Filipi 2:2 - Nouveau Testament en Guidar

² An tay vas na, məneken su zuwa vi kəsoŋ gən maɗula taka, wəŋgla taka, makra taka, wəɗum taka.

Bible en Guidar

² asna, mənneken su zuwa vi kəssoŋgən maɗɗula taka, əŋgla taka, megenegenekum taka, əɗɗum taka.

Filipi 2:2 Iomraidhean Croise

Yohanna 3:29

Məzu ɓelta, ndəni zilta. Amma bayna məzu ɓel tay ziwe amaŋgavata, taypprəm wənna ni. An apprəmək wəlani waneken zəni. Vaski bo wənek naw adaknəh kakaŋka.

Wəza net Masləŋɗe 1:14

Ndəɗaŋ pak asapanənək met taka aka wənnakkama, dit gil pak may Mari ma Zezu gəm milmiŋgiɗin Zezu.

Wəza net Masləŋɗe 2:1

Yaŋ kan pay wəzləra məs adawyaŋ na Pentekosta* agapə, ɗii na Maŋgəlva pak akkalaŋgək atəki taka.

Wəza net Masləŋɗe 2:46

Ɗii na Maŋgəlva pak tahəŋ wəkalaŋ adəv gəla metiŋ naw zuliya* də gəla net pak adakalaŋ adawzəmaŋ. Tahəŋ wəzəmaŋ də wənneken ziti, də makret taka.

Wəza net Masləŋɗe 5:12

Masləŋɗe aɗɗaŋgək sokoneɗ diiɗa aweleŋgit ɗiiyi. Ɗii məs dətafaŋ pak akkalaŋgək amba genzek na Salmoŋ.

Roma 12:16

Məsoŋ də wəsler awalaŋ zukum, kədaw kayaŋ gakdak aweleŋgit ɗii nokum ɓa. Ɗəɗaah mətaf wəza an məs tay də gakdak ɓa, kədaw ɗiyən ki zukum na va kəsənənək zəga pakə ɓa.

1Korintus 1:10

Milmiŋgiɗwa, əntatə komokum də iya na Ɗəfdaya nam Zezu Krestu, wən nokum dəsan taka, mokum taka kədaw gayaŋ ɓa, amma məsler mokum taka, də kuket nokum pak dəsan taka.

2Korintus 13:11

Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

2Korintus 2:3

Ndəni nəver sukum wənnani. An nədek annokumda na, nəŋgəl na kədaɗumoŋ ɓa, vi aslək kənekenən gən zuwa. Nəsənək gesiŋ an nərahək əneken zuwa, asan nokum bo akərəhaŋ əneken zukum.

2Korintus 7:7

Əziya nani dəɓət gəm kaaka ɓa, amma anah səmək wən nokum kəɓət gənənka. Munokum tatəɗumoŋ naw luwa də əɗumon məs dəgəɗə, munokum tatə sokən zukum aza əbaah suwa. Ndəni kan annek zu diiɗa.

Filipi 1:4

Pay nədawzuli vikum pakə, əntat zuli de weneken zuwa,

Filipi 2:16

Mərma wənna koh nokum vi nəɗɗi gən kikum pay naziya na Zezu Krestu. Vi wəza nawa, də wəzəm saha nawa, tay ɗar mekeleŋ ɓa.

Filipi 2:20

Vi əntat də ɗəf maɓɓan məs maɗulan dəsler də ina, məs naɗum aka wən nokum zən soksok va Timote ɓa.

Filipi 4:2

Əntatə kamet may Ewodiya dət Siŋtike də slereŋ awalaŋ zit dəsoŋ də maɗulet va ɗak dət məlməta məs dətafən Ɗəfdaya.

Kolosi 2:5

Ko vi nəsaw fəraɗa də gəɓa zu səzokum zlaŋ, əntatə saw də munokum də wəɗum nawa, zu neki adan nəpprəm na kətafənək Krestu, kəɗiyənək kikum akani.

2Tesaloniki 2:13

Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.

2Timote 1:4

Intatəɗum aket sin nok məs kədawhəmma, əntatəɗum akok nawluko, vi makraw dəsan gən neki.

Filemon 1:20

Kamə məlmuwa aɗɗa vaska vi əŋgla na Ɗəfdaya, anneken su makrawa va an dəslə aza ɗəf də məlmən adəv Krestu.

2Yohanna 1:4

Makraw neki sawɓa vi kirtuk tahəŋ wəsbanən goŋga, va dawka məs mətaf səza Affəni.

3Yohanna 1:4

Wən tay naneken zu dayki an nəpprəm na milmiŋgiɗu tahəŋ wəsbanən tive na Maŋgəlva də goŋgaŋ kəmpa ɓa.