Lucas 8:24 - Ino sapiti Dios: bawuwa tulag

²⁴ Antuweno ginammiyanda i Jesus a sinapiꞌda si, “Afu, Afu, malimattetamun!” Ginabwati Jesus, e sinunneno kalipappag andino palung ta suminakkira, e ilammattinnino kalipappag anna nassiyanakkinnino palung.

Lucas 8:24 Iomraidhean Croise

Mateo 14:30

Udde wasin initaneno palung gafu sino tuyangngeno bayabbag, nakatalaw e lumannaddin nad. Nakkulawuwa nassapit si, “Afu, isalakannak!”

Mateo 8:25

Inanda inafat, e sinapiꞌda si, “Afu, isalaꞌdakami, se malimattetamun!”

Marcos 4:39

Ginabwati Jesus, e sinapiꞌna sino kalipappag si, “Lumammakkan.” Sinapiꞌna kappay sino palung si, “Suminakkayu.” E ilammattinnino kalipappag anna nassiyanakkinnino palung.

Lucas 4:35

Udde “Suminakkan!” kunni Jesus sino narakkatta espiritu. “Anawannun yana tolay!” E iletwarino narakkatta espirituweno lalaki sino naraꞌlanganino tolayira, kasena inanawana ammena inansa.

Lucas 4:39

Inaraꞌniyi Jesus sino iddana e sinapiꞌna si maari naddino babannangnga. E naariyen gakkurug, e ginabwatino bafay e pinakkannera.

Lucas 5:5

“On, Afu,” kunni Pedro, “udde nappaawkamiya nanafukul, e awaningke a naappami. Udde nu antuweno sapitannu, itakkummi kappayino tafukulmi.”

Lucas 8:25

Wasinoy, sinapiꞌna sino adalannera si, “Mayan naawaninnino annalaꞌdaw sikwak?” Udde nakkaꞌbawira anna nakatalawira e nakkakibikibebutira si, “Sanneno katolena yaw? Se massiki ino kalipappag andino palung, tunannera e kuruwandeno sapitanna.”