Mateo 5:4 - Ino sapiti Dios: bawuwa tulag

⁴ “Nagasatino tolayira a aggalowino nakanda gafu sino liwaꞌda, se bambayanira i Dios.

Mateo 5:4 Iomraidhean Croise

Lucas 16:25

“Udde kunni Abraham si, ‘Ikka a abbingku, dandammannu nadda sin kabiyangngu, ana sikwamino ammina anggammu, e i Lazaro, passiya dyatino ilawumma. Udde sitoya, makilanggakin sitaw, e ikkanino madyatan.

Lucas 6:21

“Nagasakkayuwa mabisin sito ingkein, se mabattuggayuna. “Nagasakkayuwa mattangit sito ingkein, se makkatawakayuna.

Lucas 6:25

“Kakallakkayuwa mabattug sito ingkein, se mabisinangkayuna. “Kakallakkayuwa makkatawa sito ingkein, se maloneno nakandaw e mattangikkayuna.

Lucas 7:38

Wasin sinallung sinay, inang sino likuri Jesus. Gafu se matattangit, nabateno takkiyi Jesus sino kalaluwana, e finunatanna sino abuꞌnga. Inamammaneno takkina, kasena binubbuwan sino bambangug.

Lucas 7:50

Udde sinapikkappayi Jesus sino bafay si, “Gafu sino angngurungngu sikwak, nesalakangkan. Manokan a nalawannaddino nakammu.”

Santiago 1:12

Nagasatino tolaya natalanggadda mangurug ki Dios, massiki nu madyadyatan, se nu maita i Dios si natalanggaddino angngurungnga, appannaneno labuta nekariyi Dios sino manggammira sikwana a antuweno biyaya mannayun.

Nepakaammu 21:4

Funatanna amminino kalaluwarera. E awaninna matay, awaninna mattangit, awaninna aggalow si nakam, anna awaninna matakit, se ammin inaya nakwa sino dadana lubag, naawaniran ammin.”