Filipi 2:3 - Nouveau Testament en Guidar

³ Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

Bible en Guidar

³ Kədaɗɗaŋ zəga də əɗɗum na əgaya awaniɓa də əgagdakan zukum ɗar ɓa, ya məɓe'gən ki zukum də ula ɗiy meɓɓet daykikum.

Filipi 2:3 Iomraidhean Croise

Luka 18:14

Intatə nah sukum, nan arahək an Maŋgəlva aŋgələ, yaŋ amndan eŋgil annanda, amma Farisiyen dərah an məs Maŋgəlva aŋgəl ɓa. Vi ko naway də gakdakan zəni kaw gəsani ko naway də gəsan zəni, kaw gakdakani.

Roma 12:10

Məŋglu zukum, vi məlma kənanaŋ adəv wətaf nokum məs kətafən Krestu, məɓe sən zukum.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

Roma 2:8

Amma ɗii məs dəɓoŋgoŋ akani, dəsbanən goŋga nan ɓa, dəppanən zit sən zəga mbrayen, Maŋgəlva waki wədda gədəv nan də tattuwãh nan pak aketi.

1Korintus 15:9

Əntə muzliya nambet masləŋɗe, vi nəzəm gitik saha net ɗii na Maŋgəlva. Nəgap nayu masləŋ kəta ɓa.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

2Korintus 12:20

Geslne duwəka, pay nədadaw annokumda, nərəh kum na aka tive nan va nəŋgəl ɓa, nokum bo kərəh wənna va kəŋglaŋ ɓa. Geslne duwəka, pay nəda zaw annokumda na: Wanərah wəgaya də kotoroku də wəda gədəva də əlpa də əpel mbrayen də tepelke, də wəgadakan zə ɗəffa də ɗarɗar pak awaloŋkum.

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Galatiyen 5:26

Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.

Efesus 4:2

Kədaw kaɓaŋ aket ɗii meɓɓet ɓa, məsoŋ də zam awalaŋ zukum də wəɓəsən, məɓəs sən zukum də əŋgla.

Efesus 5:21

Məɗi ki zukum də geslne na Krestu.

Filipi 2:14

Adəv wəza nokum kəɗɗaŋ wərwər aka Maŋgəlva ɓa, kəɗɗaŋ kuzuŋ aka aŋgla nan ɓa.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

Kolosi 3:8

Amma kakaŋ na say məppan wənnan pakə, wənna wəda gədəva wəsim zəga mbrayen. Wərra ɗəffa walla wəpel mbrayen adawgilyan sə mokum ɓa.

1Timote 6:4

asna kizən adawɗi ɗar mekeleŋ dəsən zəga ɓa. Dərway, wəbay ma adaŋgla də wəgaya aka wənnəska. Wən məs dədazan səza wənnəs bo ndəni: Kotoroku də wəgaya, də wənnassiya də wəsuwa nan mbrayen.

1Piyer 3:8

Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

1Piyer 5:5

Nokum tamə gewleɗi, məpprəm met ɗii gugiriɗ nokum. Məgəɗ wəza sən zukum, də əɓe sən zukum. Va məverin adəv ɗerewel anahə: Maŋgəlva tay bay gagay sit məzu gakdakanən ziti, amma wapsit mbəlembəle sit ɗii məzə ɓegənən ziti.