Mateo 22:22 - Ino sapiti Dios: bawuwa tulag

²² Sin naningngagganda sinay, nakkaꞌbawira, e inanawanda.

Mateo 22:22 Iomraidhean Croise

Mateo 10:16

Netuluyi Jesus a nassapit si, “Dingngaggandaw yaw. Dundunantakayu sino narakkattira a tolay a kundawingke ino karnerowa umang sino agyananino kattalatalawira a sumarona atu. Antu gafuna, palanandonaddino akwanda sikwayu e awangkappenad balawanda sikwayu.

Mateo 22:33

Nakkaꞌbawingke ino tolayira sin diningngaddenaya netulduwi Jesus.

Mateo 22:46

Awaningke sikwara a makasombat, e mangiyafu sinoy, awaninna naturira mabbebut sikwana.

Mateo 8:10

Nakkaꞌbawi Jesus sino naningngagganna sinay, e sinapiꞌna sino tolayira a dinandan sikwana si, “Gakkurug yo sapitangku sikwayu, awana dinambalkuwa tolay sikwayuwa gakagaka i Israel a kunnenoyino kinatuyangngeno angngurungnga.

Marcos 12:12

Sin diningngaddenay, anggammino afafuwerana Judyu a doꞌmani Jesus, se naawatanda si ireno ampariyanna. Udde nattalawira sino tolayira, antuweno inanawanda.

Lucas 21:15

se ikkanaꞌngeno mangaꞌda sikwayu sino fustuwa sapitandaw anna kinalainga amme dama a sombatanino kakontarayuwera.

Inangwa 6:10

Udde ammera a maaffut, se dinuffunanino Espirituwi Dios e nalainga nanombat.

Colosas 4:6

Kanayun nadda mappaanggammino assapiꞌdaw e nalawara dingngaggan, e nadadangkayu nadda manombat si massiki inya a mabbebut sikwayu ta fustuweno isombaꞌdaw.