10:20

Amma kə nekenən zukum vi tuyeŋɗe aɓe'eŋ sukumən ɓa, amma məneken zukum vi iya nokum məverni a disiŋ.

Roma 12:1

Milmiŋgiɗwa, Maŋgəlva arban səmək ula saha nan akam diiɗa. Vi wənnəski, ndəni məkomokum məpsən ki zukum sən Maŋgəlva də wəgəɗ sən wəza. Aski wəpsən zəga an nenek zəni.

Roma 16:12

Məsɗat Tarifayna dət Tarifusu, milmiŋgiɗəm məɗɗaŋ wəza na Ɗəfdaya. Məsɗat Perris, məlməmə akən məs məŋgələ məgəɗ sən wəza diiɗa sən Ɗəfdaya.

Roma 16:9

Məsɗan Urbanus, məgəɗ wəza na Krestu də mənamə, gəm Istakis baynaw na makrawa.

Filipi 1:12

Milmiŋgiɗwa, nəŋgəl kəsənən gəni, an məs dəgəɗ azawa, vi dəɓay gənə gən Wən Nenekki.

Filipi 1:16

Ɗii meɓɓet tahəŋ wəɗɗanən vaska vi wəŋgla, asənənka məɗiwi vi nəpel gən Wən Neneke.

Filipi 1:27

Say wəsuwa nokum dəslə də Wən Nenek na Krestu, vi an nədeke, wanulukum ko nəde ɓa, wanəpprəm labara nokum, vi munokum tat də sembe də Əmpəs taka, munokum tatə gayaŋ də makrokum taka də wətaf Wən Neneke.

Filipi 1:5

vi wəbaah mes kəbaahaŋ suwən de wəbalan Wən Neneke, daga wətəŋ nani, ha kakaŋka.

Filipi 1:7

Aslək azaw nəɗum gən akokum vaska. Intatə ɗikum amakrawa, munokum pak kərəhaŋgək mbəlembəle məs Maŋgəlva avayə, ko kakaŋ bo, va pay məs nəsaw a daŋgay, nəɗɗak saydawa na Wən Neneke ko va nəsaw nakiyu nawtakən walla naw ɗi Wən Neneke.

Filipi 4:2

Əntatə kamet may Ewodiya dət Siŋtike də slereŋ awalaŋ zit dəsoŋ də maɗulet va ɗak dət məlməta məs dətafən Ɗəfdaya.

Kolosi 1:7

Səma Epafras kədapprəmən wənnani, məzəɗɗa wəza də mənamə, ɗəf təstəssi, məgəɗ wəza na Krestu vikum.

Hənhən 13:8

Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.

Hənhən 17:8

Zəga mamanya məs kədawlaŋka, taylaŋka, amma kakaŋ na tay ɓa. Gu'oy aza wəgilyan sədəv vov kpukpum mbrayen, kadan atəki nawza kana. Ɗii məs iya net tay məverin adəv ɗerewel nawkoh ɓa daga wətəŋ na duniya, an awlanənək zəga mamanyaŋ na wagətaŋ, vi tay laŋka amma tay kakaŋ ɓa, ya wamil əmpa'a.

Hənhən 20:12

Nulak ɗii mimtit pakə, ɗii gugiriɗ dit muzliyeɗ pakə, tahəŋ ziw ziw aba mazaŋga na məlĩya. Məkolti ɗerewelɗe, yaŋ məkol ɗerewel maɓɓani, ndəni ɗerewel na zeŋgille. Ɗii mimtit pak mətawi kita aket va wəza net aɗɗaŋ məverin adəvit ɗerewelɗe.

Hənhən 20:15

Ko naway pak məs iya nan meverini adəv ɗerewel na zeŋgille ɓa, kasgani adəv vov na offo.

Hənhən 21:27

Amma zəga an na ma henziŋ atoŋ na awalaŋ gəla nan ɓa, ɗəf məzəppan ki zən vi zəga mambray pak də məwə tepelke pak atoŋ na adak ɓa. Ɗii məs nawtoŋgoŋ adak na, say ɗii məs məver iya net adəv ɗerewel na zeŋgille nava Botol nak dədawtoŋgoŋ awalaŋ gəla nani.

Hənhən 3:5

Ɗii məs dədayaŋ ki zəga nan pak waguloŋ lukutɗe baberɗe, nəviyan na iya net sədəv ɗerewel na zeŋgille ɓa. Amma wanənah aba Affu gəm abet maslayɗe net na, ɗii nawəŋ.