2Piyer 2:2 - Nouveau Testament en Guidar

² Də as pak ɗii diiɗa wasbanən tive nawza neti, vi wənna wəza netiŋ vaskəŋka, ɗii wanəhaŋ wən aza tive an də goŋga.

Bible en Guidar

² Də as pak ɗiy diyɗa wazbetin addəv ɗarɗar neti, aka wən neti, ɗiy wapeleŋ mbərayən aka gegesiŋ.

2Piyer 2:2 Iomraidhean Croise

Matiye 22:16

Aslininik gewleɗ neti dit gewleɗ na Herodə aza Zezu, apsənən na: Məsən zəga, məsənka ɗəffan təstəs kənani, istat ərban tive na Maŋgəlva də goŋga kaw geslne sən wəpel net ɗii ɓa, vi nok kaslga sləma əwelet ɗii ɓa.

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Matiye 7:14

Amma madamba an feŋge, tive nan bo tuwãhə, nan kawmbat aki wəkoho, nan məzəsbanən tahəŋ diiɗa ɓa.

Markus 12:14

Azoŋguk azani apsənən na: Mərbə zəga, məsənka əstə təstəssə, kaw geslne sən wəpel net ɗii ɓa, kaɗum aka ɗəf məzə gakdakan zən ɓa, istat wərban tive na Maŋgəlva də goŋga. Anah səmə: Ma henziŋ atakək əpsən zomorgol sən məlĩ na Roma sa walla də tak ɓa?

Markus 13:22

Vi Messiyeɗ məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ, vi kawzet ɗiiyen na Maŋgəlva aweli, va waɓapəni.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Wəza net Masləŋɗe 13:10

Apsən na: Wətən Satan! Is tatə ray gən zəga mogon pakə, kəppana wəkpaŋgan goŋga na Ɗəfdaya ka tepelke ɓa.

Wəza net Masləŋɗe 14:2

Amma Yahudiyenɗe meɓɓet aɓoŋgoŋko dətafənən ɓa. Aɓoŋgitinik ɗii məza Yahudiyenɗeŋ ɓa, dəzelin gən ɗii məs dətafaŋ.

Wəza net Masləŋɗe 16:17

Tatəsbamə, tatə ɗi geŋgere də wənah na: Ɗiiyiŋki, məɗɗaŋ wəza na Maŋgəlva na disiŋgiŋ. Warbanən sukumən tive nawkoho.

Wəza net Masləŋɗe 18:26

Atəŋgək wəpel məza də geslne ɓa, adəv gəla nawpel wənnet Yahudiyenɗe. Adan Piriskilla də Akilas apprəmən an məs adawpele, akinənək eŋgil anet da, arban sənənək tive na Ɗəfdaya an kotak nani.

Wəza net Masləŋɗe 19:9

Amma ɗii meɓɓet kiyit ɓəlli, dəŋgereŋ wətaf wənnan ɓa, apeleŋgək mbrayen aka wənna tive na Ɗəfdaya amaret ɗii diiɗa. Vini Pol agil git ɗii na Maŋgəlva ambataŋ. Pay pak tayə bay ma dit ɗii a lekol na Tirannus.

Wəza net Masləŋɗe 22:4

Nəzəm gitik saha net ɗii məzəsbanən tive na Ɗəfdaya ha ɗii meɓɓet amtaŋka dəka wən an məs nəgəɗ siti nərmek zel dit gil pak nəkek a daŋgay.

Wəza net Masləŋɗe 24:14

Amma apprəm an məs nədawnah sukkana: Intatə zuli sən Maŋgəlva net dəhiŋgiɗwa, də wəsban wənnan məs adawnahaŋ na: Wəɓoŋgit ɗiiyi. Amma naw bo əntatəsban ma henziŋ na Moyis də ɗerewel net məs kleŋɗe pakə.

Roma 2:24

Va ɗerewel anah na: Ɗii namba dələv pak tay peleŋ mbrayen aka wənna Maŋgəlva, vi wən nokum munokum Yahudiyenɗe.

1Timote 5:14

Vi wən vas kəŋka, naw nəŋgəl na ɗəɗaah gil zemvit vas dəkayaŋ zel əmpa'a dəwaŋ gən kirni, dəgayaŋ gən də wərma gəla neti, vi məzu zelmən adawrəhaŋ tive nawpel mbrayen akam ɓa.

Titus 2:5

Dəsoŋ gən də maɗuleti, də wərma ziti, məɗɗaŋ wəza eŋgil enet da, mogoni, məpprəmən met zilŋgiti, vi adaw wəpel mbrayen aka wənna Maŋgəlva ɓa.

Titus 2:8

Aɗi wəpel an təstəssə, an məs ɗii azelenən na ɓa, vi məzuzeleŋ nok wil dədenən gəni, vi arəhaŋ na wənnawpel mbrayen akam ɓa.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.

2Piyer 2:12

Amma ɗiiyeŋki tahəŋ va sluɗe nawra məza tahəŋ də wəsən ɓa, məzuwaŋ vi karmet kawbeti, tahəŋ wəranən an məs dəsənən ɓa, vaski adawzaŋ vanet sluɗe nawraski.

2Piyer 2:15

Yaŋ apanən tive mogoni, azaŋka, asbanənək tive na Balama wətən Be'or məs dəŋglu deleɗ məs adaw rəh də wəɗɗa mambraya,

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

2Piyer 2:21

Ɗəɗaah va dəsənən tive an təstəs ɓa, ki asənənka, ya dəsbanən ɓa, apanənək ma henziŋ nan məs apsiti.

2Piyer 2:7

Akoh gənək Ludu, ɗəf mogoni. Pay na Ludu, ɗii məs mambrayɗe azəm gənənək saha də əsuwa net mbrayni.

Zuda 1:10

Amma ɗiiyiŋki, tahəŋ əpeleŋ mbrayen aka zəga məs dəsənən ɓa. Tahəŋ əsbanən əsim zəga net va zəga mamanya nawra, gesiŋgi wəsim zəga nan wazeti.

Zuda 1:15

Vi kawtaw kita aket ɗii pakə. Wataw kita aket ɗii məɗɗaŋ mambray vi wəza mambray neti, wataw kita aketi, əpel mbrayen məs adaw peləŋ akani.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Zuda 1:7

Məɗumon wənna dələv na Sodoma də Gomorra, gəm walaŋ gəleɗe en tuwəɗ kini. Ɗii nadəvən aɗɗaŋgək va net maslayɗe nek aɗɗaŋgə, asbanənək wəsim zəga na gəɓa zit mbrayen. Kita na offo məza amta ɓa azəmgitik saha, vi ɗii pak də geslne'eŋ gəni.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 13:14

Zəga mamanya nan azetik ɗii naka dələv də sokeneɗ məs agəɗ də gakdak na zəga mamanya naka. Yaŋ anah na, ɗii naka dələv pak dəɗɗaŋ gən foto na gakdak na zəga mamanya məs məɗi sən vamvi də kafahi naka, yaŋ tay madarani.

Hənhən 13:8

Ɗii naka dələv pak wazuliyaŋ sənəni. Ko naway məs iya nan məverini adəv ɗerewel na zeŋgille, daga wətəŋ na dəlva fuŋ ɓa. Botol məs dəmtə naka ɗerewel van nani.