2Korintus 4:3 - Nouveau Testament en Guidar

³ Labara Nenek məs mədarbanəŋka, gesiŋ məɗamani ɓa. Say azet ɗii məzet adawsan məɗaman kaaka'ə.

Bible en Guidar

³ Ya an Alabara Nenek mədarbanəŋ kiyən asərətəka, asərətək viyit en məzuzaŋgə,

2Korintus 4:3 Iomraidhean Croise

Matiye 11:25

Pay nani Zezu amna: Aw Affən Daya na disiŋ də dəlva fuŋ, soko azoko vi karban sitik kirin muzliyeɗ an məs kəɗaman azet məsənaŋ zəga dit məzapprəmaŋ.

Roma 2:16

Payan nawtaw kita adazani, Maŋgəlva də Zezu Krestu watawən kita aka wəɗum məs dəɗam amekret ɗiiyi, warban zəni, va Labara Nenek məs nədarban wənnan anahə.

1Korintus 1:18

Wərban wənnamta na Zezu Krestu aka wəlaŋga məzliwrihe, wənnan tay va dərwa azet ɗiiyen məsənaŋ zəga, amma azam mənam naka tive nawkoh na, ndəni sembe na Maŋgəlva.

1Korintus 2:6

Intatərban zəga sit ɗii na Maŋgəlva məs dəsoŋ ɗii gugiriɗ də Əmpəs na Maŋgəlva. Amma əsən nan na duniyaŋki ɓa, walla sembe net ɗii məzəmaŋ məlĩn məs məɗiyit ka dəzaŋ gənəŋki ɓa.

2Korintus 2:12

Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa.

2Korintus 3:14

Amma maɗulet aɓapna əpprəm ɓa bo. An tahəŋ əŋɗanən labara məs məverin, zəga nan tayəzəɗ akani ha pay dəpaŋka. Zəga nan ator na ɓa, say an ɗəf nan atafək Krestu.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Timote 1:11

Wəsən məs dəde səza labara neneke məs məvaya, ndəni məs dədarban gakdak na Maŋgəlva, də mogon nan pakə.