Filipi 3:2 - Nouveau Testament en Guidar

² Məzi zukum azet kirɗe, məzi zukum azet məɗɗaŋ mambraya, məzi zukum azet məzu tawən zəga neti.

Bible en Guidar

² Məsla zukum səzet kirɗe, məsla zukum səzet məɗɗaŋ mbərayən, məsla zukum səzet məɗiyaŋ ki əskəlawra.

Filipi 3:2 Iomraidhean Croise

Matiye 24:10

Pay nani ɗii diiɗa wapanən wətaf neti, wazanən ziti, wazelenən ziti.

Matiye 7:15

Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ.

Matiye 7:6

Kədapsitin zəga salala* sit kirɗe ɓa, vi ada mə'aŋ akokum kaw har kumən ɓa. Kədas getin averzleɗ nokum sit vedemɗe ɓa, vi ada ndapetin də tilit ɓa.

Roma 2:28

Ɗəffan dəsan Yahudiyen aza gəɓa zən appaka kaaka'ə, Maŋgəlva aŋɗan na aweleŋgit ɗii nan ɓa, say ɗəf məs dəkpaŋ Yahudiyen amakrani.

2Korintus 11:13

Net bo masləŋɗe məs də goŋgaŋ ɓa, məwaŋ tepelkeŋ, məɗɗaŋ vəruməŋ, aɗiyənək zit va masləŋɗe na Krestu.

Galatiyen 5:13

Məlmiŋgiɗwa, Maŋgəlva ayukumək kəsoŋ gən məza balemɗe ɓa. Amma kədaw slaahanən kikum məs kərəhaŋgəŋ də wəsim zəga na gəɓa zukum ɓa, say məbaah sən zukum də wəŋgla.

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Filipi 3:19

Wəgrak na wənnet pak say də wəzzan ziti, gədəfti maŋgəlva neti zəga na willi azet ka gakdak neti. Wəɗum net say aka zəga nanziya egge kaaka'ə.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

1Timote 1:19

Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.

Titus 1:16

Tahəŋ wəɗɗaŋ saydawa na asənənək Maŋgəlva, amma wəza net tayərban na, azlabaŋgək səzani, daryawɗeŋ məɓoŋgitiŋ, dəgapaŋ naɗɗaŋ wəza mogon ko taka ɓa.

2Piyer 2:22

Gesiŋgi wən məkpaŋga nadəv ɗerewel lahəŋ arihike: Kəra aparka amilik əzəm əpar nani, vedem aslayka amndanək ara ndərɓa.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Hənhən 2:9

Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.

Hənhən 21:8

Amma ɗii mədekti məɓoŋti, məɗɗaŋ zəga an na henziŋ, may məbayaŋ ɗiiyi, məɗɗaŋ mana'a, məɗɗaŋ sokene, məzuliyaŋ sənən tuya, məwaŋ tepelke pakə, net təki net na, ndəni pe'e məs offo adawzla adak va muhurən, ndəni kan əmta an ma sula'ən.

Hənhən 22:15

Amma məɗɗaŋ ɗarɗarə, dit məɗɗaŋ sokene na tuya, dit məɗɗaŋ mana'a, dit məbayaŋ gəbaya, dit məzuliyaŋ sənən tuya, dit məŋglaŋ tepelke dit məwaŋ tepelke, dewle net wasoŋ amapoho na walaŋ gəla nani.

Hənhən 3:9

Aŋki zəga məs nədawgəɗ sit ɗii na Satan, məs tepelkeɗi məɗəyən zit na Yahudiyenɗeŋ, mbaraka na Yahudiyenɗeŋ ɓa, wanəgəɗ sit dewle dəzoŋ gən wəkdukun takpret aboko də gakdokokun gəni. Wasənən na nəŋglukuko.