Filipi 4:1 - Nouveau Testament en Guidar

¹ Munokum milmiŋgiɗu bayneŋgiɗwa, vi vaski məsap vas də Ɗəfdaya, əntatə ɗum na məsa ulukum sawɓa, munokumtə wənnek nawa, munokumtə mətər kiya nawa.

Bible en Guidar

¹ Milmiŋgiɗu na makrawa, maw aka ulukum, mənokumtə ənnek gəm gagadak nawa, vasna məziw ɓəlɓəl addəv Daya bayneŋgiɗwa.

Filipi 4:1 Iomraidhean Croise

Matiye 10:22

Ɗii namba dələv pak wazelkuməni viwa. Amma ɗəf an dədawgan ha aza wagraka wakohu.

Yohanna 8:31

Yaŋ Zezu apsit Yahudiyenɗe məs dətafnən na: An munokum tatəsban an nədawnah sukum asna wakəkpaŋgaŋ gewleɗ naw gesiŋ.

Wəza net Masləŋɗe 11:23

Adan Barnabas agapə, awlak va Maŋgəlva agəɗ zəzay sit ɗii veti, zən anneke, yaŋ asəɓ sit na, say dəsənən Ɗəfdaya də goŋga də makret taka.

Wəza net Masləŋɗe 14:22

Asɓetinik ɗii məs dətafən Zezu, asəɓaŋsitinke dəsbanən gən wətaf də makret taka. Yaŋ anah sitin na: Say də tattuwãh mədawtoŋ məlĩ na Maŋgəlva.

Wəza net Masləŋɗe 2:42

Asokunək zit aza wəpprəm wən məs masləŋɗe adawpeleŋ sitini, asapaŋka, akpaŋgaŋgək taka ko də wəɗɗa zəga pakə, ko də wənna uɗakan waya, də wəkkaman Maŋgəlva bo.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

1Korintus 15:58

Vini munokum milmiŋgiɗu na makrawa, məsoŋ va də suwerkum məza naɓla ɓa. Məgay sən wəza na Ɗəfdaya pay pakə, kəsənənka zukum məs kədaw sokoŋ də wəsap nokum də Ɗəfdaya asanna ɗar ɓa.

1Korintus 16:13

Məga, məmpa tulkum adəv ətafa, məsok mokrokum, məsoŋ də sembe.

2Korintus 1:14

An məs kəsənaŋ kakaŋ na, nan kiyən kiyəni ɗarə. An Zezu Ɗəfdaya nam adek na, wakəɓapən wəgakdakaməni, va nam mədaw gakdokokum.

Galatiyen 5:1

Krestu apəlmək sədəv balam, vi məsam gən məza balemɗe ɓa. Vi ni məsoŋ də sembe adəv wərəh kikum, Ɗəf ada kpaŋgokum balemɗe əmpa ɓa.

Filipi 1:27

Say wəsuwa nokum dəslə də Wən Nenek na Krestu, vi an nədeke, wanulukum ko nəde ɓa, wanəpprəm labara nokum, vi munokum tat də sembe də Əmpəs taka, munokum tatə gayaŋ də makrokum taka də wətaf Wən Neneke.

Filipi 1:8

Maŋgəlva asənək pak goŋga nədawnaha, pay nədawnah na nəŋgulukumək diiɗa də ula saha na Zezu Krestu.

Filipi 2:16

Mərma wənna koh nokum vi nəɗɗi gən kikum pay naziya na Zezu Krestu. Vi wəza nawa, də wəzəm saha nawa, tay ɗar mekeleŋ ɓa.

Filipi 2:26

Vi aŋgələk ulukum pakə, arəkək sawɓa va kəpprəmənən na gbəgba' armaka.

Kolosi 4:12

Epafras asɗokumko. Nan bo ɗəf nokumi, məgəɗ wəza na Zezu Krestuwi. Dəppan wəkkaman Maŋgəlva vikum ɓa, tayəkkamani kəsoŋ gən təstəssə də Əmpəs va net ɗii gugiriɗe, kəsoŋ gən ɗii məs də zaɓanən zit naɗɗa an Maŋgəlva aŋgələ.

1Tesaloniki 3:13

Vi dəsɓan gən mokrokum məza vi kəziweŋ gən aba Maŋgəlva Affəmə, də mambray ɓa salala* aba Maŋgəlva Ɗəfdaya namə, pay wəziya na Ɗəfdaya nam Zezu adazani dit maslayɗe nan məs salala.

2Tesaloniki 2:15

Vi wənnəski kana, munokum milmiŋgiɗwa, məmpa tulkum adəvən, məɗi wən məs mərban sukum də letərəŋ akokum.

2Timote 2:1

Anoko wətuwa, asok zuko də mbəlembəle məs mərah də wəsap nam də Zezu Krestu.

Ibriɗe 10:23

Say mərma səm an məs mədawgaŋka, say mərban səm wənnan də sembe. Vi məsənək lewlewi, Maŋgəlva waɗɗa an məs anahə.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

Ibriɗe 4:14

Vini say mərma gən wətafəŋ də makram taka, an məs mədawpeliŋka, vi mənam tat də daya net məs dəlveŋge na Maŋgəlva məs dəgap atəki nasuwa na Maŋgəlva, ndəni Zezu Wətən Maŋgəlva*.

2Piyer 3:17

Amma munokum bayneŋgiɗwa, kəsənənək wənnan dabəŋ. Məzi zukum, vi ɗii məs aɓe'eŋ sənən Maŋgəlva ɓeŋ adawtoŋ gukumən adəv mambray net kapan wədaw nokum də sembe mogonəŋ ɓa.