Lucas 7:29 - Ino sapiti Dios: bawuwa tulag

²⁹ Ino kaodduwan sino naningngaggira ki Jesus, massiki ino gumattukiyera si buwit, kinurudda si gakkuruwino nepasapiti Dios ki Juan, antuweno nappabawtisarira ki Juan sin nanulduwanna kepay.

Lucas 7:29 Iomraidhean Croise

Mateo 5:46

Nu ino pelang manggam sikwayuweno anggammandaw, wara kad labuꞌdaw ki Dios? Massiki ino naingapira a gumattuki si buwit, damara a mangwa si kunnenoy.

Lucas 20:6

Udde nu kuntam si tolepelangino naggabwatanna, lapalappaggandetam amminino tolayira, se kuruwanda si tata a gumalabbuni Juan.”

Lucas 3:12

Agyangkappayino gumattukiyera si buwita inang mappabawtisar, e sinapiꞌda si, “Afu mesturu, sanna payino nalawara akwammi?”

Lucas 7:28

Netuluyi Jesus a nassapit si, “Sapitangku sikwayu, awana tolaya neyanak sito lubagga nangatu amma ki Juan, udde massiki nu kunnenoy, ino kaabbafawana tolaya mesapat sino patturayani Dios, nangatu amma sikwana.”

Lucas 7:35

Udde massiki nu kunnenoyino sapitandaw, maita si gakkuruwa naggabwat ki Diosino tuldumi anni Juan gafu sino salinunuꞌna sino biyayino manguruwira.”

Inangwa 18:25

Nalappatta manuldu mappeafu ki Afu Jesus, e gakkuruwino netulduna, se sinulduwanda siꞌin. Udde ino pelang inammuneno netulduwi Juan annino namawtisaranna sino tolayira.

Inangwa 19:3

Sinapikkappayi Pablo, “Sanna mat mantuweno inammuwandaw sin nappabawtisarkayu?” “Ino inammuwammi ino bawtisara netulduwi Juan,” kunda.

Roma 10:3

Se ammera pilingalingeno planowi Dios a mibilang sino tolayira si naggaddang sikwana, nu ammera lud talakkannino ana sino nakanda a damara a mapagaddang gafu sino annuntulda sino lintig, e antuweno ammera itulukino baggira a manuntul sino planowi Dios.

Nepakaammu 15:3

E kakkantandeno kanta i Moises a nasserbi ki Dios siꞌin, a antu kappayino kanteno Karnero. Kunnayawino kantara, “Afu Dios a mannakadama si ammin, kakkaꞌbaw anna madandayawino ammina akwannu. Ikkeno afafu si palulubbun, e passiyingke naggaddang anna nalawarino akwannu.

Nepakaammu 16:5

E diningngagguweno sinapitino anghela gumaimut sino danuma kunna si, “Afu Dios, Dioska siꞌin, Dioska makkiyad sitaw, a awaningke kakunnaneno kinalawannu. Naggaddangngino akwannuwa mangastigu.