Filipi 1:1 - Nouveau Testament en Guidar

¹ Letərəŋka, səza Pol də Timote ade, belemɗe na Zezu Krestu, azet ɗii na Maŋgəlva a Filipi mes de tafnen Zezu Krestu pakə, dit mezuteɗeŋɗe dit ɗii gugiriɗ net kretiyenɗe.

Bible en Guidar

¹ Pol də Timote belemɗe na Yesu Kristu, azet məweleɗe na Maŋgəlva addəv Yesu Kristu en na Filipi dit məzuteɗeŋɗe gəm məzəbbahaŋgə.

Filipi 1:1 Iomraidhean Croise

Markus 13:34

Wagəɗ va ɗəf adadan malaka, apanək gəla nani, apanək wəza nan avet məɗɗaŋ wəza, ko naway pak apsənək wəza nani, anahsən məzuga memeŋle na aga.

Yohanna 12:26

Ko naway dəŋgəl wəgəɗ su wəza say dəsbawa, vi məza gəɗ su wəza, də san gən atəki məs nəsaw tamə. Ko naway dəgəɗ su wəza. Affu wa gakdakni.

Wəza net Masləŋɗe 1:20

Vi wənnan məverni adəv ɗerewel na Davit: Gəla nan dəsan ki məskiya, ɗəf adasan adak ɓa. Vaski wənnan məverin: Say ɗəf mbərən dəgəm wəza nani.

Wəza net Masləŋɗe 20:28

Məga zukum məga ngaɓa məs Əmpəs Salala apəl sukuməŋka. Məsoŋ məzuteɗeŋge net kretiyenɗe na Maŋgəlva, məs arah də əmta na Wətəni.

Wəza net Masləŋɗe 9:13

Ananiyas azlanəka: Ɗəfdaya, ɗii diiɗa anahaŋ suwənək wənna ɗəfəska, anah suwənək na azəm gitik saha net ɗii nok a Zerusalem sawɓa.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

Roma 1:7

Nəsɗo kumko munokum ɗii na Maŋgəlva a Roma pakə, ayukumko ka kəsoŋ gən ɗii nani. Maŋgəlva Affəmə də Ɗəfdaya namə də Ɗəfdaya nam Zezu Krestu dəpsukumən mbəlembəle də zam neti.

1Korintus 16:10

An Timote adek annokumda na, mətaf mogoni vi adawsan awaloŋkum də geslne ɓa. Nan bo tay gəɗ sən wəza sən Ɗəfdaya vanawa.

2Korintus 1:1

Letərəŋka Pol dəvere, ndəni bo masləŋ na Zezu Krestu də əŋgla na Maŋgəlva, ina də Timote məlməmə, azet ɗii na Maŋgəlva na Korintus. Dit kretiyenɗe naka dələv na Akaya pakə.

Galatiyen 1:10

An məs ɗii aŋglaŋ nəkay sa? Tay vas ɓa. An məs Maŋgəlva aŋgəl nədawkaya. Walla an nenek zit ɗii nəkay sa? Va vaski na nəsaw na balam na Krestu ɓa.

Galatiyen 3:26

Də wətaf nokumi kəsoŋ kirtin Maŋgəlva, gəm vi kəsapaŋ də Zezu Krestu.

Galatiyen 3:28

Temtem tay aweleŋgit dit ɗii məs dəsənən Maŋgəlva ɓa, aweleŋgit balemɗe dit məza balembɗeŋ ɓa ɓa, aweleŋgit zeli dit gil ɓa, vi munokum pak kəsapaŋgək də Zezu Krestu.

Efesus 1:1

Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

Efesus 1:15

Yo nəpprəmək wənna wətaf nokum məs kətafən Zezu Ɗəfdaya namə, də wəŋgla nokum viyit ɗii na Maŋgəlva pakə.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Filipi 2:19

Intatə ɗum də Ɗəfdaya Zezu, wanəɓap wəslən Timote azokum abe suɗike, an nəpprəmək labara nokum makraw wafeti.

Filipi 2:5

Məsoŋ də wəɗum taka azokum, məs dəde səza Zezu Krestu:

Filipi 3:12

Naw nəh na nərahək səkayi ɓa, walla naw salala* naniyi ɓa, amma əntatə nzawa nərəh gən zəga məɗiyən viyit məzudaɗiyaŋ, yaŋ Krestu arəmwək səkay.

Filipi 3:3

Vi mənamtə ndəɗaŋgəŋ ɓa, mənamtə ɗii məs dəsklaŋ awra an də goŋga, mənamtə məɗɗaŋ wəza na Maŋgəlva də Əmpəsa, gakdak nam aka Zezu Krestu məɗiya, nam ɗii narban gəɓa zəm mənan ɓa.

Filipi 3:8

Zəga aski kaaka, amma gesiŋ intatə ɗi wənnəs pak azaw va məs dəray səkay, vi nərah gən zəga an na sləma ndəni Zezu Krestu Ɗəfdaya nawa. Vini nəppan wəsən nawsən kiwa. Intatə ɗi wənəs pak azaw va zəga məsgan aka gadərgiya vi nərahə gən Krestu.

1Tesaloniki 1:1

Letərəŋka səza Pol də Silas gəm Timote ade, əkan azet kretiyenɗe na Tesaloniki, ɗii na Maŋgəlva, də Affən Ɗəfdaya nam Zezu Krestu, dəpsukum mbəlembəle nan də zam nani.

1Tesaloniki 2:2

Kəsənənka məzəm gəmi saha a Filipi daga məɓəl wəgap annokumda a Tesaloniki ɓa. Aramənka kəsənək wənnani. Amma Maŋgəlva asɓaməka vi məpel sukum gən labara neneke, an məs dəde səzani, ko də wən ɗarɗar asil zlaŋ.

2Tesaloniki 1:1

Letərəŋka səza Pol də Silas gəm Timote ade, əkan azet kretiyenɗe na Tesaloniki məs dəsoŋ ɗii na Maŋgəlva Affəmə də Ɗəfdaya Zezu Krestu:

2Tesaloniki 1:10

Wagəɗ vas pay adazan naka, an adek na vi ɗii nan wəgakdakanənni gəm wasan va sokene amaharet ɗii nan məs dətafəni vi pay nani. Nokum bo wakəsoŋ dənɗaŋ, vi kətafənək wən məs mərban sukum.

1Timote 1:2

Sən Timote wətu məs də goŋga adəv wətaf nəver səni. Maŋgəlva Affən də Ɗəfdaya nam Zezu Krestu dəpsukumən mbəlembəle də ula saha də zamə.

1Timote 3:8

Ɗii məɗɗaŋ wəza net kretiyenɗe bo, say də soŋ ɗii də maɗulet mogoni, adasoŋ matakatakeɗ ɓa, walla məsaŋ mbazla diiɗa ɓa, walla məzəŋgla riba mbrayen ɓa.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Titus 1:7

Məzutaɗa net kretiyenɗe, dəsan ɗəf məza də wən akan ɓa, vi ndəni məzuzaɓan wənna Maŋgəlva, məza adaw san ɗəf məzu kaɓ ɓa, məs adawda gədəv ɗar ɗar ɓa, adawsan məs mbazla adawbay ɓa, ɗəf məzəw gay dit ɗii ɓa, ɗəf məza awsim riba mbrayen ɓa.

Filemon 1:1

Letərəŋka səza Pol mədaŋgay vi Zezu Krestu ade, mənam də Timote məslən aza Filemon baynam na makram məgəɗ wəza də mənamə,

Ibriɗe 13:23

Nəŋgəl kəsənən gən na, məppani məlməm Timote sə daŋgay. An agapək aŋ gu na, waməmbat matakə, an əntatə mbat ədawlukum.

Yakob 1:1

Ɗereweləŋka, in Zak nəvere, əntə məgəɗ wəza na Maŋgəlva də na Ɗəfdaya Zezu Krestu. Nəsɗetik ɗii na Maŋgəlva məs dətrayaŋ aka dələv pakə.

1Piyer 2:25

Lahəŋka munokum tat va timeŋgiɗ məzeti, amma kakaŋ na kəzoŋguk aza məzutaɗa məzuga zeŋgillekum.

2Piyer 1:1

Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

Zuda 1:1

Letər na Zuda masləŋ na Zezu Krestu məlmən Zakə, əslənən azet ɗiiyen muwelit na Maŋgəlva, məs dəsoŋ adəv əŋgla na Maŋgəlva Affəni, məs Zezu Krestu adawgeti.

Hənhən 1:1

Adəv ɗereweləŋka, məverini wən məs Zezu Krestu arbani, də zəga məs Maŋgəlva arbansəni, vi dənah sit gən məɗɗaŋ wəza nani an məs dədaɗɗa kakaŋka, Krestu aslənək maslay də wənnan aza Zaŋ məgəɗ wəza nani.

Hənhən 1:20

Mbar aŋgəl wənah də wənnet ngərzleɗ buhul məs kədawla aza vaw dəzəŋ kãwwã, də təbəs na meleŋge dit pitirleɗ bulul məlawit azan di, ngərzleɗ buhul ndəɗaŋgeŋ maslayɗe net kretiyenɗe buhulu, pitirleɗ buhul bo, tayərban gəla na zuli net kretiyenɗe buhul.

Hənhən 19:10

Nəkdukuk amba tələn kawzuli səni, amma apsu na: Kəɗɗa vas ɓa! Naw bo gawla na Maŋgəlva nan va isi gəm venet milmiŋgiɗuk məs dərəhaŋ goŋga səza Zezu. Məzulisən Maŋgəlva. Goŋga məs Zezu arbani, ndəni an məs kleŋɗe arbaŋ də wəza neti.

Hənhən 2:12

Aver wənnəŋ aza maslay net kretiyenɗe na Pergamus: Ɗəf məs də kafahi man sula gən pak amna:

Hənhən 2:8

Aver aza maslay net kretiyenɗe na Samirna: Ɗəffan dabəŋ ndəni bayma, amna: Ɗəf məs dəmtə asilik səkəti əmta.

Hənhən 22:9

Amma yaŋ apsu na: Kay kədaɗɗa vas ɓa! Naw bo gawla na Maŋgəlva nan va isi gəm va milmiŋgiɗu məs kleŋɗe, va ɗii məsbanən ɗereweləŋ pak nani. Azulisən Maŋgəlva!